فارق حب

-٤٣-

سبحان الله
و
الحمدلله
و
لا إله إلا الله
و
الله اكبر

لم تَكُن مُجَرد عيون
بَل صورة مُصَغرة
لِوَطنٍ أرغبُ بالأنتماء إليّه .

—حضي حلو بيك كلش حلو اصلن

—لا والله اني لحضي حلو بيج تدرين كد ماااحبج اريد ادخلج بضلوعي واقفل عليج

حجاها وجعصني بحضنو
—علي

—ها يروحي

—بوسني

ضحك وكال ... هااا صرتي ادبسزز مثلي

—اي هاي اول عدوه انعديتها منك يول
رفعت راسي من صدرو ادحگ ل عيوني عيونو تتنقل بين شفتي وبين عيوني كتلو

—ليش بذيج الليله كلت بسببج خسرت رتبه

—كلمه وطلعت نضل العمر كله نجلب بيها

—مو قصدي اذكرك حبيبي بس اريد افهم ليش كلت هيج وشلون خسرت رتبه
بسببي

—شلج بهل سالفه

—من حقي اسمع احجيلي حباب

—وره فترة من اجيتج للجامعه وره مافتركنه

ادري بي قصدو وره فتره زواجي بس ميكدر يكول ابتمست ب وجهو وربعت شكد يغار هل مخلوق ابتمست صار يحجي

—صرت مالي واهس بالدوام وكلشي اسوي بدون واهس مجرد اكضي لوكت بالي مو صافي مثل قبل ولا صحتي ذيج لفتره ضغطي يعلك

—تذكرت بكر كال عندو ضغط يمكن

—مو مزمن بس اخذ فتره يعلگ اله حب يلا ينزل

—شكد حباب هل ولد الله يذكره بالخير تدري دعى النه ومن عرف لصار بينا نقهر وضاج ضل فتره يدز خطيبته تطمن على وضعي لان وراك ماسكتت من البجي

—اي خوش ولد بس خيولي

—ليش

—حط عينه عليج

—مابيها شي حبيبي كل إنسان يطمح ب إنسانه يزوجها ومن نشوف شخص بي صفات تخلي يكون مناسب النه گ شريك

—ميخالف خيولي ادري وافتهم بس خيولي ماحب شخص يحط عيونه على شي الي وانتي كلج الي

—حبيبي الولد خطب وره فتره ماضل مجلب بالعكس من اول مره حجيت وياه هو تفهم الوضع ودعى النه

—ايييي

—كمل شنو صار

—اي كمت أقصر وابو الليل وانور يسدون ب مكاني عمج هو وابن اخو هاذه الشي اجى من صالحه بيوم داخلين إنذار واني جنت بغير مكان وماجاوبت على لاسلكي اجتني عقوبه ردت اسدها ماصارت جان الأمر متشدد كلش بعدها وصار يحقر وياي بعدها عرفت مدفوع من عمج وراحت عليه الرتبه بسبب هل شي جان غلط مني انطيتهم فرصه بس صار لصار ماكدر ذيج الفتره كلش تعبت