في الفندق
نزلت بمساعدت سهم وركبو للجناح دخلت قوس ودخل وراها سهم : بدلي بروح اجيب العشاء
قوس هزت راسها : تمام
دخلت تاخذ شور خلصت وطلعت تسوي سكن كبر ما قبل النوم صح ان قوس بنت ديره و ما تتوفر عندهم مستلزمات العنايه بكثره لاكن كانت دايم توصي اخوانها ومرات سهم وكانت انتثى بمعنى الكلمه تهتم بنفسها وبشكلها خلصت ولبست بجامه بيضاء حرير طلعت برا وما شافته موجود انتظرت ساعه ساعتين لاكن تعبت ونامت
في الفندق المجاور
دخل نواف وجنبه نوت هو ولا مرا شاف نوت الا اليوم يوم سالفت نايف و ما كان يمديه يتأملها هو حجز غرفتين بجناح لأن بيجلسون اسبوع بالشرقيه نواف : ذيك غرفتك
دخلت بدون تفصخ عبايتها واذوب ما دخلت فصخت عبايتها و التفت تشوف مرايا كبيره بالغرفه خذت جوالها ووقفت عند المرايا تصور نفسها بفستانها البنفسجي التفت للباب الى انفتح تكلمت بذهول أنه دخل بدون يدق الباب : نواف !
نواف فهه فيها
نوت : ولد اكلمك ؟
نواف ناظرها : ها هلا جبت شنطتس
نوت : ثاني مرا دق الباب يمكن كنت ابدل
نواف بسخريه : انتي شكلس نسيتي انس زوجتي
نوت بسخريه بحده : ه ه ما نسيت اني زوجتك ولاتنسى ان زواجنا على الورق
نواف : ارفعي ارفعي صوتس خلي كل الناس تسمع
نوت : اطلع مابي اعكر مزاجي
نواف عطاها نظره وحط شنطته وطلع وهي بعد ما خلصت تصوير اخذت شور ولبست بجامه وناااااامت نومه عميقه بعد التعب
عند سهم
طلع ياخذ عشاء وجاته رساله من مدير اعماله سعد استغرب وهو خلص كل شغله عشان يفضى لها فتح الرساله وشاف 17مكالمه فائته همس بينه و بين نفسه : الله يستر
رد سعد : سهممم الحق
سهم وقف السياره بسرعه: وش صاير ؟!
سعد بخوف : مادري مادري في ناس هاجمين على الشركه ودقيت على الشرطه وواحد فيهم ينقال له حمد
سهم بذهول : حمد ! معقول ؟ وش رجعه ذا
سعد : الحق يا سهم انا دقيت على الشرطه وهم على وصول
سهم صرخ بعصبيه: جاي جاي لا يدخلون مكتبي
مشى بسرعه لشركته الى في الخبر ولله الحمد أنها مو شركته الى في الرياض لأن لو الى في الرياض مراح يقدر يرجع وصل ووقف سيارته بسرعه شاف كل شي مظلم ركب الأصنصير ووصل لدور السابع نزل بسرعه وصرخ بصوت هز الارض : حمممممممممممد
تكلم شخص كان جالس على مكتبه : مو قلت لك تبطي عظم تاخذها
سهم التفت وشاف حمد ورا : وش تبي ياولد سعود ؟!
حمد ضحك بسخريه : خطيبتي الى خذيتها منهي او بالأصح سرقتها
سهم بحده : تخسي ماهي خطيبتك ولا كانت ولا بتصير
حمد : والله باخذ قوس غصبً عليك
سهم ضحك بخفه: شكلك نسيت انها الحين زوجتي وفي غرفتي
حمد : ما نسيت لاكن باخذها اذا مو اليوم بكرا قوس لي
سهم عصب ورفع يده ولكم حمد على وجه لاكن ويييين حمد يسكت حمد كان شخص شديد ومستحيل يسكت عن حقه : تضربني يابن سايييييير
رفع يده ولكم سهم على حاجبه وقف سهم ورفسه على بطنه : ياكلب ياكلب ذي عشان ما تنطق اسمها
حمد مسح خشمه الى نزف ورفع يده ولكم سهم على خشمه : صدقني بتندم
سهم ضحك بسخريه ولكم حمد : اعلى ما بخيلك اركبه يابن سعود
دخلو العساكر يحاوطون المكان
سهم بسخريه : يلاه ولاعاد اشوفك
مشى العسكري واخذ حمد معه رغم عصبيته وصراخه تنهد سهم ودق على سعد : وينك انت !
سعد : في البيت
سهم بأستغراب : اجل كيف عرفتي أن بن سعود هنا ؟!
سعد ضحك : ما يبيلها ذكاء ب الكاميرات
سهم ابتسم: يلا يعطيك العافية بروح المركز اشوفه
سعد ي: اسفين يا عريس خربنا ليلتك
سهم ضرب جبهته وهو مشى قوس بدون عشاء مشى بسرعه مشى واتجه لقسم الشرطه وقف السياره و نزل يشوف حمد قدامه في المكتب و الضابط الى كان مناوب هو خالد بن عبدالله
سهم ابتسم: يامرحبا يابو سلطان
خالد ابتسم: ياهلا
سهم : كيفك وكيف ابو تميم
خالد : على ما تحب
حمد بحده : مطولين !
خالد : حياك يا سهم وش مسوي الأخ ذا ؟
سهم جلس : يا طويل العمر ذا هاجم على شركتي بغيابي
خالد ناظر الدم الى علو ثوب سهم : بس هجم ؟
سهم : هالله هالله وانا مابيه منه شي بس يوقع تعهد ما يقرب من حلالي ولا متي
خالد : محلوله انشاءالله
حمد : اخلص علينا خلنا نروح
خالد بحده : احترم نفسك وتكلم معي عدل
حمد سكت ووقف يوقع وطلع بدون يتكلم
وقف سهم : يعطيك العافية
خالد : الله يعافيه
سهم : مع السلامه
طلع بدون يسمع رد وركب سيارته يمشي للفندق بسرعه وصل ودخل الجناح وشافها نايمه على الكنبه والواضح كانت تنتظره تنهد بهدوء شالها ومشى فيها بأتجاه السرير حطها و طلع من الغرفه ياخذ شور باااارد اليوم تعب كثير كثثثثثثير خلص وطلع يبدل وانسدح جنبها وناااام نومه عميقه
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
