في شقة فلاح
دخلت ودخل معها يجلس
شيخه ناظرته : يلا بيب ورني
فلاح ابتسم: شوفي واتس
شيخه عقدت حواجبها وخذت جوالها تدخل الواتس رفعت عينها بذهول : مِنجدك ! مستيحل
فلاح ابتسم: وشهر بعد
شيخه صرخت بفرحه وقامت تضمه : حبيببببيييييي كيف عرفت اني من زمان كان خاطري اروح فرنسا
فلاح ابتسم : انشاءالله ما اخلي شي بخاطرس
طبخه قربت منه وباسته : الله يخليك لي
فلاح : ويخليس اي
كملو ليلتهم بتجهيز الشناط بحكم السفره الى بعد بكرا
الصباح في شقة سهم
صحى من النوم وشافها نايمه بحكم الساعه خمس الفجر وقف يبدل ملابسه لثوب رصاصي شتوي و شال ولبس العقال وتعطر وكل ذا كان يسويه بهدوء فتح الباب وطلع من الشقه يشوف الجد محمد قدامه بنتظر العيال عشان يروحون الصلاه ما تكلم معه وكمل طريقه لاكن وقف من صوت الجد محمد: وين ذالف من فجر الله ؟
سهم بهدوء ما يبي يعصب: شغل
الجد محمد بسخريه : شغل من فجر الله ؟!
سهم بهدوء : الحين وش تبي ؟
الجد محمد بحده : قلت لك وين رايح
سهم ناظره بسخريه وطلع بدون جلس في المسجد بدت الصلاه وجاء الجد محمد وعياله والكل يصلون خلص صلاته وطلع متجه مع ابو سيف لبيته دخل البيت وجلس يسمع ترحيب ابو سيف : البقى طال عمرك
ابو سيف : يا سيف جب الفطور انت واخوانك
سيف فز : ابشر
سهم بهدوء : ما قصرت يابو سيف
ابو سيف : محلك وبيتك
التفت سهم لحمد الى دخل وقف ابو سيف : حيالله ولد اختي
حمد ناظر سهم وتقدم يسلم على خاله : البقى يا خال
وسلم على سهم وجلس
سهم ما ستغرب دخول حمد لأن ابو سيف يصير خاله : ودي اكلمك بالموضوع وامشي يابو سيف
ابو سيف : ابشر بس خلنا نفطر
دخلو عيال ابو سيف يحطون الفطور وقف ابو سيف : سمو
جلس الكل بدو فطور بعد الفطور جلس سهم مع ابو سيف وحمد كان موجود
ابو سيف ناظر سهم : لحالنا؟
سهم ناظر حمد : لا عادي
ابو سيف : سم يا ولدي
سهم شبك كفوفه ببعض : ياعم انت تدري أن ولا وحده من بناتنا كملت دراستها وانا يوم تزوجت بنت عمي قالت لي انها تحب الغات وودي اخلي تدرس يعني ودي أستشيرك هل هاذا الشي حرام ولا حلال
ابو سيف ابتسم بفخر من تفكير سهم : والله يا سهم أني احبك حب مدري من وين لاكن عزالله ما اعتبرك الا واحد من عيالنا دايم يعجبني تفكيرك واذا على زوجتك العلم نور يابوك بالعكس خلها تكمل دراستها وادعمها هاذا شي زين يا ولدي
سهم ابتسم: زين الحمدالله ، استأذنك
وقف يودع ابو سيف وطلع
وقف متجهه لسهم حمد بهدوء : سهم
التفت له سهم بدون رد
حمد ناظره : ابيك تمرني بالمكتب اليوم
سهم ناظره بهدوء : وليش ؟
حمد : بكلمك بموضوع
سهم ناظره نظره طويله الخمس سنين الاخيره صاير ما يفهم خوي دربه صحيح حمد اكبر منه بسنه لأكنه كان خويه اروح بالروح مسك راسه بتعب صار له فتره ما ينام عدل واليوم ما نام الا اربع ساعات اذا مو اقل تكلم بهدوء : ما اتوقع اقدر اجيك اليوم عندي شغل واجد بكرا بمرك
حمد هز راسه : تعرف موقعه ؟
هز راسه بدون رد ومشى يركب سيارته طالع لرياض تحديداً الشركه
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
