فارق حب

-٤١-

سبحان الله
و
الحمدلله
و
لا إله إلا الله
و
الله اكبر

من فرط ألفتيّ به وأُلفته بيّ
‏ أكاد أُصدق أن " روحنا واحدة " ♥️.

—حتى اني اريد انام كبد

—اييي نام حباب

—حباب حباب هايهيه

صدك حسيتو نام غفيت ودخلت ب سبات عميق من بعد ليله احلا ليله ب عمري

لمسات اصابع تمشي عل خدي ابتمست نعسانه ضوه الشمس ضرب ب عيني ماريد اكعد درت وجهي للجهه الثانيه ونمت ماحسيت غير سحبني ل حضنو عض خدي

—اووي علي هو هيج

—لجج افقد من اشوفهن كطن والله ترفاتتت يموتن
حجاها ورجع عضني هل مره بقوه

—يول كافي اهجع شبيك لو ما فشله اغرد

—هههههههههههههه كوليهاااا مجلوب موو

—ههههههه حشاگ عيوني بس صحيح

—ههههههههه لا يا ادبسزززز يابربوگ دتعاي

جعصني جعص دار جسمي الو ابتمست واني ادحگ ل عيونو

—اصارحك

—كولي كبد

—عيونك كيوت مو مال عصبيه وتخوزر بيهن

—ههههه شلون يعني

—يعني حلوات وبيهن نظره حلوه وكوه تخوزر بعيونك تذكر اول مره شفتك بيهاا ؟

—من وصلتج

—لااااا

—جا شوكت

—بيوم اجيتو للكليه على طلاب ثنين واخذتوهم وزهره اتصلت بيك

—جنتي موجوده ماشفتج

—طبعا متشوف كومه طلاب بس اني شفتك

دحگ ل عيوني حجى والابتسامه ب وجهو
—اتذكر اول مره اجت عيوني عليج بالبدايه انجذبت ل لهجتج لفتت انتباهي بعدها من ردتي تنزلين يم ابو الآسواق كلت هاي مخبله عاقله شلون يخلوها اهلها بهل ضهر تشتري ماتحملت حاجيتج باوعت ب وجهج جني اعرفج من سنين وجهج نكع ب كلبي صرت أتعمد أحاجي زهره اسئلها عليج او اسمع فد موضوع يخصج ماعرف اول مره ادقق ل بنيه بهل شكل تختلفين انتي غيرر

—احب غزلك طريقة تعبيرك بالكلام لسانك مال ادبسززيه تخلي كلبي يردح

—واني احب مستحاج والخدود يصيرن طماطه لو رجفتج من أتقرب عليج تخليني افقد اعصابي واغدي تراب