في المطبخ
دخلت ام سهم : وش صار معكم ؟
قوس : بتذوقون الذ كبسه
ام سهم : امممم مفروض سههم يسويها
سهم :والله انا الى مسويها اسألي قوس
قوس ضحكت: اي والله هو انا سويت السلطه بس
ام سهم : زين زين
طلعت ودخل سطام مع فهد
فهد : اخوك جالس يخطب برا وانت هنا تطبخ
سهم ناظره : أي اخو ؟!
سطام بسخريه : حمد
سهم ناظره ورفع الصحن الى بيده : بيجيك بين عيونك
سطام : خلاص امزح
فهد : سطام خطب بنت عمي سيف
قوس : صدق !
سطام ابتسم: ايه
سهم :والله مدري وش اساميهم بس أي وحده الكبيره ولا الصغيره ؟
سطام : روز الكبيره
سهم هز راسه : مبروك مبروك
سطام : ما صار شي رسمي بس يبارك فيك
قوس : يلا اجل اطلعو عشان انادي خديجه تحطه على الطاوله
سهم : زين يلا
طلعو ونادت خديجه وحطو العشاء وبدو يتعشون بعد ما خلصو عشاء طلعو العيال و البنات برا يجلسون حول النار الى شبها هادي
سهم كان جالس وزقارته بيده وشعره كإن يتطاير مع الهواء وناظرهم : ايه وش صار بتملكون هنا ولا اذا رجعنا ؟
سعود : احس بنملك هنا متى بنرجع بعد اسبوعين ما اقدر اتحمل
سطام رمى عليه الماء : اسكت اسكت
هادي : سوو هنا ملكه عائليه والعرس يكون كل واحد فيكم لحال لأن الشيخه اسيل تبي تحضر عرس اخوها
اسيل غطت وجهها بأحراج : هادي اذا ما سكت برميك بالفاين
هدي ضحك بخفه: ابشري
سهم : اي والله فكرة هادي حلوه خلوها هنا ملكه عائليه
روز : اوكي بس بعزم صاحبتي ليان يعني تعرفو تعتبر من العائله
سطام ابتسم: اعزمي الى تبين
خالد رمى عليه الفاين وقلده : اسكت اسكت
انفجر سعود يضحك : ايه عاش خالد
فهد ابتسم: خلاص بس ، خلاص نكلمهم نخليها بعد اربع ايام عشان يتجهزون
صقر : اوف جوي واحنا نلبس بدل وكرفته
سهم عطاه نظره : حدك ثوب وشماغ
روز : لا والله حلوه فكرة صقر البسو بدل وكرفته
سطام ابتسم وناظرها : تم
سهم ناظر العيال : انتم موافقين
الكل ما كان عنده مانع ماعدا سهم
هادي : سهم عادي ترا الحفل مافيه احد بس احنا
قوس : اي والله سهم عادي
سهم ناظرها : ابشري
فهد ابتسم: صدق عيال عمي سعود طلعو خرفان حتى سمي ابوهم
سهم رفع الزقاره الى بيده وبهدوء : ما ودك تنطفي بيدك صح
فهد رفع يده بمعنى الأستسلام
سعود : اتركه اتركه بتجيه وحده تمشيه على السراط المستقيم
فهد : انا خلني كذا مرتااااح
سهم ضحك : اخذ الجداويه
فهد ناظرهم : أي وحده كلهم حلوين
ابراهيم : بفقع عينك ناظر قُدام
سهم ضحك : لا لا اترك حفيدات ماجد اخذ صديقتهم منها تصير قريبه من بنت سيف
روز : اوميقاد ما أتخيل ليان مع فهد حتذبحوه
فهد : وريني صورتها يمكن مزيونه واخذها
روز : سو أوتير
سطام كتم ضحكته : اخذ اخت سهم
سعود بعصبيه : هي حقتي !
سطام : لا لا الى من امه
سهم عطاه نظره : شفت المسبح ذا أن ما سكت حولتك فيه
ابراهيم : صدق سهم عنده عطني وحده
سهم : ه ه ه بيجيك كف بعدين كلهم متزوجات
ابراهيم كتم ضحكته : حسافه اجل باخذ امك
وقف سهم ووقف ابراهيم يهرب بوسط ضحكات الجميع ومسك ابراهيم رماه بالمسبح ورجع يجلس بهدوء
سعود ضحك : تستاهل من اليوم تحارشه
ابراهيم ضحك ورجع شعره : والله كنت احسب الماي بارد بس طلع دافي تعالو
فلاح وقف : صدق
شيخه : فلاح الجو بارد لا تروح
فلاح : عادي معليك
وقف سطام بدون ينتبه له ورمى فلاح في المسبح وما أمداه يفرح وجاء نواف ورماه
نواف ضحك : عصفورين بحجر
سطام : يا حيوان كنت مابي اطب
فلاح ابتسم: والله الماي حلو
تقدم سهم ورمى نواف معهم : عشان ما ترمي اخوي
تقدم سعود ورمى سهم : عشان ما ترمي اخوي
انفجرو يضحكون يوم تقدم صقر يرمي سعود معهم
التفتو بصوت العصا القادمه ناظرهم الجد محمد: ياعيال برد وش تسون ؟
فلاح فصخ فلينته: جدي والله حلو
ضحك الجد وجلس مع البنات وابراهيم و فهد و علي و خالد
الجد محمد: وانتو ؟
هادي : مع نفسهم برد
خالد : الا يا جدي ترا سطام وسعود يقولون حيسوو ملكتهم هنا بكندا
الجد محمد لف عليهم بالمسبح : صدق ؟
سطام هز راسه : اي يا جدي ونخليها عائليه بس صديقة روز بتجي
الجد محمد هز راسه : خلاص انا اكلم سعود يحجز الأشياء ، الا انت ما قلت لنا من تبي
سهم ناظر سعود الى تحت بالمسبح : الأخ غرق ما يسمعك
اسيل بصدمه : ساعدوه !
سعود طلع : وش ؟
الجد محمد كتم ابتسامته : ما قلت لنا من بتتزوج حتى خطبه ما خطبت
سعود ناظره : يعني جدي شرايك يعني ! لو تسأل عامل البقاله الى بالديره تقول له سعود من بيتزوج يقول لك بنت بابا سعود
ضحكو كلهم
الجد محمد وقف : يلا اطلعو لا تمرضون
وقف سهم وهو كان فاصخ تيشيره و أول ما طلع برزت عضلات جسمه وسمارها كان أسمر زي ابوه رجع شعره على وراء واخذ المنشفه من الطاوله ومشى يطلع فوق وطلعو العيال كلهم
وعند البنات كانت تحترق من منظره وكأنثى طبيعيه غارت عليه من البنات من شكله الى كان اقل ما يقال عنه يفتن التفت على صوت هادي والعيال الى كانو يسولفون
هادي : امشو نطلع
فهد ناظره : وين ؟
هادي : نتمشى بأراضي كندا
علي : اوكي ننتظر العيال ونروح
هادي وقف : اقول ذولاك تخدرو تلاقيهم نايمين
خالد : يلا
رند : وين وين ؟
خالد : بنطلع نتمشى
لمار : الوقت متأخر ؟!
صقر : مراح نروح مكان بعيد في فندق جنبنا بنتقهوى فيه ونرجع
روز : اوكي انتبهو على نفسكم
أنت تقرأ
أنا سهمها وهي قوسي 🏹....
Acciónثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
