فارق حب

-٤٠-

سبحان الله
و
الحمدلله
و
لا اله إلا الله
و
الله اكبر

أنتَ أعظم نعمة جتنيّ بهالعُمـر .🥹🔥🤎

كمت سند جسمو عليه ايدو عل كتفي ميل راسه وباس ركبتي اختل توازني اجيت اطيح لو ما هو كضبني

علي .. ههههههههههههههههههههه ضلوعي اسندگ تسندني

شمس .. عليييييي

علي .. امشي بابا اني اسند نفسي

ابتعدت عنه ومشيت قبلو واني رجليه ترجف
—انتبهي لطيحين

—مااطيح بس خليك بعيد عني

—هههههههههههه

طلعت للحمام غسلت ورجعت هو ماكو غيرت ملابسي ب دشداشه طويله ونزلت كاعد بالمطبخ يم خاله وقيصر خاله مسويه مخلمه يموتون عليها وهي تسويها حيل طيبه حميت الجاي وكعدنه ناكل عيونو عليه كل شويه ويتعمد يحجي وياي لو يطلب شي مثلا صمون او صبيلي جاي ادري بي يريد يرجع الوضع احسن من قبل اني هم ماالزكت بالموضوع دام اعترف ب غلطه كلش كافي وتندم

شويه وطلع ويه قيصر للدكتور علمود فحوصات انطو اجازه حتى يرجع ويصير احسن البيت مابي شي نظيف بس ترتيب كم شغله خاله سوت الغده مرتظى راجع ل كربلاء من الصبح هو وعمو بقى بس قيصر وهل يومين ويرجع لان دوامً كليه ميكدر يبقى اكثر
صعدت للغرفه سبحت وتوظيت وصليت رشيت عطري طلعت ل علي تراك ادري بي اول ميجي يريد يبدل سمعت اصواتهم لفيت الشال ونزلت صار ب وجهي علي

—ها حبيبي بشر

—ماكو شي فد يومين ويشيل لخياط

—الحمدلله

حنان ... اصبلكم غده

قيصر .. اي والله بيبي كتلني الجوع

علي .. دومك شنو الجديد

قيصر .. خاله شبيك واكفلي مثل العضم

علي .. ههههه اكبر بعد خالك شويه صير زلمه خشن

قيصر .. هاذه الطول والأكتاف كلهااا ومو زلمه أف

نفتح جدال بيناتهم علي يموت عليه ويتعمد يستفزه من يصير عصبي يضل يضحك من جوه ليجوه وقيصر مصدك بعدين يلوف السالفه عل زينب ويطيح علي يضل يغصغص لو يدحگ ب وجهي خاف اضوج

يومين هو مثل العسل بس شنو يحوص مامتعود على كعدت البيت ابد ساعه يخابر اصدقائو لليل يجي ابو الليل لان دوامو بغداد يجي يسهر وياه ل ١٢ يلا يروح عود هو زعلان الأخ ويحجي ويه ابو الليل من وره خشمه وساحلو يوميه
يجي مرت عشر ايام صار احسن ويكدر يصعد ليفوك مو مثل قبل صعدته حيل صعبه ويتاذه جنت جوه اخابر نور سديتو منها طلعنه كعدنا بالحديقه ساعه ٧ لبنات هنا زهره وسرى وهدى ونور كاعدين كلنه منجمعين بين الضحك والسوالف كضيناها بس تحشيش اني ماعندي اخت ف افتقد هل كعدات كلش