سهم عقد حواجبه وش يقصد سلم على امك سكت وناظره وهو يطلع تنهد ورجع على كرسيه يخلص شغله بعد ما خلص شغله وقف يشوف الساعه صارت 6:30 وباقي شغل كثير لازم بكرا يكون موجود من بدري طلع من الشركه يشوفها فاضيه ركب سيارته واتجه ياخذ مشاوي و مشروبات و بنفس الوقت قضى لبيته
ومسك خط لديره
في الديره قبل بوقت
طلعت قوس ومعها البنات يشوفون الكل جالس في الدكه
قوس بأستغراب و كأن جاها أمل شوي : وش صار ؟ نواف صحى ؟
سطام ابتسم بداخله : ادعي أنه يصحى
تالا : اجل شفيكم فرحانين ؟
ام سهم ضحكت : تبينا نبكي ؟
قوس جلست وجنبها البنات
التفت سطام وشافها جالسه ابتسم وفتح جواله : شخبارس ؟
روز فتحت جوالها وارسلت له بعتاب : اخيراً حسيت
سطام ابتسم من عتابها : اعذريني تدرين وش الى صار وكنت مشغول والله
روز ارسلت له بزعل : اوك حتى انا مشغوله الحين
سكرت جوالها وبدت تشرب من الماتشا الى بيدها وصاده عنه سكر جواله بصدمه من زعله ضحك بخفه من داخله واخذ الفنجال من سعود التفتو البنات يشوفون نوت وجنبها نواف ومعهم سهم ونايف
صرخت تالا : نوااااااااااااففففففف
قوس وقفت بصدمه : نواف!
نواف ابتسم وصرخ : ارحببببوووووو
ركضت تالا تضمه بقوه وتبكي: الحمدالله على السلامه
نواف ابتسم بحزن : ليه البكي ؟
تالا بعدت عنه: اشتقت لك
نواف ابتسم: وانا اكثر ياحبيبتي
ركضت قوس تضمه نزلت دموعها : اشتقت لك ياحيوان
نواف ابتسم يهمس لها: لي ولا للى معي ؟
قوس ضربته وبعدت عنه : الحمدالله على السلامه
نواف ابتسم: الله يسلمك حبيبتي مشينا نجلس في الدكه ذبحنا البرد
مشى نوف ودخل ابتسم البنات يتحمدون له بالسلامه وهو يرد وجلس جنبه جدته
نواف التفت : وين سهم ؟
سعود مد له الفنجال : بيخلص شغله و بيجيب شوية اغراض معه
نواف ناظر ساعته : يلا مشينا نصلي ونرجع و نشب الضو انشاءالله
وقفو العيال نواف التفت لسهم ونايف الى جالسين وتكلم بحده : مراح تصلون ولا بتصلون مع الحريم !؟
سهم وقف مع ابوه نايف كان جالس : بصلي هنا مابي اصلي بالمسجد
نواف خذا العقال من راس سطام بحكم أنه متعصب : بتقوم ولا ؟
نايف وقف يركض للمسجد
ضحكت الجده الجوهره: خله صغير
نواف ابتسم : دوم الضحكه خليه يتعلم
ابو سهم : انت صلِ هنا
نواف : لا يا عمي بصلي بالمسجد مع السلامه
سطام : يما جهزو اغراض الشوي عشان اذا جينا نسويه
ام سهم : ابشر
سطام : خلي ضيوف الشرف يساعدونس
قوس ناظرت سطام : رح صل الله يصلحك
ابتسم سطام وطلع مع العيال و الأباء متجهين لصلاه
انفتح الكراج ودخلت سيارت سهم نزل من السياره ومشى مستعجل بيلحق الصلاه بالمسجد وصرخ قبل يطلع : بنت عبدالعزيز اخذي اغراضس من السياره واتركي اغراض الشوي
طلع وناظرت قوس زوله وأول ما سمعت صوت ابتسمت بفرحه وكان في قلبها عتتتتاب عليه
ام نواف: سمعتي زوجس وش يقول ؟
قوس : مالي خلق اقوم اذا جاء هو يشيلها
الجده الجازي : تبين سهم المسكين يشيلها قومي انتي
شيخه : يوه يوه جاتك ماما جازي المدافع تبع سهم
الجده الجازي: اقول قومي معها انتي بعد
دانه ضحكت: لو انس ساكته احسن لس
الجده الجوهره: وانتي معهم يلا
قوس : تعب علينا اذا جاو هم يشيلونها
ام نواف : خالتي لا تعبون نفسكم ما تعرفون قوس أعند خلق ربي
ام سهم وقف : اقول قومو ساعدوني بس
قامو يساعدون ام سهم
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
