في الحوش
الجد محمد: دقيقه مراح نروح كذا انا بقسمكم
سطام بهمس لسعود : يليل ذا الشيبه الحين بيحشرنا بسياره وحده
سعود : اي والله
سطام التفت لروز الى واضح سمعته وانفجرت ضحك كان ضحكت
الجد محمد بعصبيه: وقطع بلسانس
سطام : ءءء انا ياجدي ضحكتها اسف
الجد محمد: اجل سطام مع السلوقيه ذي و
قاطعته روز : ويت ويت شكلك تسبني ياجدي شنو يعني سلوقيه
سطام همس اها : يعني كلبه
روز : اوميقاد
الجد محمد بعصبيه: اقطعي خليني اكمل
روز بدلع : كمل كمل ياجدو وبعدين العصبيه مو زينه لك بعدين يجيك الضغط
الجد محمد بحده: بيجيني منس يالمخنزه
روز بغنج وببرود : اذا حيجيك مني سوري ياجدو بعدين اذا مُت انتا من حيقومنا لصلاه
سطام كان كاتم ضحكته ويوم سمع الجد يقول لها: جعل يومس قبل يومي يالسلقه انفجر ضحك
الجد محمد بعصبيه التفت عليه : بلا سنون انشاءالله
انفجرت روز تضحك : ما اتخيل شكلو بدون اسنون
انفجرو الكل يضحك
الجده الجوهره كتمت ضحكتها : خلاص اسكتو
الجد محمد:سطام و فلاح وانتي و وشيخه و فوز وعذاري وقوس
سطام : ابشر
الجد محمد: سهم معك سعود ودانه و اسيل و رند وتالا لمار وغرام
سهم : طيب باقي نوت !
الجد محمد بحده: تروح مع زوجها
نوت بهمس: سهم بليز مابي اروح معه
سهم ناظر جده : لا نوت بتروح معي
الجد محمد: بتروح مع زوجها قل
سهم : وانا قلت مراح تروح مع نواف مو قصور في نواف بس اختي وابيها معي
الجد محمد بعصبيه: سهممم لاتكسر كلمتي قلت مع زوجها يعني مع زوجها
الجده الجازي: خلاص يا محمد خلاص ياسهم هي وين تبي ؟
نوت ناظرت جدها المعصب وهي ما تبي تخرب السفره لأن لو عاندت وراحت مع سهم الجد بيعصب عليها طول السفر : ءءء مع نواف
الجد محمد: ايه زين وانا بروح مع ابو فهد ومعي الجوهره وام فهد
وابو نواف معه العيال وفهد باخذ ام سهم وام فهد
فهد : ابشر
الجد محمد: يلا مشينا
بدا الكل يركب ويضبط اموره لأن الخط تقريبا 6 ساعات او اكثر لأن الديره مرا الرياض وبعد وقت قصير ركب الكل
في سيارة نواف
ناظرها راح تركب وراء مسكها مع معصمها: لا تعاندين واركبي قدام ادري انك ما تبيني ولا انا ابيك بس مابي احد يعرف أن علقتنا مو كويسه واركبي قدام
نوت ناظرته : ليش ما قلت لجدي مابي نوت معي ؟!
نواف بسخريه : تبيني اقول مابي زوجتي معي !
نوت تجاهلته وركبت التفت نواف يركب عياله ويحط هناي بكرسيها و يركب الاغراض والتفت يشوف القهوه والشاي الى مجهزتها نوت معها اخذها وفتح بابها وحط القهوه والشاي عند رجلها وسكر الباب بدون يتكلم ركب وحر مع عيال عمه وعمانه
سهم : بابا نبي البقاله
نواف : لا ليش ما أكلت في البيت ؟
سهم : الطريق طويل ونبي اكل عشان نتابع موڤي
نوت ناظرت سهم : خلاص حبيبي بعد شوي نمر البقاله الحين تونا في بداية الطريق
سهم هز راسه
نوت التفت لنواف : ودي اقول لك شي يضابظ نواف بالحياه مافي شي اسمه لا بدون سبب لأزم تعطيه سبب ليش انت مراح تمر البقاله
نواف : ما فهمت ؟
نوت ناظرت الطريق : بعطيك مثال اذا صار مراهق واكتشفت انت انه يسوق سياره بدون علمك وهو عمره صغير ما يسمح انه يسوق سياره واكشتفت انت انه يسوق سيارتك ورحت له وضربته وهاوشته وعصبت عليه انت الحين بتقتنع أن بعد كل الى سويته له مراح يسوق سيارتك بدون علمك ؟ بالعكس هو مراهق وراح يعاندك بيشوف أن انت جالس تتحكم فيه وتمنعه عن اشياء اصحابه يسوونه عكس اذا اكتشفت انه يسوق سيارتك ورحت له وتكلمت معه وعطيته اسباب واقنعته ليش انت تمنعه أنه يسوق سيارتك وهو بعمر صغير راح يقتنع ويفهم ومراح يرجع ياخذ السياره الا بأذنك
نواف تنهد : والله اقنعتيني
نوت هزت راسها والتفت لطريق
نواف : صبي لي قهوه
نوت : ما عندك يد ؟
نواف تأفف ومد يده بياخذ الدله نوت : خلاص خلاص بصب لك لا تسوي فينا حادث
نواف : صبي
نوت : لا تأمر ! تبي اعطيك درس ثاني بعد ؟
نواف : خلاص طيب صبي
نوت ناظرته ورفعت حاجبها وصبت وعطته
هناي :ماما بجي انام عندك عادي ؟
نواف : نامي بكرسيك بتعورينها
نوت بهمس : خلها مراح تعورني
هناي : كرسي صار حق بيبي وانا الحين كبيره
نواف : عشتو يالكبيره ترا عمرك ثلاث سنين
نوت ابتسمت لهناي وخذتها بحضنها
هناي ناظرت نواف الى يسوي لها حركات بوجها وتكلمت بدلع : ماما شوفي وش يسوي
نوت ناظرت نواف وضحكت : لا تسوي لهناي شي يلا مناك
هناي : انت بيبي
نواف شهق : انا بيبي !
هناي هزت راسها
وضحكت نوت وبعد وقت نامت هناي وصار الوضع هدوء مافي الا صوت ايبادات سهم ونايف
أنت تقرأ
أنا سهمها وهي قوسي 🏹....
Azioneثاني روايه لي اتمنى تعجبكم اذا كان في اخطاء فاعذروني كله من الكيبورد
