فارق حب

-٤٩-

سبحان الله
و
الحمدلله
و
لا إله إلا الله
و
الله اكبر

‏شماته وليل غربـه وچلمه الياحيف
يلتمن دمع ويطيحن بخدي

عريـان السيـد خلـف⁩

بلعت ريكي انسحب الموبايل مني ادحكلو علي يدحك بيه ويخزر ضحكت مامصدكه والله انت جبتها لنفسك غلق الخط وشمره الجهاز

عل جربايه منتظره تبرير منو شو هاذه سد ال تيبل لام انطرح عل الجربايه ونام عل بطنو

حسيت براكين اشتعلت بداخلي سحبت شعري كل قوتي ورجعتو ليوره اخذت ملابس وطلعت للحمام واني نااار روحي مشتعله غسلت وطلعت لبست ملابسي
ونزلت جوه ماكدر انام روحي تلوب دمعت عيوني وبجيت بخنكه طلعت للحديقه رفعت راسي اتنفس اكبر قدر ممكن الخنكه والعبره احتلتني دموعي لحاره صارت تنزل ب غزاره تعالت شهكاتي محتاره بزماني هسه هاي هم اهلو جابري هم عندو تبرير لا ماعتقد ولا هميتو نام الحقير موبايلي ب ايدي

الوكت ب ٢ ونص ادري ب اهلي يكعدون وكت الصلاه دزيت رساله ل خطاب

—ابو حسن فدوه من تشوف رسالتي تعال عليه

دزيتها وسديت الموبايل جسمي كلو يرجف جان قبل لا افكر ولو تفكير ويدخل الشك بالي هو يمحي ويحجي ليريح كلبي هسسه عافني بكسرتي وشكوكي

ل ٣ اني عل نفس كعدتي حرارتي ارتفعت وبلاعيمي تجرحت اكثر
دحكت للموبايل ماشافها خطاب لسه صارت ل ٣ ونص دخلت للبيت صعدت للغرفه ادحكلو مانايم ادري بي من ينام

دغيته ب جتفه فتح تك عين

—كوم اكعد

رفع راسو من المخده وكال ... شبيج

—فرصتك الاخيره مااريد اضلمك مثل مااسويت وياي بالمره الفاتت

—هووو شكو وفرصتي الاخيره

—لتعلي صوتك ابنك نايم اني ب غرفة البنات الحكني

طلعت من الغرفه مادري يغشم نفسو مدري شنو ماعرف
دخلت ل غرفة البنات كعدت عل جربايه واني أهز ب رجلي
الموبايل بيدي ارتج فتحتو من خطاب

—صاير شي شمس

كتبت الو  .. لا ماكو شي اطمئن بس تعال عليه تعبانه واريد ارتاح كم يوم

—ماشي جهزي نفسج

سديت الموبايل وخليتو بيدي دخل علي
دحكت ب وجهو وكتلو ...فسر السمعته اذني