فارق حب

-٣٠-

سبحان الله
و
الحمدلله
و
لا اله إلا الله
و
الله اكبر

رفع ل كبوس طبگ حواجبو ويباوع ب خزره كال ... شكو شبيج
درت وجهي عنو كضب ايدي وعصرها عصر

زدت بالبجي بدون صوت راسي طبل صار منا لبارحه مانمت عدل واليوم من صبح بالصالون ووكفه وحده وهسه طريق من الحله ل كربلاء وسالفت صخام اخير شي

هو ضل ملتهي ويه اصدقائه اغاني عاليه نزلو نهاية الحله صارو يركصون هو نزل وياهم اجت نور

—هاا شلون صرتي

—يعني بس احس راح اصخن راسي كام يوجعني نور وعيوني صارت تطلع حراره

—جايبه الابره

—لا ماجبت

—هسه اشتريها بلكت نلكه صيدليه عل الطريق
شوفيهم شحلاتهم شلون يركصون

رفعت ل كبوس وادحگ الو يجنن شايلي اصدقائو ويهوسون اله شويه واجه نور رجعت حركو السياره ابو بالصدر كعد وصلنه للفندق دخلو بس سيارتين
دار السياره واجه عليه ابو بارك النه نزلت وياه دخلنه للفندق سوت جبير دخلت نور انطتني ل ابره والجنطه سوده عليه تبهذلت وياي ونزلت هو سلم عل اخوانه

كعدت عل جربايه نزعت ل كبوس ادحگ كلشي مثل مااريد بس مختنكه مو هاذه اليوم نحلم بي من زمان خلص شمس صارت ل علي بس كسرني وكسر خاطري سمعت صوت فتحت لباب دخل

غمضت عيوني ونزلت دمعه حاره جوت خدي ادحگلو بالمرايه عينو عليه نزع سترتو واجه كعد ب صفي كل ضنو ابجي لان فاركت اهلي

—كافي بجي ادري فاتحه
كلبت عيوني أتعجب شلون كدر يضم هيج سالفه عني
رفع راسي ب اصبع لسبابه ودحگ ب عيوني
—اموت ولا أشوف هل دموع

كوه طلعت
— اخير شخص أتوقع الاذيه منو هو انت

زفر نفس وكال
—والله حسني كلبي عرفتي مو ؟

بجيت تقرب يريد يحضني بعدت نفسي عنو وكمت عل حيلي حجيت واني امسح دموعي

—لتتقرب ولا تطخني لحد متشوف حل للسالفه خاف حسبالك ماحجيت وتم عرسنه وضمنت شمس صارت الك وتريد تخليني كدام الأمر الواقع لاااا غلطان ماااقبل اتشارگ بيك خليها ابالك لو كلك الي لو ماريدگ فاهمم

—لتاذيني بحجيج لسويته حتى ننجمع انتي اكثر وحده تدرين شكد عانيت بس حتى اخذج كافي عليه اهلج ورفضهم عولت تصيرين الي بعد لصار كله

—ومعناهاا تقبل تزوج علي ؟

—مالي غير هل حل ابويه جان رافض يجي خصوصا بعد لصار اخير مره عمج غلط بحق ابويه وتجاوز امي جانت رايده اخذ بت عمي واني رافض لسالفه لبنيه تزوجت وراحت بحال سبيلها من رجعتي وفتحت لموضوع وياهم رفضو رفض قاطع بعد اصرار ومشاحنات بيناتنا قبلو بشرط أتزوج غفران بت عمي تخيرت بينج وبينهم شمسسس خلي نفسج بمكاني ثنيكم عزازززز عليه لا اكدر اعوفهم واختارج ولا اكدر اختارهم واعوفج لج متدرين لصاررررر بيه وانتي ماكو الموت صار يمشي بروحي