فارق حب

-٢٣-

سبحان الله
و
الحمدلله
و
لا اله إلا الله
و
الله اكبر

ثاري الگلب چذَاب بَس شافك أشتاگ .

رجعت مراجعه للدكتور ابو التغذيه قطع عني المشهي بقى بس الفيتامينات والحديد وزني صار ٦٥ بالضبط ويه طولي ابتسم الدكتور وكال ... اي هسه كلشي تمام بقت نعوض النقوصات والمشهي لا تقطعي فجأه يعني اخذي بين يوم ويوم كل ثلث ايام

—ماشي دكتور مشكور تعبتك

—تدللين

طلعت منو وامي فرحانه صار مقابيلي مركز تجميل نور سابقا مسولفتلي عنهم وعن شغلهم مسويه اكثر من شغله يمهم

—ماما تعاي ندخل لهاذه المركز

—شسوين يمه

—اريد اضرب نظاره شويه وجهي باهت

—انوب شنهاي

—دتعاي ياعيني

مشينه اني وامي دخلت للمركز حجزت ودخلت للدكتوره شرحت الها شنو اريد
سوتلي مكس نظاره بدت تحقنو ب وجهي طبعا النتيجه مباشره مجرد ماانطتني المرايه ودحگت ل وجهي ابتمست صار حسبالك قطعه كزاز كتبتلي كورس
كل شهرين بعدها كل ٦ شهور مره طلعت منهاا واني ابتسم وامي تصلي تكول هاي شحطت وهيج صار يلمع ويضوي رجعنه للبيت نفستي نوعا ما مرتاحه
اشتريت ملابس لان ل اخذتهن قسم زغار صارو جان وزني اقل وماخذتهن على القياس القديم جهزت كلشي لان هم حيجي دوام

بديت ب اجرائات التعين خطاب راح للانبار جاب تايد التخرج بعدها ل دائرة صحة بابل وهوسه فحوصات طلعنه للفحص بالمستشفى اني وخطاب كملت كلشي بسس منتظره يوصل سراي اتصل عليه خطاب ميقبلون يدخلون الأهالي بس لمتعينين حتى لصير ضجه وهوسه فتحت خط

—ها شموسه

—هاا عيني

—كملتي

—لا وألله لسه

—باعي صار عندي شغل لزم اروح بس تكملين اخذي تكسي ورجعي للبيت

—ماشي

—تخافين لو عادي بابا

—لا حبيبي عادي ماعندي شي هم اريد امر للسوك اشتري كم شغله وصتني امي عليهم ف اخذ راحتك

—ماشي يلا اذ تحاجيني شي اتصلي عليه

—تمام

سديتو منو شويه ووصل سراي فحصت وطلعت من المستشفى مريت عل سوك
اخذت ل وصتني امي عليهن وطلعت اتمشى اخذت تكسي واني بالتكسي فاتت اربع سيارات سود مثل ل اجى علي بيهن بالضبط دگ كلبي ضليت ادحگ الهم وبالي كلو صار يمهم استدارو