فارق حب

-٤٥-

سبحان الله
و
الحمدلله
و
لا إله إلا الله
و
الله اكبر

اضوگك بالجفن و استطعمك بالروح
واتجمد ببعدك و بهواك انحل ،

—واذ اكلك تقدملي

—ساق** وابن سطعش كلب

—هههههههههه لولي شبيك أشاقه وياك

—ممم
كلب خلقته وصار يخوزر
—باجر بيش ساعه نطلع

—ماعندي شي علراحتج

—اريد كيمر خلينه نطلع من وكت ناخذ من الحجيه

—صار

ابتسمت فرشت فراش لان جربايه نفر واحد متكفينا علي دائما بي طبيعه يحب ينام بالزاويه بالدحسات تغطينه لزم موبايلو يتراسل مديت راسي يحجي ويه جماعته حجي عادي بخصوص الدوام دحگت ل اسم الكروب ضحكت
مسمي لمة عفطيه 💫

—هاذه منو لمسمي الكروب

—انور

—ههههه خوش اسم زين انور شنو رتبته

—نقيب

—اصغر منك

—بسنه يمكن

—شكد عدهم اطفال

—ثنين ولد

—قديم مزوج

—قبل خمس سنوات يمكن هيج

—ممم

طلع من المحادثه ودخل عل فيس يحب الريلز يضل يكلب بيهن وصلو ريلز من قيصر دخل عليه مقطع ل بنيه وخلفيتها اوفر يعني مبينه مصطنعه وبشكل مبالغ بيها وكاتب ل علي

—خالي تفيدك هيج مره تطمس بيها

ابتمست شكد ادبسزز
ضحك علي وكتبلو .... ههههههه لك قيصرهاي اذ الزمها السلكون يطفر عليه

كمت طفيت الضوه رجعت لفراشي نصيت راسي ونمت عل ايدو وهو بالثانيه يكلب المقاطع حبيت اتحارش بي خليت راسي ب ركبتو بس بدون لا اسوي شي
عطرو خله معدتي تكلب طفرت من الفراش وهو طفر عل طفرتي
فتحت لباب ودخلت للحمام صرت استفرغ وهو فوك راسي يمسح على ظهري ويبعد خصلات شعري اشرتلو ب ايدي يروح ضل مستمر حسيت روحي طلعت فتحت ل مي وغسلت وجهي رفع شعري وخرت عن المغسله ضميت راسي ب صدره احتضني بثنين اديه وهم اجى عطرو بخشمي كوه هدئت روحي وابتعدت عنو

طلعنه من الحمام للغرفه تمددت بفراشي

—محتاجه شي