فارق حب

-٢١-

سبحان الله
و
الحمدلله
و
لا اله إلا الله
و
الله اكبر

"إنني مُثقل ، وكأن هذا العالم يتكئ عليّ"

بعد السالفه لصارت  خطاب خير حفصى بين يتركها
وتضل يم اهلها او تجي ويانه مادخل ل اهلها ابد خصوصا
بعد الكلام والحجي والتلفيق لصار قطع العلاقه كليا

هي تموت عليه ف ضلت وهم حامل بشهر ل خامس
وبيها ولد عمي صار يخبث ويه خطاب حتى بشغلو واخير
عركه صارت والسمعه الزفت بالمنطقه قرر قرار نهائي نترك الأنبار

عندو صديق بالحله قنعو عل النقله وفعلا رحنه ل بابل زياره
بعدها رجعنه للانبار رتب امورنا كامله باع شكو شي ل ابويه
راسي صدع من المعاملات لان اروح وياه يحتاجون توقيعي
ووجودي باع حتى البيت وعندو قطعه هم باعها صفى كلشي
مابقى شي النه هنااا رجعتنه صارت مستحيله

كمل كلشي وصفى مابقى شي النه هنا طلع للحله تقريبا
عشر ايام ضل هناك صديقو وياه ماعافو ابد مشترين بيت
سجلو ب اسم امي بس جان غالي حتى امي كلتلو خاف
غاشيگ يكول لا المنطقه راقيه وماكدر اكعدكم ب اي مكان

ولفلوس لبقت قسمهم بالنص بيني وبينو هو اشترى سياره
وانطاني لباقي اني ماعندي شي اسوي بيهن ف خليتهن يمو

انتقلنه اول يوم نروح مااخذنه شي غير بس ملابسنا الغراض كلهن انطاهن ب ثواب ابويه

الطريق طويل ودنيا حاره تسمط لهون الحر سيارة خطاب
حديثه وتبريدها قوي ساعه ١١ تقريبا ووكف يم مطعم نزلنه تغدينه  واخذنه استراحه وكملنه طريقنه
تقريبا ساعه ونص ودخل ل منطقه حيل حلوه شوارعها نظيفه وهادئه
خطاب : يلا وصلنه هاذه البيت

ادحگ للبيت بنائه حديث وراقي لهاذه السبب جان غالي ومنطقته ماقاصره
نزلنه ونزل غراضنه فتح لباب حسن راح يركض
بي حديقه دخلنه مطبخ وكلدور غرفتين وفوك مثل الجوه

استراحينه شويه وكمنه نظفنه بي تراب للعصر

خطاب : شموسه ترحين ويه امي تختارين غرفه الج

ادري بي يسوي هيج بس حتى يطلعني من جو الكئابه ويعوض
لصار دحگت ب وجهو وكلتلو امي

—لبيت كله رايدله غراض يمه

—اي يمه باليل آخذكم اكو مجمع قريب نروح نشوف شنو يعجبكم

—اي اني عندي فلوس راتب ليث الله يرحمه

—عندي فلوس يمه عوفي مال ليث هذني الج

—شسوي بيهن يا امي ليش تذب الحمل بس عليك

—والله عندي يمه انتي الخير والبركه ياحمل هاذه الله يحفظج النه حجيه

—الله يوفقك وليدي