في بيت الجد محمد
الساعه 6:30 كان جالس ب الحوش ينتظر الفطور
دخل ابو نواف مع عياله: صبحك الله ب الخير
الجد محمد بعصبيه يكلم سعود و نواف : وينك يا السلوقي انت و هو طلعتو من الصلاه ولا عاد شفتكم
نواف تنهد بصبر: ياجدي انت مقومنا الساعه اربع يون تبينا نروح ب ذا الوقت !
سعود : رحنا ننام
الجد محمد : نامت عليك طوفه انت و الحمار الى جنبك
نواف بحده : ماني حمار
الجد محمد : حمار و ستين حمار
ابو نواف : يبا
الجد محمد : قم انت رح للبنات و قول لهم يجيبون الفطور اخلص
نواف رص على اسنانه : انشاءالله
الجد محمد : وانت قم شف عماك وعيال عمك سعود الله يرحمه وينهم اخلص
سعود : انشاءالله
وقف لاكن جلس اول ما شاف عمه فواز و عياله و سطام ولد عمه سعود
ابو فهد : السلام عليكم
رد الكل السلام
الجد محمد: وانت وين رحت بعد الصلاة
ابو فهد : رحنا نرتاح شوي
الجد محمد: الناس تقوم و تشوف اشغالها وانت و عياله نوم في نوم
فهد : ياجدي الساعه ٦ وين تبينا نروح
الجد محمد: انت اسكت محد كلمك
فهد : سم
في المطبخ عن البنات
دخلت قوس بعصبيه : وش فيه ذا الشايب معصب من صباح الله خير
ام سهم : قوس!
قوس : وانا صادقه يا عمتي
دانه : اسكتي لا يفصل عليك
قوس بسخريه : يعني بسكت له
فهد دخل : صباح الخير ، وين الفطور
ام فهد : صبحك الله ب الخبر
ام نواف : الحين يخلص
دخل سطام : جدي يقول حطو الفطور مع بعض
اسيل : يبي يغثنا حتى على الفطور ؟!
سطام : اسيل
اسيل بعصبيه : انا اكرهااا هو الى حرمنا من سهم هو الى سجن سهم هو الى اشتكى على سهم انه ذبح ابوي و ابوي مات مافيه شي بس هو كذاب بس يبي يشفي غليله من سهم يوم صرخ عليه
فهد : وش نسوي محد له كلمه عليه
اسيل : مافيكم واحد رجال يقدر يوقف ب وجهه
سطام صرخ و ضربه كف : اسيللللل
شهق الكل
ودخل ابو نواف يركض : وش صاير
اسيل ناظرت سطام اخوها بنكسار وطلعت
ابو نواف : وش صايررر!
قوس بعصبيه : الحمار ضرب اسيل
سطام : قوسسس!
قوس : اي حمار محد يمد يده على حرما الا الحرمه
ابو نواف لف على سطام : انت ضارب اختك ؟!
سطام نزل نظره عن عمه وهو يحترم عمه و يحبه محد يوقف معهم الا عمه ابو نواف و ابو فهد : اي لأنه.....
قاطعه ابو نواف بعصبيه : ان ضربت اختك مرا ثانيه كسرت يدك تفهممم
سطام : ابش....
قاطعته قوس : اذلف صالحها لاتقول ابشر ولا شي
فهد بعصبيه : قوس لا تدخلين
قوس ناظرته بحده و صدت
سطام طلع يلحق اخته
ابو نواف : يلا كلكم قدامي
قامو البنات و شالو الفطور و طلعو برا
الجد محمد: ساعه ساعه تسوون فطور حشى مفطح مب فطور
تالا : اسفين يا جدي هاذا الفطور و جاء
الجد محمد: اص ولا كلمه من الساعه ٦ وانا انتظر
نوت : طيب يا جدي الحين الساعه ست ونص يعني ما انتظرت واجد
الجده الجوهره : خلاص افطرو و العنو ابليس
بدا الكل يفطر
وقف فهد : يلا مع السلامة
ام فهد: وين بتروح يا امي
فهد ابتسم : بروح للبر اشوف الحلال
ابو نواف : الله يوفقك يارب
فهد : امين يارب ، يلا مع السلامة
طلع فهد وبعد قامو العيال يشوفون اشغالهم
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
