فارق حب

-٢٤-

سبحان الله
و
الحمدلله
و
لا اله إلا الله
و
الله اكبر

بعد مَا اشوف بيهن لا تجُوني
خلصِن مايهن رَاحن عيوني .

طكطكت اصابيعي  متوتره ومحتاره شنو اجابو اكتب وامسح هو لسه متصل اكتب وامسح دز رساله كاتب

—اذ سؤالي هيج صعب شكو تراسلين

—احم لا مو صعب بس ردت استفسر عن موضوع

—منين جبتي رقمي

—من شخص مقرب عليك

—اكدر اعرف منو

—لاا

—تره ب ثواني اكدر أعرفج من رقمج

—عادي اعرف متخوفني

—اهاا متخافين

—اخوفگ متخوفني

—مشاقي وياج قبل حتى تشاقين

—سؤال انت متزوج مرتبط ؟

—سؤالج شخصي

—ديلا قابل سائلتك شلابس مثلا

—ههههههه صلفه ومتخافين

—هسه شنو تجاوب لا !

—مااحجي ويه ناس مااعرفهم

—ماشي براحتك

شافها وماجاوب احس صخنت شننووو عود ثكيل وميتحاجه شمرت ل موبايل
على جهه كمت نزلت جوه واني اتحرمص بسبب جاوابو الادبسززز
ميحجي ويه ناس ميعرفهم وكت صرت متعرفني اوي كعدت بالحديقه اريد هوه اتنفس ماكدر الح بالمسجات وياه ماريد  يعرفني

يومين وباشرت بالدوام صرت اروح وارجع ويه نور واحيانا خطاب الصبح دوام والعصر بالصيدليه خطاب رادني ابطل اني ممحتاجه فلوس بس اريد التهي الوكت ل اصفن بي وأفكر ياخذ من حيلي اذ اضل وحدي كلهن يلتمن
عليه خصوصا حجي مهيمن الحقير ابد ابد ميروح من بالي

بعد ماراسلتو ضليت اشتغل بس عل الستوريات جنت داروح للدوام اكعد من وكت اجهز نفسي اخذت صوره لبسه بلوزه بيجي تغطي الورك وبنطرون
وحذاء رياضي وكفت عل المرايه اخذت صوره ونزلتها ستوري عل الواتس

كتبت عل الصوره ...عفيه عيون ماتنمل لو اشبع سفر بيهاا

خليت عليها اغنيه شمسين نشرتها ونزلت وصلنه للمستشفى بديت ب دوامي

شهر ل واحد بارد ونور تعبانه خطيه ملتهيه ويه هشام مابقى شي على امتحانات الخارجي يوميه تقري وهاذه يسخت وماخذ الوضعيه بالضحك
وهي تشحرك وياه وترجع ليوره يوميه متعاركين اخير شي استسلم
وصار يقره

—ولج فرفح كلبييي

—جوز ميحب يقره

—يتحمللل ابويه لو تطلع نخله ب راسه مينطيني اله