في غرفة نواف الصباح
كان توه طالع من الحمام ( وانتو بكرامه) اخذ شور و طلع يجهز شنطته لأن بكرا بيمشي ل خويه الى آخر مرا شافه قبل سنتين يوم جاه زياره سمع رنين جواله تقدم و خذاه ورد
نواف عقد حواجبه : وعليكم السلام من معي ؟
........: افا نسيتني ؟!
نواف بذهول : سهم ؟!
سهم ابتسم و هز راسه : سهم وينك ؟
نواف : ارحب يامرحبا جعلني ما افقد ذا الصوت يابو سعود شخبارك ووينك
سهم : بخير الحمدالله تذكر قصري ؟
نواف عقد حواجبه وهو يتذكر ان سهم كان عنده قصر محد يعرفه الا هو و سهم : اي اي عرفته انت فيه ؟
سهم : اي تعال ولاحد يدري
نواف : يلا ابشري
سهم : استودعتك الله
نواف ابتسم لأن سهم كان دايم قبل يسكر يقول استودعتك الله : اكثر كلمه اشتقت لها
سهم ضحك وقفل وقف نواف بسرعه و لبس ثوبه و طلع من الباب الخارجي وهو ما يبي احد يشوفه ركب سيارته و اتجه ل الرياض تحديداً قصر سهم
في الصاله تحت
كانو جالسين يتقهوون و كانو مستغربين هدوء الجد
قوس تهمس ل اسيل : شفيه الشايب هادي ؟
اسيل : مدري الله يستر
قوس : والله ما ضنتي
اسيل فزت يوم سمعت الجد يصارخ : ليتس ساكته
الجد محمد بعصبيه : وش ذا البس كم مرا اقول لك لاعاد تلبس ملابس الكفار عندي هنا
سعود تنهد : يا جدي انا ب البيت مافي احد غريب
الجد محمد: انقلع البس لك لبس الرجال و اترك لبس الكفار
ابو نواف تنهد : يا يبا اترك الولد مافي احد غريب
الجد محمد: عبدالعزيز ! قلت كلمتي
قوس بحده : وش فيها اذا لبس بدله !
الجد محمد : انتي مب شغلس تفهمين
قوس بعصبيه : الا شغلي انت ما تتعب من الهواش و الصراخ توك كاسر يدي و قبل فاقع عين فهد و الأعظم من ذا كله انك ساجن ولد ولدك بس عشان رفع صوته انت لو رجال ما تسوي كذا ب احفادك بس فالح اسوي رجال عند رجال القبيله و تذبح لكل راس راس مدري على وش تذبح لهم
الجد محمد وقف بعصبيه ورفع عصاته و كسرها على يد قوس : تخسين ما بقى الا انتي تشككين ب رجولتي يابنت عبدالعزيز انا محمد تعرفين من محمد ما اخاف من اطلق شنب
صرخ فهد يوم شاف قوس يغمى عليها : قوسسس
ركض يعود ل اخته يشيله وركض فيها ل السياره وركضت اسيل معه ب عبايت قوس و مشى سعود ل المستشفى
ابو نواف : ليش يا يبا ليش تونا فتحين الجيبره من يدها حرام عليك ذبحت البنت من الضرب ما عمرك مديت يدك على احد كثر قوس حرام عليككك
تالا : الله لا يسامحك لو صار شي ب اختي
الجد محمد صرخ بحده : اكسر يدها وراسها أي احد يرفع صوته على محمد آل ساير اكسره تكسير وانت قم جب القهوى للمجلس الرجال بيجون
فهد كتم غضبه : ابشر
في الطريق
اسيل : سعود بسرعه يدها توجعها
قوس بمكابر: لا ما توجعني
سعود صرخ : ليش قوس ليش ابكي صرخي لا تكتمين بداخلك
قوس بعصبيه: سعود !
سعود رفع جواله يرد على اخوه : سم
نواف : وش صاير ؟ دقت علي امي تقول جدي ضرب قوس ؟
سعود تنهد : اي والله ضرب يدها و الظاهر انه كسر بس اختك المصون تكابر
نواف : ارسل لي أي مستشفى
سعود : يلا طيب
نواف : في احد معك ؟
سعود ناظر اسيل ورا. :اي اسيل
نواف : بس اسيل ؟
سعود: اي
نواف : تمام انشاءالله مسافت الطريق و اكون عندكم
سعود : طيب
سكر جوال و كمل طريقه سعود للمستشفى
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم اذا كان في اخطاء فاعذروني كله من الكيبورد
