في الديره الصباح
وقف يتجه لغرفته بدل ملابسه وطلع شافها في المطبخ
قوس ناظرته : وين ؟
سهم بهدوء : الدوام
قوس : تبي اسوي لك قهوه ؟
سهم : لا لا مو لازم
قوس مسكت يده : مراح تروح لأمك ؟
سهم ناظرها : أي وحده فيهم ؟
قوس : نوره
سهم : لا ماني رايح لها مع السلامة
قوس : مع السلامه انتبه على نفسك
سهم هز راسه : تبين شي معي ؟
قوس : لا سلامتك
سهم هز راسه وطلع متجه لصاله وقف عند الباب
سهم بصوت عالي عشان يسمعونه : هيه ياولد
الجده الجوهره: حي ذا الصوت ادخل يما
سهم دخل وسلم عليهم وجلس
الجده الجازي: انت ما تتعب من ذا الشغل اجلس بالبيت ارتاح
سهم ابتسم: مرتاح مرتاح ، ما قال سطام متى بيجي ؟
صقر : يقول متى ما خلص شغلوه بيجي
سهم هز راسه ووقف : يلا مع السلامة
طلع متجه لدوامه اتصل على قوس تطلع وطلعت قوس
قوس بأستغراب : وش فيك ؟
سهم : تروحيين معي
قوس : وين
سهم : اول شي تروح الشركه باخذ منها ورقه وبعدها نتمشى
قوس هزت راسها : البس عباتي واتجهز واجي
سهم هز راسه : لا تطولين
قوس : تمام
طلعت لشقه تبدل و تركب مع سهم
في شقة نواف
صحى من النوم يشوف الساعه 1:00 الظهر وهو تعبان امس كان طول اليوم مع نوت والعيال كانو عند تالا تعشو وراحو السينما وتمشو شوي لاكن كأنهم اصحاب في مشاعر من نواف والى هي عرفتها امس بعد ما كانو في مطعم واعترف لها بحبه وكان جوابها السكوت وبالعكس نواف ما ضغط عليها عطاها وقت تفكر وكلمو سهرتهم برا والساعه ثلاثه الفجر رجعو البيت وقف ياخذ شور و يبدل ملابسه مشط شعره وتعطر يشوفهم كلهم بالصاله
نواف : صباح الخير
نوت ناظرته : صباح النور
نواف شال هناي : هلا هلا هلا بالأميره
نايف بغيره : وانا ؟
نواف ابتسم: انت وسهم بعد شيوخ
سهم ابتسم بهدوء
نايف : اليوم بنروح الألعاب صح
نواف ناظر نوت و غمز لها: انتي وش رايك اوديهم
نوت كتمت ضحكتها : احس مو لازم يروحون
نواف هز راسه : انا احس كذا بعد خليهم هنا
نوت هزت راسها : حلو
نايف بصدمه : ايش ! بابا الحين اجازه نبي نطلع !
نوت : وين الاجازه ! قصدك ويكند اسمع حبيبي الخميس و الجمعه و السبت نسميهم ويكند و اذا ايام كثير يعني اجازه
نايف : بس نبي نروح الألعاب بابا وعدنا !
نواف ابتسم: امزح معكم خلاص العصر نروح انشاءالله
نايف : يسسسس
نواف ناظر نوت : جدي قال شي عني ؟
نوت : ما شفته رحت عند جده والبنات وجيت
نواف هز راسه: انتو تبون تروحون معي
سهم بهدوء : انا بجي
نواف ابتسم : احلى واحد يجي يلا امش وانت يا الشيخ مراح تجي
نايف هز راسه بلا
وطلع للمجلس مع سهم كالعاده يشوف رجال الديره اغلبهم موجودين جلس مع العيال يسمع سوالف جده مع اهل الديره شاف ابو سيف داخل وتذكر موضوع سهم
قبله بوقت في الشركه عند سهم
مسك يدها ودخل وهي معه تشوف وسع الشركه وكبرها ووجود الموظفين في جميع انحاء الشركه
قوس ابتسمت بأنبهار : خيال
سهم ابتسم وهمس لها: انتي الخيال والله
قوس ضحكت بخفه ومشت معه لمكتبه وصلو الدور ال 9 نزل وهي معه يدها بيده قفل الأصنصير من عنده
سهم فصخ شماغه : تقدرين تكشفين الدور هاذا كله تبعي
قوس : واو صدق اجل انت رح سو شغلك وانا بسوي جوله
سهم ابتسم: لاحد يضيع ولاحد يتلقف بشي
قوس ضحكت : معليك
هز راسه وجلس على مكتبه يخلص كم شغله وهي تتشوف الدور حقه خلصت وجات جلست قدامه : سهم في غرفة ملابس وفي عطور وشوزات وبدلات رسميه من حقته ؟
سهم : ايه هاذي اغراضي اذا كان عندي اجتماع مفاجاء يكون عندي غيار هنا او اذا نمت بالمكتب
قوس رفعت حواجبه: خير وش ذي نومة مكتب ؟!
سهم ضحك : قبل ما انسجن كنت انام هنا
قوس تربعت : ودي اعرف عنك كم شغله اترك الشغل شوي
سهم هز راسه وترك الشغل : سمي اسألي ويجاوب
قوس ناظرته : الحين انت انسجت وعمرك 25 صح ؟
سهم هز راسه : صح
قوس : في هاذا الوقت من كان مهتم بشركاتك
سهم شتت نظره بهدوء : كنت احسب انه سطام كان مهتم بشغلي بس تو عرفت أنه حمد انقطعت علاقتي فيه قبل مادخل السجن بشهر يمكن و محد كان يعرف أن علاقتي مع حمد انقطعت وقال لي سطام أن حمد هو الى طلب يدير الشركه بغيابي بدون علمي بس عرفت
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
