اخذ شنطته وطلع وهي وراه نزل وبدا يودع الكل وودعها مرا ثانيه وطلع مع سطام الى بيرجع للمستشفى نزل فلاح المطار وودعه ومشى بطريقه للمستشفى وقف سيارته وجلس فيها شوي وقال كلماته بحرقه :
يالله تقوم حظي اللي عاجزٍ ماقام
على من بشتكي لغيرك ومن بشرح ظروفي له
دعيتلك ياقريب ويامجيب تخفف الالام
تفرجها على اللي زادت الدنيا غرابيله
ابي من نارك النجوى وأسالك جنة الانعام
بيدك النار والجنه ومن عاداك ياويله
ياويله من عقابك غره الشيطان بالأوهام
نسى يوم الحساب وطفف الميزان والكيله
تمادى في خطاه وعاش في دنياه بالاجرام
ياويله من عذاب القبر لاضاقت مداخيله
تنهد بحرقه ونزل يشوف الممرضين يركضون بأتجاه جناح سهم ركض يدخل وصرخ : سسسسسسسسسهم
التفتو الممرضين : لو سمحت اطلع
ركض سطام يمسك سهم معهم الى كان جالس يشيل الأجهزه الى عليه و الأبر : سهم اهدء
سهم صرخ : وخر بشوووف نوااااف ابي اشوووف نواااف
سطام مسك وجهه وصرخ فيه : سهممممم اهددددء ! نواف بخير بالعنايه بس
سهم هدء شوي وقال بغصه: احلف ؟
سطام بهدوء : والله
سهم : وخر خلهم يشيلون عندي المغضي ابي اقوم
دخل جبر : سهم ! وش الى سويته
سهم : ابعد مني تبغى اشوف نوف
جبر : انت للحين ما صحيت لازم ترتاح
سهم بحده : صاحي اكثر منك يابو متعب ابي اشوف ولد عمي
جبر بهدوء اشر لدكتوره تحركت الدكتوره وحطت له مسكن في المغذي و ثلاث دقايق ونام سهم
سطام بصدمه : وش حطيت له !
جبر ابتسم : خدرته وش رايك حطيت له مسكن عشان الانفعال الى صار
سطام هز راسه : و نواف ؟
جبر : للحين غيبوبه
سطام تنهد: الله يشفيهم يارب
جبر: اللهم امين ، استأذنك
سطام هز راسه
في الديره الساعه 4:30 العصر
كان الكل حزين وجالسين بالصاله محد قادر يفعل شي جالسين يدعون لهم من كل قلبهم
دخل نايف : ماما وين بابا ؟
نوت كتمت غصتها : مسافر حبيبي
نايف : متى يجي ؟
قوس ابتسمت بحزن: ادعي له يا حبيبي
نايف هز راسه
دخل سطام بعد 9 ساعات في المستشفى صار له يومين مو نايم
ابو نواف بأمل : بشر
سطام جلس : السلام عليكم
رد الكل السلام
ابو سهم : بشر
سطام قصه شماغه بتعب : نواف على حاله غيبوبه مو معروفه مدتها سهم صحى الساعه 8 الصباح وانفعل انفعال شديد كان يصارخ بأسم نواف عطاه جبر مسكن ونام وتوه قايم قبل شوي و.....
قاطعهم دخول سهم : السلام عليكم
صرخ الكل بفرحه وقامو يبون يسلمون عليه لاكنه صرخ عليهم : ابعدو مني ماني مسلم على احد لين يصحى نواف انا جاي باخذ اغراض لي وبرجع وماني براجع الا اذا صحى نواف بالعافيه
سطام بعصبيه : انت ما تفهم ! جبر قال لك جرحك للحين ما طاب وممكن ينزف بأي وقت ليش تسوي بعمرك كذا !
سهم بسخريه : ليت الرصاصه فيني مو فيه وين الشيبه
الجد محمد كان واقف وراه : وراك
سهم التفت له وتكلم بحده : انا ما يهمني او تذبحني عادي صدقني ما همني لأن والله ثم والله ثم والله لو يصير لنواف شي محد بيفكك مني
ام سهم : سهم جدك!
سهم بحده يناظر جده بتحدي : على عيني وراسي على كل الى سواه فيني مسامحه لاكن طلاق براس بنت عبدالعزيز لو يصير لنواف شي بيصير شي عمره ما صار
الجد محمد بحده : تهددني !
سهم : اعتبرها مثل ما تبي
ولد عمي لا حصل في وقت العلوم
علي الحرام لا حطه علا قمه
أصير أنا وياه وضعانا المحتوم
ليا فار دمه فار دمي مع دمه
ام هادي بحده : بترجع المستشفى الحين ياسهم عشاني ! جرحك توه ياعمتي
سهم : برجع اصلاً لاكن بجلس عند نواف
سطام بعصبيه : غبي انت غبي ! جرحك ما تقفل للحين ما تفهم
سهم بحده : سطام ، انا ماشي والى امه حالبتن على خشمه يقول أن ذا الشيبه هو الى طعني وهو الى صوب نواف " التفت على الجد " ماهو عشانك والله لاكن عشان ذا الرجال الى قاعدين ( يقصد اعمامه و ابوه )
سهم طلع متجه لشقته ياخذ اغراضه ركضت قوس وراه ودخلت الشقه وشافته يحط اغراض قالت بصوت مليان غصه : سهم
التفت سهم وعقد حجاجه بهدوء: ليه جيتي انا حلفت
قوس نزلت دموعها : ليه تحلف
سهم بحده : الشكوى لله بصوم ثلاث ايام عشانس
ركضت قوس بقوه وضمته وبكت بصوت عالي : خفت عليك
سهم غمض عيونه بألم يدها راصه على كتفه استنشق ريحتها ريحة العود الى في شعرها و قال بهدوء : انا بخير يا حبيبت السهم شوفيني قدامس بخير
قوس ناظرته : قدامي بخير لاكن من داخل ؟
سهم : بخير
قوس نزلت من حضنه : تكفى لا تروح
سهم قفل شنطته : انتبهي على نفسس يمكن اجلس شهور ماني بجاي
طلع بدون يشوف وجها لأن لو شافه بيضعف قدامها ركب سياره يفتح ثوبه وشاف الدم تنهد بعصبيه وسكر الثوب حرك سيارته بسرعه عالي لدرجة كل الديره سمعوها
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
