Sulat-Puso | Aking Tula

Laro

Sabi ng iba, ang pag-ibig ay laro
Pangpaligaya lang at 'di sineseryoso
Ngunit sa paniniwalang 'to ako'y 'di naniniwala
Dahil lubos kitang minamahal, katulad ng tala

Panghuhusga ng tao'y 'di maiiwasan
Nilalait ka kahit hindi mo pagmasdan
Pero kahit mundo ay tila napakagulo
Kakayanin, basta't nariyan ka, magkasama tayo

Sa ilalim ng gabi, ako'y mayro'ng panalangin
Na sana'y marinig muli ang 'yong mga awitin
Habang ang tala't bituwin ay malayang nagni-ningning
Magkasama tayong dalawa, nagbibigay ng munting hiling

Tuwing ako nama'y tumititig sa'yong mga mata
Tila berdeng koloreta ang aking nakikita
Napakagandang pagmasdan lalo't nasisilayan
Ang kagandahan mo, na talagang ang hirap iwasan

Pero ako'y natutuwa at laging nag-iisip
Kung bakit ba parating ika'y nasa panaginip
Para bang anghel na parating pumapaligid
Sa loob ng isipan ko, ay parang nagmamasid.