وتقدم يعطي نوره وناظرها وهمس بحيث محد يسمع : بالعافيه يالغنوج
ناظرته بصدمه ونزلت عيونه بسرعه وخذت الكوب ومشى مسفر و عطى رند و حط الكوب الثالثه ومشى يسلم على مسفر
سعود : سكر خد......
ما كمل كلمته لأن فهد باسه ضحك ورجع يجلس مكانه
مسفر : اخيه امي ما باستني كذا
فهد ضحك
دانه : الكوب الثالث لمن ؟
فهدد : لي طبعاً
كملو ليلتهم بسوالف وضحك و جاء نواف و فلاح بعد وبعدها بدو يروحون
الصباح في جناح نواف
فتح عيونه من الانوار الى كانت مشغله تأفف يقوم وشاف حلاوة الجو شاف الساعه وكانت 4:30 العصر وقف واخذ شور وتذكر وش سوا لنايف تنهد بهدوء وطلع يبدل وتعطر ومشى يفتح باب الغرفه وشاف نوت و هناي داخلين ومعهم اكياس ناظرها
نواف بهدوء : مع من رايحين ؟
نوت بدون تناظره : العيال
نواف : ما خذيتي فلوس كيف شريتي ؟
نوت : سهم دفع
نواف بحده : بأمر من يدفع ! انا زوجك و المفروض انا اصرف عليس مو سهم
نوت ناظرته : قايم بشرك انت ولا تبي تتهاوش بس ؟!
نواف وقف وحاصرها عند الجدار : والله يا نوت اذا ما تكلمتي عدل بقص لسانك
نوت ناظرته بتوتر من قربه ارتبكت لاكن مثلت العكس : نواف ابعد ! هناي موجوده
نواف بسخريه : على اساس اذا هناي مو موجوده بيصير القرب عادي ؟
نوت جات بتبعد لاكن نواف مسك خصرها ورجعها : ثاني مرا ما تتحركين الا اذا خلصت كلامي
نوت بحده : قلت لك ابعد !
نواف بعد وجلس جنب هناي : ما خلص كلامنا
نوت بسخريه : انتظر وش بتقول
نواف صد يناظر هناي ويلعب معها وبدت هناي توريه وش شرت
قبله بوقت تحت في الصاله
كانو الامهات جالسين و الأباء والعيال نصهم
الجد محمد: ما قالو لكم متى بيجون ؟
ابو سهم : الا دقيت على ابراهيم وقال نص ساعه او اقل يكونون موجودين
الجده الجوهره: زين و حجزت كل شي ترا معتمدين عليك ؟
ابو سهم : كل شي جاهز وحتى المضيفات جاهزين ومعهم مترجمه
الجده الجازي : ترا الملكه عائليه ليه الكلافه
ابو فهد : لا عادي خلينا نستانس
سطام ضحك بخفه : اهم شي شريتو بدل و كرفته و حركات
ابو نواف: العب يا ولد البر كرفته ومدري وش والله مراح احضر الا بالثوب
فهد ناظره : ترا بقول لبعض الناس يقولون لك وبتلبس غصب
ابو نواف حذف عليه الفاين : قليل ادب
فهد : الا شرايس يا عمتي منيره
ام نواف ابتسمت: خوش فكره
ابو نواف : اقول فارقيني بالسعه
ضحكو كلهم وعلى ضحكهم دخلو البنات سلمو ورد الكل السلام
ام ابراهيم: انشاءالله شريتو الى تبونه؟
روز : آيوا الحمدالله خلصنا
الجد محمد: زين زين ودو اغراضكم وتعالى تقهوو
دخل سهم و ابراهيم
ابو سهم: يعطيكم العافيه
ابراهيم : الله يعافيك
سهم بدون يناظره : الله يعافيك ، جدي وديتهم من الصباح عشان قهوة العصريه والله
الجده الجازي: اجلس يما اجلس
وبعد ساعه تقريباً اجتمعو الكل نوعاً ما
فلاح دخل : السلام عليكم
ابو سهم ابتسم: حيالله فلاح ما شفناك
فلاح ابتسم وجلس : كنت تعبان والله
سطام : والله الحمدالله كنا مرتاحين راحه نفسيه و جسديه
فلاح : اشرب اشرب عشان ما اغطسك فيه
الجد محمد: قم يا فهد صب لفلاح قهوه
فهد ناظره : انا شكو !
الجد محمد: يعني تبي اخلي سطام ولا سعود المعاريس؟!
فهد : اوريكم اذا خطبت بخلي الملكه بعد شهر والعرس بعد شهر عشان تجلسون شهرين ما تأمروني
ابو سهم : هاذا وجهي اذا جلست شهرين والله شكلك زين عيال عمك
سعود : افا شفينا
ابو سهم التفت للمطبخ : الا وين الخرفان
انفجرو كلهم يضحكون
فهد : لا معليك من اول يوم ياخذها للأبل
الجد محمد: اي هين قم قم صب
فهد : سم
الجد محمد ناظر سهم : سهم
التفت سهم يناظره وهو ساكت وسكت الكل تقريياً
الجد محمد: مدامنا بنرجع بعد يومين ودي اتكلم معك بموضوع
سهم ناظره بأستغراب : سم
الجد محمد بهدوء : امك ، امك نوره
سهم صد : ما عندي ام اسمها نوره امي اميره وبس
ابو سهم : امك نوره يا سهم العمر يمشي وانت قاطعها هاذي امك لو وش ما تسوي
الجد ماجد : روح يا حبييي زورها اكيد انها الحين تبي تشوفك
سهم بحده : سكرو الموضوع
ابو سهم بحده : الموضوع مراح يتسكر حمد دق علي ايه لا تطالعني كذا حمد رفيق دربك واخوك الكبير امك ما بقى من سنينها شي رح لأمك يا سهم و خواتك رح شف حالهم شف عيشتهم
سهم بسخريه : ما اتوقع تحتاجني خواتي نوت و اسيل وبس لو انكم تبوني ازورها كان ما قطعتوني عنها وخبيتو علي انها امي وحمد اخوي
ابو سهم صرخ بحده وهو مو قادر يسكت لأن سهم مو جالس يستوعب : امك يا حمار هاذي امك !! لو تدوس على راسك تقول سم و حاضر افهم استوعب امك نوره امك رح لها
سهم بعصبيه : مراح اروح لها وعينك تشوف
ابو سهم صرخ : بتروح لها ورجلك فوق راسك يا كلب احنا ما منعناك عنها هي تركتك وهي صغيره وراحت انا تزوجتها وهي صغيره ما كانت بعقلها ما استوعبت حجم الغلط الى سوته
سهم بحده : سكر على الموضوع احسن ما يوصل النقاش لشي انا مابيه
ابو هادي تكلم بهدوء : سهم هاذي امك مهما صار لازم تزورها وتسأل عن حالها هي وخواتك واخوك ربي سبحانه وتعالى راح يحاسبك على عقوقك لها
سهم بهدوء : عمي لو سمحت
سكت الكل وكأن الوضع صار متوتر
تكلمت روز تقطع الصمت : بابا ليان جات ودي اروح اخذها من المطار
ابو خالد : مافي مشكله يا حبيبتي
ابو سهم بهدوء : لحالها ؟
روز هزت راسها : ايوا
ابو سهم : خليها تجي هنا لا تروح فندق
روز : انشاءالله
خالد : متى بتجي ؟
روز: اتوقع ساعه وتوصل
خالد ناظرها : خلاص انا اوص......
قاطعه ابو خالد : لا سطام يوصلها
سطام ناظرها وناظر ابو خالد : مافي مشكله
خالد : اوكي حلو
تنهدت روز وصدت وهي كانت متهاوشه مع سطام وهي كانت زعلانه منه بعد وقفت بهدوء وتكلمت بدلع : اوكي بروح اتجهز
دخل نواف : السلام عليكم
رد الكل السلام وجلس
الجد محمد: الصراخ الى امس من جناحك؟
سهم ناظره والتفت للجد: من جناحي
ابو نواف عقد حواجبه: خير ؟
سهم : خير خير بس صارت مشكله بالشغل وارتفع صوتي شوي
الجده الجازي: حبيبي لازم تنتبه على نفسك صاير تعصب بزياده
سهم هز راسه بهدوء التفت يدورها وما حصلها توقع انها عند نوت لأنه قال لي وش صار
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
