فارق حب

-٢٢-

سبحان الله
و
الحمدلله
و
لا اله إلا الله
و
الله اكبر

هذا ليس ذبولاً بل إستراحة مُحارب .

—دحگي اني جنت ادرس ب بغداد يم بيت خالتي قبل لتصير احداث داعش بالعراق

—اي

—وتعرفت عل علي عن طريق اختو صديقتي بنفس القسم وياي وبدت قصتنه مثل اي ثنين يحبون بعض بس للاسف ماستمرت علاقتنا

—ليش شنو مااتقدم لو نيته لعب

—اوف ياريت نور لو ضاحك عليه لو مأذيني المشكله ماعاف شي اكرهه بي ولسه امووت عليه

—لعد شنو صار

—ابويه وعمامي والدنيا كلها رفضت لان هو شيعي واني سنيه هاذه سبب من الأسباب  ابن عمي طلع يحبني ابويه منطيهم كلام عساس اني الو  هددوني بي   من اجه كتلو ل ابويه أحبو خيرني بينهم وبينه واني بالحالتين خسرانه اذ اختاره انسه اهلي وهددوني بي وادري ب عمي ميخاف الله يسويهاا يعني ماكو كل الطرق نسدت نجبرت اطلع كداموو وواوافق على ثائر

—عزززه ياعيني شنو هاي الله يساعدج وهو شنو موقفه

—اوف علي اجى وتقدم اكثر من خمس مرات ويرفضو اهلي

—اوي والله قهرتيني وهسه شنو

—ثائر مات وهاي سالفه طويله مااحب احجيهاا لان حيل تضوجني

—زين وعلي يعرف راسلي تواصلي وياه

—ماكدر

—ليش

—اخاف متزوج او عنده علاقه و اسبب الو مشاكل وهم رقمو مااتذكرو ورقم اختو محذوف

—راسلي بس لتكوليله اني شمس وسئلي

—جربت ابحث عن حساباتو اعتقد مغيرهن مااكو ماكدرت اوصل ل شي يخصو هو رجل خالتي يعرفو بسس مااكدر زحمه وهم من اخير مشكله صارت هو ميحجي ويه اهلي لان امي حجت ويه علي وهم من اجو اخير مره هو وياهم وشرهان تجاوز بالكلام ف من وقتها قطع علاقته بينا بس امي تخابر خاله احيانا ولبنات عرسن وماعندي وياهن تواصل

—زين شنو اسمه وين يشتغل انطيني اي شي عنه هشام عنده هواي اصدقاء مسربت يوميه بالكوفي وهواي يعرف ناس بلكت يكدر يحصل رقمه وحتى اذ تندلين بيتهم او شي

—لااا مستحيل اندل بيتهم بس ماااروح عيب ولا كرامتي تسمحلي شنو اكول اله زوجي مات تعال تزوجني  وحتى اذ عرفت رقمو ماكدر ماعندي خط وهاذه لخط ب اسم خطاب اخوي وهو بالعسكريه هاي السوالف كلهن يطكطكهن ويعرفهن ويكشفني من اول محاوله

—اجيبلج

—شنو

—خط اخويه عنده صديقه يبيع كلگ بدون مستمسكات دائما ياخذ منه