في غرفة قوس
كانت جالسه وماسكه راسها خايفه سهم يسوي شي و الجد محمد يسوي له شي هي شخصيه قويه مافي شي تخاف منه لاكن أي شي يخص سهم تخاف عليه تحبه تحبه مرا سمعت دق الباب تنهدت : من ؟
شيخه بهدوء : انا شيخه ممكن ادخل ؟ اذا مشغول.....
ماكملت كلامها لأن قوس فتحت الباب : ادخلي
شيخه ابتسمت: كيفك الحين ؟
قوس هزت راسها
دخلت اسيل و نوت و دانه و تالا و فوز و عذاري الى تصفق والى تزغرط والى تصفق
قوس عقدت حواجبها : شفيكم انتو !؟
اسيل زغرطت : مبروك مبروك ياروحي
دانه : عقبال عيالس يارب
عذاري ابتسمت : قومو يلا يلا نروح المول مافي وقت
قوس صرخت بعصبيه : خيرررر انتي وهي وش صاير !
فوز : اعوذ بالله هاذا وجه وحده بتتملك بكرا !؟
نوت ضحكت : حبيبتي قبل شوي دخل سهم وو........
بدا قوس تحكي لها الى صار فزت قوس بذهول : منجدكم !
اسيل ضحكت : اي والله
قوس : بكرا بكرا ! ؟
شيخه ابتسمت: بكرا بكرا
قوس صرخت : قومو نروح المول مافي وقتتتتت
نوت : دقيت على سطام وبيجي يوصلنا
شيخه : تكفي السياره اذا رحنا معكم ؟
فوز : ما تكفي بنروح بسيارتين نص يروح مع نواف ونص مع سطام كذا قال خالي فواز
جاء نايف يركض : عمو سطام وبابا يقولون اذا ما طلعتو بيلعنون شكلكم
نوت بصدمه : نايف ! العن طرد من رحمة الله
نايف رفع كتوفه : مدري هم قالو كذا
قوس لبست عبايتها : اخلصووو
شيخه وقفت : يلا بروح انادي البنات
عند باب الشارع
سطام زفر يطفش : ذول بيروحون عرس ولا مول ؟!
نواف : والله سهم نكبنا
جاء صقر : سلام
ردو السلام
صقر : بروح معكم
سطام : وش تبي تروح المول طفش
صقر : والله الطفش هنا بروح معك
سطام : ابشر حياك
صقر ابتسم : يحيك
جاء فلاح : وين رايحين انتم ؟
نواف ضحك : رايحين نودي الاخوات المول
فلاح : اخاويكم ؟
نواف : حياك تونسني
فلاح ضحك : تم
طلعو البنات والتفت سطام : ساعه !
قوس : اسفيين يا حماي
انفجرو البنات يضحكون
اسيل ضحكت : عشتووو
سطام ضحك : يلا توزعو
راحت قوس و فوز و عذاري و نوت و لمار و رند و مع نواف
والباقي راحو مع سطام الى هم و روز و غرام و شيخه ودانه وتالا و اسيل
نواف : زين يكفي اربع قدام و اربع ورا و الاربع الباقي ثنتين يتحاشرون معي وثنتين مع سطام
قوس بملل : طيب ممكن نمشي ؟
نواف : يلا
في سياره سطام
اسيل : سطاممم خل هاذا يروح ورا انا بركب قدام
صقر : خير ! اكيد انا بركب قدام
سطام : اسيل يعني تبين الولد يجلس مع البنات وراء ؟!
اسيل شمقت لصقر وركب وراء
صقر ناظرها : عشتو
في سيارة نواف
فلاح : شغل شي
نواف ابتسم لهناي الى جنبه على التكايه: وش تبين هناي احط ؟
هناي ابتسمت ببراء : خلي ماما نوت تحط
نواف جمد وجهه بذهول مد يده يعطي الجوال لقوس تعطيه نوت : طيب
نوت خذت الجوال بذهول وأشرت لقوس تحط بس قوس كانت تضحك واشرت بلا و التفت للبنات ما تدري وش تسوي هي انحرجت ومستحيه تحط
تالا ضحكت : عطيني انا بحط
مدت نوت لها الجوال و اخذته تالا و حطت هيفاء وهبي وبدت تغني معها بغنج و البنات اشبكو معها ونواف كان يضحك وهو يشوف هناي تقلدهم
صقر تأفف وطفى المسجل : اوف وش ذا غيرو
تالا بعصبيه : قاتل المتعة مالت عليك
صقر : ممكن تعلموني من ذي طويلة السان
تالا ضحكت بخسريه و بثقه : تالا بنت عبدالعزيز ال ساير في شي ؟
نواف ضحك : والنعم
ابتسم صقر على ضحكتها وثقتها وتكلم بهدوء : اقول جيبي الجوال بس
تالا بعناد : قول لو سمحت واعطيك
صقر تأفف: لو سمحتي استاذه تالا من بعد اذنك ممكن الجوال
تالا : لا مافي
صقر بعصبيه :بزر انتي !
نواف بحده : خلاص انت وهي قطو و فار
سهم ونايف فزو : بابا نبي البقاله ، نبي البقاله نبي البقاله
نواف لف بذهول : خير انشاءالله!
سهم : نبي البقاله ممكن ؟
نواف بحده : لا مو ممكن
نوت بهمس : شفيك عليهم ؟!
نواف همس لها بحده بحكم انها وراه : مب شغلك تفهمين
نوت رجعت ظهرها و سكتت
قوس ناظرتها وهي سمعت وصدت بعصبيه من نواف
في سيارة سطام
غرام بهمس : اسيل قولي لأخوك يمر الكوفي هاذا
اسيل هزت راسها : سطام عادي توقف عند الكوفي هاذا؟
سطام هز راسه : ابشري
وقف سطام والتفت : وش تبون ؟
شيخه فزت : ابي ماتشااا
سطام : تمام والباقي ؟
شيخه : انا ابي لاتيه حار
روز : وانا ايس وايت موكا كرمل اب ان داون
ودانه : وانا قهوه سوداء بارده
و اسيل : وانا بعد
وتالا : وانا بعد
غرام : وانا بعد
سطام هز راسه وقال الطلبات ولف لفلاح : وانت ؟
فلاح : والله مدري ودي اجرب شي جديد دايم امره اذا رحت الجامعه واجري شي جديد واليوم مدري وش اجرب
شيخه : قد جربت الماتشا ؟
فلاح عقد حواجبه: الخضراء صح ؟
شيخه ابتسمت: اي
فلاح : لا ما جربتها
شيخه : جربها وما راح تندم
فلاح ابتسم: على ضمانتك ؟
شيخه ابتسمت : على ضمانتي
سطام : يعني ابي ماتشا ؟
شيخه : اي وقول له يحط له سيروم عشان يطلع حالي
سطام هز راسه وطلب
روز : كم السحاب عشان ندفع ؟
سطام بسخريه : يعني بخليك تدفعين ؟
روز عقدت حواجبها: اكيد مراح تدفع ٢٠٠ولا ٣٠٠!
اسيل ضحكت وهمست لها : اسكتي لا يتهاوش معك
روز : ليه ؟
اسيل : حبيبتي اخواني وعيال عمي ممنوع تدفعين عندهم هم يدفعون لنا
روز ضحكت بغنج : واو فايف ستار كل يوم بخلي سطام يطلب لي
سطام ابتسم من داخله على ضحكتها : قولي لي وابشري
اسيل غمزت : اوهههه عشنا وشفنا
سطام : اقول ما ودتس تسكتين انتي عندك أي ثنين يتكلمون مع بعض يعني يحبون بعض
انفجرت تالا اضحك : في هاذي صدقت
اسيل ضحكت : اجمع راسين بالحلال
اخذ الطلب سطام وبدا يوزع وحرك
روز : انت ما طلبت ؟!
سطام هز راسه بلا
روز : ليش ؟
سطام : ما اشرب الاشياء شي
روز بدلع : يعني وش تشرب مثلاً ؟
سطام : شاي
روز : اها
شيخه ناظرت فلاح : شرايك ؟
فلاح : لذيذه الصدق
شيخه : احلف عجبتك ؟
فلاح ابتسم: والله انها لذيذه بس كأنها سدر
شيخه ضحكت : كيف اقنعك أن ماما حطت الماتشا على شعرها تحسبها سدر
فلاح ضحك : ما الومها ؟ تعرفين تسوينها ؟
غرام : اوف ! شيخه اكثر شخص يضبط الماتشا
فلاح : نجرب حقتك ليش لا
شيخه : خلاص بكرا اذا سهرنا بعد الملكه في السطح بسوي
فلاح : تمام
وقفو عند المول ونزلو البنات كلهم يتسوقون ونزلو العيال معهم
التفت قوس تمسك نواف التفت لها : وش فيس ؟
قوس بحده : خير وش ذا الكلام الى قلته لنوت ؟!!
نواف تأفف : ما قلت شي غلط
قوس بحده : نواف ! انت تدري من الى كان يهتم بعيالك من الى كان يلبسهم ؟ من الى كان يروشهم ؟ من الى كان يأكلهم ؟ من الى كان يدرسهم ؟من الى كان بفطرهم كل يوم للمدرسه ؟ من الى كان يلبسهم للمدرسه ؟ اسكت ولا اكمل استاذ نواف !
نواف مسح وجهه بصبر : المطلوب؟
قوس ناظرته : تسألني !!
نواف : خلاص خلاص طيب
قوس ناظرته بحده وصدت تروح تتسوق هي تحب نوت مرا وشافت اهتمامها بالاطفال وكانت اشوفها زوجه مناسبه لنواف لاكن نواف ما يحب نوت لاكن كانت ادعي من كل قلبها أن نواف يتزوج نوت عشان الاطفال
التفت نواف يشوف نوت الى دخلت محل اطفال ومعها هناي مشى يدخل معهم والتفت نوت اشوفه وصدت وهي كانت زعلانه مرا من كلمته
نواف ناظرها وناظر الفستان الى ماسكته نوت لهناي : بتأخذينه ؟
لهناي ؟
نوت صدت : اذا هناي ابيه باخذه لها
هناي : اي ماما حلو
نوت ابتسمت: اوكي حبيبتي
اخذته نوت وراحت بتحاسب بس حاسب نواف ناظرته : من قال لك تحاسب ؟
نواف : لبنتي الثوب يعني ما ادفع ابنتي ؟
نوت صدت : خلاص روح طيب
نواف : ءءء نوت
نوت ناظرته وسكتت
نواف حك راسه : انا اسف على الكلمه الى قلتها لك
نوت مسكت يد هناي : عادي ماصار شي ، يلا هناي
هناي : عادي بابا وسهم وفوفو يجون معنا ؟
نوت ناظرتها بذهول : اذا تبين روحي معهم ؟
هناي : نو ابي كلنا
نواف : وش فيها اذا جيت يعني ؟
نوت : خلاص ولا شي وين سهم و نايف
نواف : جالسين برا
نوت هزت راسها مشت ومشى وراها نواف ركضو سهم ونايف : بابا عادي نروح نلعب بالالعاب ؟
نواف : لا مو عادي
سهم : بابا بليز من زمان ما لعبنا !
نايف : اخر مرا لعبنا كانت بعيد قبل شهر
نواف بحده : انا قلت لا ! احنا رايحين نشتري اغراض للملكه الى بكرا صح ولا ؟!
نوت كانت بتتكلم بس سكتت
نايف : بابا بليز نروح نلعب بس شوي والله طفش عند بيت جدو مافي اطفال نلعب معهم حتى الاولاد الى وصخين ريحتهم خايسه
نواف بحده : نايففف بس قلت لا ! اذا تكلمت ثاني مرا يويلك
نايف سكت وهز راسه
نواف التفت لنوت : انتي بتشترين فستان ؟
نوت هزت راسها بلا : عندي بالبيت
نواف هز راسها وراحو جلسو بكوفي وجلست نوت والتفت تشوف سهم ونايف الى واضح انهم زعلانين التفت لنواف وتكلمت بصوت خفيف بحيث ما يسمعونها
نوت ما تحملت وتكلمت : نواف خير ! ليه تكلمت كذا ؟
نواف : ما قلت شي
نوت ناظرته بحده: انت واحد حيوان وعديم احساس تدري ولا لا ؟
نواف بسخريه : لا مادري
نوت : انت تدري انك كسرت بخاطرهم تدري ولا لا؟!
نواف : ادري ابيهم يسترجلون شوفيهم كيف ! شوفي كياتتهم الى يشوفهم يقول بنات ابيهم يصيرو زي عيال الديره كل واحد ارجل من الثاني
نوت ناظرته بذهول : اذنك تسمع الى يقوله لسانك ! الحين عشان عيالك نظاف و مؤدبين صارو مو رجال !! تبيهم زي عيال الديره اربع وعشرين ساعه بالشارع و الوصخ ؟
نواف : هاذا احنا عيال ديره مو اربعه و عشرين ساعه ابيهم يصيرون رجال ابي اعطيهم العين الحمراء
نوت ضحكت بسخريه وبذهول و قهر: سبحان الله جدي جالس قدامي
لا تطالعني كذا ! انت صرت نفس جدي نفس تصرفاته بالضبط
نواف : ءءء .....
نوت : اسكت تكفى اسكت حرام عليك شوف كيف دمعتهم على خدهم
نواف سكت ووقفت نوت نواف : وين رايحه ؟
نوت : مب شغلك ،تعالو حبايبي
قامو سهم و نايف و هناي معها
نوت ابتسمت لهم : شرايكم نروح نشتري العاب ؟
سهم فز بفرحه : صدق ؟
نوت : صدق اشترو الى تبون
نايف : يسسسس
ابتسمت نوت لهم ودخلت المحل معهم تشوفهم يشترون و مبسوطين
عند البنات
رفعت فستان وردي ضيق كامل الجسم وطويل وينفع للطوال وهي كانت طويله فا بيطلع عليها حلو قوس : شرايكم حلو ؟
تالا ناظرته : مرا خيال
اسيل : يب حلو و سوي شعرك ويڤي وارفعي نصه وطلعي خصلتين واو واو واو
قوس : اوكي باخذه
شيخه ابتسمت: عليك بالعافيه
روز : شرايكم بالاحمر ؟
دانه : مرا خيال
دخلو فلاح و سطام
فلاح : خلصتو ؟
اسيل : تو ما بدينا!
سطام : يوه مطولين انتو بسرعه ترا كلها فستان !
روز : خلاص روح السياره مو لازم توقف عندنا
سطام : انتي ام لسان ياليت تسكتين
روز صدت عنه : بنات بروح سيفورا باخذ كونسيلر و بجي
لمار : تمام
روز مشت ولفت وشافت سطام وراها : خير !
سطام تأفف : امشي وانتي ساكته
روز : خير وش تبي جاي معي
سطام : ابوك موصيني عليكم وياليت تتحجبين يكون افضل
روز : مب شغلك تفهم !
سطام بحده : انتي ما عندك اسلوب ؟!
روز : لا ما عندي وش تبي الحين ما بقى الا ولد الديره يتحكم فيني
سطام زعل من كلمتها وسكت بدون يتكلم روز ناظرته وشافته ساكت ما هتمت ومشت وهو وراها صح انها حست انها زودتها شوي بس ما هتمت
بعد ساعتين تقريباً الكل خلص واتجهو لسيارات راجعين لديره ومرو اخذو واجبات
أنت تقرأ
أنا سهمها وهي قوسي 🏹....
Acciónثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب بنت عبدالله 🤍.
