فارق حب

-٣٢-

سبحان الله
و
الحمدلله
و
لا اله إلا الله
و
الله اكبر

وإذا دفنوني اسولف بيج للميتين 🔥🩵

سد لسبيكر وتحول الموضوع جدي ضل يحجي وياه اخير شي كلو دروح مو مال عيني واغاتي انت اله تشوفهاا مزفوفه ل غيرك يلا ترتاح
سده منو وكال ... هاذه ميتحرگ شبر واني ماكدر افتح هيج موضوع ويه هجران وره رجعتي نروح الهم وبوكي لسانها

—يعني تريد نجمع راسين بالحلال اوي شكد تقي انت

—ههههههههه
ضحك وكال ... سجلي شنو تحتاجين مواد حتى اجيبهن

كملت جنطته ونزلت ل خاله ضلينه نتناقش اني وياها وشكد عددهم همه هواي وكالت سوي زايد مو ناقص احسن كتبت الو المواد ل احتاجهن ودزيتهن على الواتس نزل من فوك مبدل

—اكلك عيني انت وين رايح

—اسوگ الكم غير

—عجل اخذني وياك ضايجه اني

—يلا صعدي بدلي

صدك طفرت بدلت بنطرون وقميص رتبت وجهي ولفيت الشال ونزلت جان يحجي ويه خاله دحگ ب ملابسي وكال

—صعدي جيبي صايه

—حبيبي مابيهم شي والله

خزرني بمعنى شكلتت سكتت منا خاله صعدت ليفوك اخذت صايه لبستها فوك ملابسي ونزلت

طلع قبلي للسياره صعدت مدلي كلينكس

—شكرا مامحتاجه

—ل شفتج بابا

—شبيها شفتي

—مابيها بس زاطه الحمره زط يلا حبيبي مسحيها

—شطلعت هاااي

—تره الحلو حلو بدون هل سوالف وانتي اصگ بنيه شفتهاااا تدرين شنو بودي
اسوي
حجاها وحاط ايدو عل ستيرن ويدحك بوجهي

—ابتمست وكتلو شنو

—دمج محبوب بودي اشيلهاا هاي الصفه واجتماعيه ماااتحمل تحجين ويه غيري حتى من تنطلقين بالسوالف ويه صديقاتج اغار الضحكه والسالفه ل تطلع منج ومو الي بودي احاسبج عليهاا انتي تدفرين باب الكلب وتدخلين

يحجي واني روحي سايحه بين التبريد وبين كلاماتو ل مثل الكهرباء تدخل ل جسمي سحبت ل كلينكس وكتلو

—جيب انعل يومي اذ ماامسحها بعد هل كلام الحلو
ضحك

وطلع ل اكثر من مكان شكله جدددي بره لبيت ول عجبني اكثر وين منروح كاضب ايدي لو ايدو وره ضهري من يصير ازدحام
طولي ويه طوله شكد حلو شلت كم علاكه اخذهن مني وخلاهن بالسياره
صعدنه

اخذنه اكل سفري ورجعنه للبيت تعشينه وهو طلع بدينه خاله تبرش المواد واني اغسلهن كلشي خلصتو سويت ل حشوه وفورت ورق العنب خاله مو كلش يعني متلفهاا قوي اني احبها تكون اصابع كتلها اني اسويها صدك كعدت من ٩ عليها ل ١٢ ونص اني عل كعده وحده بس الف بيها هو دخل
—الله يساعدج
—ويساعدك حبيبي
صعد للغرفه اني شبهه كملتها شويه ونزل مغير ملابسو ضل يسولف ويه خاله
كملتها وكتلو ... خليها ب مكان بارد وبالثلاجه مستحيل تصير لان كدرها عملاق صدك شال الكدر وخلا بالاستقبال كلت الفجر احطو عل النار