Ang pagkatok ng selos,
Ay 'di ko mapigil-pigilan,
Desisyong padalos-dalos,
Akin' laging nararamdaman.
Gulo ng aking isip,
Ay laging napang-aabutan,
Na ang hanging paihip-ihip,
Siyang napagbubuntungan.
Masakit sa'king mata'y,
Parating nasisilayan,
Mga kulitan niyong dalawa'y,
Tila taong nagmamahalan.
Kaya't ang puso ko'y umiiyak,
At pilit na winawasak,
Dahil sa inggit na nadarama,
Ng damdamin kong nag-iisa.
Ngunit sa likod ng pag-ibig, ito'y naguguluhan,
Kung kaya bang ipagpatuloy ang damdaming sugatan?
Hanggang kailan matitiis itong sagupaan,
Kapag ba ang pag-ibig ay naglaho nang tuluyan?
BINABASA MO ANG
Sulat-Puso | Aking Tula
PoetryMga kaisipan mula sa'king damdamin, ipahahayag gamit ang isang sulatin. Para sa isang babae kong pilit pipiliin, kahit 'di siguradong kaniyang mamahalin.
