فارق حب

-٤-

سبحان الله
و
الحمدلله
و
لا اله إلا الله
و
الله اكبر

وحگ مابينگ وبيني
أنا ب شمس الظهر
حطيت عين ب عين
بس عينك عمت عيني
————————————————————————————
رفع حاجبو وابتسم قربت نفسي وسديت أزار قميصو وحجيت ب تحذير
—ممنوووع ينفتحون
—مو اختنگ
—عجل انت تتنفس من صدرك لو من خشمك
—ههههههههههه جاي ترديهن عليه بت البتل
—لااا وداعت عيونو
—عيون منو
—ابويهً
—اها
—والله
—شمس اول مره التحق واكو بكلبي غصه عكس كل مره اروح واني مامهتم
—ليش
ذب حسره وفرك وجهو وكال
—أخاف اموت وروحي بيج
—اسم الله عليك تروح وترجع بالسلامه بس لتتاخر عجل اشتاقلك والله
—ومن ذاگ اليوم وانا ماتعجبني لهجات أهلنه اروح فدوه للعجل
نصيت راسي استحيت منو ضحك
—لتستحين خليج صلفه وياي احب الصلفاات
—عززه كافي كوم  وصلني
رفع معصم ايدو ودحگ ل ساعتو
—وين اوصلج خليج فد مره ل ٣ نمر عل زهره واوصلج للبيت
—لا ليشوفني احد
—محد يشوف حبيبي تعاي اشوفج البيت هاذه نعيش بي وره الزواج
لزم ايدي ويمشي قبلي واني امشي وراه أشر عل غرفه
—هاي غرفتنه سر سعادتي وسعادة اهلي
—ههههه
—ضحكتج مصيبه شلون تگرگر ام عطوب
هل مره ضحكت أقوه ضحك عل ضحكتي ومشاني لباقي البيت وهو يكول
—اشتريته قبل فتره بس ماأثثته حتى تأثثي عل ذوقج
—نشاءلله المنطقه حلوه هادئه
—اي وامان وناسهم ورده محد اله علاقه ب احد كلمن ملتهي ب روحه
—مممم
—بلوووه انتي بلوه وكعت عل راسي
حجاها ب بحة صوتو الخشن بطريقه تجننن جر اول كلمه وبعدها كمل كلامو دحكت ب عيونو ب برائه وكتلو
—عجل انت مو بلوه انت مصيبه سزز
—هههههههههه لج تعاي شسويتي بحالي انتي
سحبني الو نضربت ب صدرو حط ايدو فوك راسي وحضني جمدت وخنست لمن سمعت اضطراب دكات كلبنه هو كلبه يدگ بصوره عجيبه واني نبضي متخربط احس راح اتخربط طال ب حضنتو وصار يغني ب بحة صوتو ل تجننن والبيت بدون اثاث صوت تردد الصوت عالم ثاني احسو بي حنية العالم كلها بهل اغنيه

...هااااذي اول مره احس كلي عشك أنطيني فرصه أتنفسك خااف اختنگ
رفعت راسي من صدرو ادحگ ب وجهو متفاجئه بصوتو دحگ لعيوني بطريقه تجننن نظرت حب هيام حنان كضب ايدي وشابگ اصابعنه سوه وكال
...أنسى كل الناس خليني أحضنك غمض عيونك و بحضني أنسى  نفسك أنسى عمرك وأنسى عمري امتزج بيه وصير عطري
..يول انت طركاعه
..ليش
.. صوتك يجنننن احد كايلك قبلي
..مامغني كدام احد امرار  كدام اصدقائي وبالحمام بس يكولون حلو
.. يموتتتتتتتتت والله يموتتت
..كلي الج وكلج الي احبج شمس نزل عيونو عل شفايفي ابتعدت عنو حسيتو بده يتماده احس جسمي خاوي شويه واطيح باوعت الو ضل واكف ب مكانو ومغمض عيونو وهو يكول
—بوسيني شمس لتخليها بنفسي
—علي تره حلفت ماسوي شي حرام عليك
—يابعد علي اني حلفت بس انتي ماحلفتي يلا تعاي بوسيني
—لا وألله شهل حيله هاي
—ههههههه تعاي فدوه
—ما
—جا خوش
طلع قبلي شنو عود ضاج
اخذ المفاتيح وكال
—امشي نتغده جوعان
—وصلني وبعدين تغده
—شنو جلب اكل وحدي
—لا حشاك
—جا امشي بدون حجي زايد
فتت كدامو للاستقبال وهو يدحك بيه اخذت السجل وجنطتي وصلت للمطبخ واجه جايب العلاكه نفسها ل جابها قبل شويه فتحها وطلع جبه سوده
—لبسيها وامشي
اخذتها من ايدو مدلي ايدو لثانيه لزم سجلي والجنطه لبستها شويه بيها طول لبست الحذاء صارت فيت وكفت ب صفو اخذت السجل وجنطتي من ايدو
—مترهم مره غيرج توكف ويه طولي
—اموتك والله جرب يول تسوي شي اكرهك ب اليوم ل اجيت بي
—ههههه اموت بهل غيره انيي
طلعت قبلو سد لبيت وطلعنه فتح باب الصدر وكال
—صعدي يا بعد علي
صعدت فتح المسجل وطلع اغنيه ربع حبي وصار يدندن وياها ابتسمت وصل ل مقطع عله نبرت صوتو وكال ..افرشلك عيوني ويه جفني تنام واكلك أغفى بيه وكلشي لا يهمك
يااول عنودي عناده اموتن بي
درت وجهي للجامه ابتسمت عزه هاذه طركاعه شلون خلاني أحبو وكف يم مطعم نزلنه يمشي ب صفي كعدنه طلب اكل وشويه وجابو
صار ياكل ب شهيه
—اكلج لتستحين طلعيلي جبار لبداخلج وأكلي
—هههههه والله اكلت اني وزهره قبل شويه مااشتهي
—اكلي خاطر تسمنين قبل العرس اريدج مربربه ولو لبالي مامقصر
—بدينه علي
—جا اكلي
اكلت وياه شويه وطلب جاي صار يحجي عن اهله
—شعجب وره العرس تريد تكعد وحدك يعني لفتهمتو اخوانك كلهم ويه اهلك
—ماريد هوسه اريد اخذ راحتي ومااتقيد ب مكان واحد وين ماالكاج احصرج
—بعد مااحجي اتوبه اذ افتح وياك مووضوع
—ههههه تعودي عليه هاذه طبعي ولساني ماكدر الزمه
كملت الجاي وهو ادحگ للساعه ب ١ ونص
—علي رجعني كافي
—متردين اوصلج
—اخاف يشوفونه وصلني للجامعه اطلع ويه الخط
—ماشي
طلعنه ساق سيارتو وكال بدون ليدحك بيه عينو عل طريق
—وعلي ميهون عليه افاركج
حبيت كلمتو لمن كال مااسويلج شي رغم حبو بس خوفو واحترامو اكبر بس لسانو ميكدر يلزمو بلحضه فكرت يروح وميرجع لا اسم الله ماحبيت اخليها ب نفسو شجعت نفسي وتقربت منو طبعت بوسه ب خدو وكتلو
—ولا اني حبيبي تروح وترجعلي بالسلامه
ابتسم ب وجهي وكال
—ديري بالج عل نفسج مااوصيج بعد .. تقرب فتح الجكمجه وطلع موبايل كلكسي وشفت واحد صرصر صغير
—هاذه خلي يمج مثل ضلج مو كل وكت يصحلي اراسلج ماكو نت اتصل عليج بي وليضل بالج تره اكو أماكن مابيها تغطيه اني من احصل وكت اتصل عليج تمام
—ماشي بس وين اخلي ليشوفو
—مو باجر يمكم بت البتل
—ايي قابل اكلهم بسرعه داخابره شسالفتك علي
—هم صح جا وين تضمي
—مادري انطيني لصرصر افضل هاذه  مااحتاجو
طلع الموبايل لثاني وبادل الشريحات ... سوي صامت وخلي ب
حجاها واشر بعيونو عل صدري ..جيب ولا يفيد وياك الحجي
ضحك وكال
..تعوود ضلوعي
.. راح انزل
..يلا واكفلج صدددك الخيط حلو عليكك يل حبيب
..احس صخنت يايمه ..مركز ب وجهي اكثر من اهلي باي
..جا شعدنه غير وجهك هههههه هلاو
..دير بالك عل نفسك حباب
..ماشي
نزلت وعيونو عليه ضليت امشي لحد ماوصلت للبوابه لمحتو حرگ سيارتو  دخلت خابرت عل زهره
—هاا وينج مرت اخووي
—هههه اجيت تعاي للحديقه
—جايه
سديتو اجت كعدنه نسولف ابتسمت لمن بدت تحجي عنو
—هههه خابرتني امي هسه علي مخابرهن من الصبح وامي جنان اليوم تجي يباتون يمنه حتى نجيكم باجر لو تدرين شكالت
—شنو
—تكول هاي صديقتج مخبلته خبال شسوت بي
—هههه والله ماسويت شي
—ادري شسوين قابل ياعيني انتي بس كثري يول وعجل ويور ور واحنه نحبجً
—هههههههه واني احب ل جااا
—هههههه جا وعجل راح يتزوجون
—نشاءلله الله يسمع منج يارب
كملنه ل ٢ ونص كلمن راحت لخطها وصلت للبيت
دخلت كضبتني امي
—اوكفي شمس
—ها يمه
—منيلج هاي الجبه
—ها مال صديقتي زهره وكع عل ملابسي عصير وطكعو ف اخذتها
—خطيه ياعيني والله هاي لبنيه حبابه وأخلاقها عاليه
ضحكت وكتلها
—اي ماما أخلاقها كلش عاليه ابدل وارجع
—الله يحفظها ل اهلها
عضيت شفتي وكلت امين يارب
رحت ل غرفتي نزعت الجبه وخليتها بالكنتور طلعت الموبايل وضميتو لبست تراك وطلعت
—تعاي اكلي شمس
—لا ماريد اكلت
—شكلتي
—ويه زهره يوم كعدنه بالنادي
—عجل اروح انام اني من يجي ليث صبيلو اكل
—صار بعيني
كعدت فتحت ل تلفزيون شويه وطب ليث
—ها ليلو شلونه الدوام
—لا زين
—اصبلك اكل
—اي
كمت حميت الاكل وخليتو ب صينيه كعدت وياه اكل مدنگ عل لصينيه وحجى
—شمس
—ها عيني
—ديري بالج على نفسج وأنتبهي
رجف كلبي اخاف شافني لو واحد من اصدقائو ..شمسويه اني ليث حتى انتبه
مامسويه بعد اخوج عمرنه كلو رافعين راسنه بيج انتبهي لدراستج وگضبي شهادتج بيدج
—نشاءلله نتخرج سوه
هز ب راسو وكال الله كريم
شويه وكام استغربت وضعو لا هو ل حجه شي ولا اني بعد حاجيتو كمت غسلت ل مواعين ودخلت لغرفتي افكر ب كلامو ترس روحي قهر معقوله ل سويته غلط بس هو يريدني وراح يجي يخطب اي بس ملازم اروح وياه
زفرت نفس ونمت ماحست غير ساعه ٦ ونص كمت للكلدور ليث نايم عل رجلين امي وهي تفليلو ب راسو
—عجل وانني مالي هيج نومه
—كضيتي عمرج كلو تغارين مني
—هههههه لا وألله انت لتغار
—تعاي يمه
رحت نمت عكس اتجاه ليث راسو وراسي بحضن امي ايدها ل حنينه تلمست شعري ولثانيه عل شعرو
غمضت عيوني كلمن براسو سالفه شكل رفعت ايدي وكفشت شعرو
—اخ خرب
—هههههه
رجعلي ل كفشه ومرد راسي مرد ضربني بوكس خفيف ..هاي عجل متعيديها عبالج اكبر مني احترمج لا وألله يول لو تصيرين كد البعير ماحترمج
—غصبن ماعليك تحترمني عجل اني اكبر منك
ولكم كافي زغار انتو
—لوووو تموتينننن ولي
—غير محترم
—تره راح ابدي احجي فصحه ومحد يسكتني
—لاااا دخيلك اله الفصحى مالتك
—لماذا يااختي
—عيععع اكوم اطفررر
—هههههه
ضحكت عليه ليث متعود يحجي فصحى ويلعب نفسنه اذ حجه عجل يلزك بيها ويسويها عناد بينا يضل يحجي
كمت طلعت لمحاضرات ل سحبتهن وقريت بالي يمو وصل لا مادري فتحت ل موبايل ماكو كلشي لا مكالمه ولا رساله خليتو مفتوح وسويتو صامت
نمت ثاني يوم بدلت فستان ادحگ ل زري ازرك بسبب كرصتو اني اذ انطخ بالباب ازورك مو انوب كرصتو
لفيت الشال واخذت ل موبايل وطلعت وصلت دحگت ل زهره اجت قريب عليه
—ها شلونج
—زينه وانتي
مدت علاكه وكالت
—الحمدلله هاي الج
شنو هاي
—من حبيب الگلب