في قصر سهم
دخل القصر بتعب وهو انهلك قام الصباح ورجع لشركه وتوه يطلع صرخ بصوت عالي : روزييييي حطي لي عشاء
جلس يفضح شماغ يشوف اتصالات امه دق عليها لاكن ما ترد دق على اخته نوت وردت : هلا سهم
سهم حط سبيكر : هلا نوت شخباركم ؟
نوت ابتسمت: الحمدالله
سهم ناظر روزي وهي تحط الاكل : امي اتصلت علي تبي شي ؟
نوت : والله مدري انا في غرفتي
سهم هز راسه : طيب قولي لها سهم اتصل
دخلت دانه : من تكلمين
سهم تكلم : شفيس تصارخين يالعوباء
دانه ضحكت : هلا بالسهم
سهم ابتسم: شخبارتس
دانه خذت الجوال : بخير شخبارك انت
سهم : بخير ما ودكم تسكرون تخلوني اتعشى
دانه بعباطه : اوكي باي ، قوسسس
سهم فز لاكن سوا نفسه ثقيل و قال بحده : قوس عندكم ؟
قوس غطت وجها بخجل وضحكت نوت : اي عندنا
سهم ابتسم: وينها خليها تكلمني
قوس رفعت يدها بلا نوت : تقول لا
سهم ضحك : طيب
دانه : ما دريت من جانا اليوم ؟
سهم عقد حجاجه : من ؟
دانه : اخت جدي و عيالها و احفادها
سهم : قصدك عمه الجازي ؟
نوت : تعرفها انت ؟
سهم ضحك : شرايك ؟ اكيد اعرفها كانت تحبني
دانه : واضح ما يحتاج تقول من دخلت وهي تقول وين سهم
نوت : طافك حفيداتها جايين بعبايات ملونه تقل علبة الوان
انفجر سهم ضحك وابتسمت قوس وهي تسمع ضحكته وهي كانت تطالع جوالها، سهم تذكر انها تسمعه وحب يغثها : وكيفهم حلوين ؟
دانه فهمت سهم : ايهههه مززز كل وحده تقول الزين عندي
قوس قامت وقالت بحده : وجع انشاءالله انت وهي
انفجرو سهم و دانه يضحكون
سهم : اوف اوف طلعتي غيوره ؟
قوس رفعت شعرها عن وجها : من قال اني غيوره !
سهم : اوكي ، كملي دانه حلوين ؟ اتذكر كان في وحده من حفيداتها اسمها غرام حلوه ؟
قوس صرخت : خيرررر سهمممم !
سهم ضحك : عيون سهم انتي
قوس وقفت : انقلع مالت عليك انت وبنت عمك
سهم ضحك : بنت عمي عادي انا شدخلني
دانه ضحكت وهي تشوف قوس تطلع
نوت : زعلتو البنت
سهم : زعلت ؟
دانه : ايه كله منك
سهم : باي باي
نوت ضحك : بسرعه دق عليها يا العاشق الولهان
سهم تنحنح : من قال
سكر منهم ودق عليها وماردت وهي من الاشخاص العنيديننننن
عند اسيل وسعود
ضحك وهي من دخلت وهي تتحلطم وواضح معصبه
لفت عليه بعصبيه : وانت أن شفتك مكلم وحده فيهم يا ويلك
سعود ضحك من غيرتها الواضحه : بسم الله وش سويت الحين
وقفت تقلده : من يبي قهوه
سعود ضحك : وش سويت !
اسيل بحده : يا ويلك يا سعود أن كلمت وحده فيهم
سعود ابتسم يطالع عيونها العسليه : هاذي غيرة حب ولا ؟
اسيل صدت بخجل : من قال ؟! ما باقي احب الا انت
سعود ابتسم: طيب وش الى يقول انه يحبك
ناظرته اسيل بصدمه ناظرها سعود ومسك يدها : ايه احبك يابنت سعود مو بس احبك الا اعشقك بعد " ناظر خجلها " ما ودك تقولين شي ؟
اسيل صدت بخجل : انا بنزل
سعود ضحك بصوت عالي من خجلها و طلعت اسيل بسرعه
وكمل يسوي القهوه وهو مبسوط
في المطبخ
ام فهد : هناي امييي روحي نادي السلق الى فوق
هناي ناظرتها وهي ما فهمت
ضحكت ام سهم : ما فهمت وش تقولين
ام فهد ابتسم: روحي نادي البنات
هزت راسها وراحت تناديهم و جاو كلهم قوس و تالا و دانه و نوت
ام نواف : يلا شيلو حطوها بالسفره
دخلت ام هادي و عذاري و فوز
عذاري: حشى ليش السفره كبيره كذا ؟
قوس : ليه ما دريتي اخت جدي موجوده
عذاري : الا ادري سلمت عليهم وعلى المايعات الى معها
انفجرو البنات يضحكون
كتمت ضحكتها ام فهد : اخلصي انتي وهي
دخلت شيخه وابتسمت : مرحبا ، اساعدكم بشي
ابتسمت تالا: ارتاحي انتي ضيفه
شيخه : لا وش دعوه عادي عطيني السلطه
تالا : اوكي
خذتها شيخه و طلعت
قوس : والله محد فيهم زين الا ذا البنت
عذاري : طيب ما قلتو لي ليش السفره كبيره كذا !
الجده الجوهره: جدكم يقول يبينا نتعشاء مع بعض
اسيل دخلت : سلام
رد الكل السلام
نوت : صح يما نسيت
ام سهم التفت : وش ؟
نوت : سهم يقول دقيتي عليه وش بغيتي ؟
ام سهم : يوه نسيته عطيني جوالي
نوت : جالسه اشتغل
ام سهم : قوس امي عطيني جوالي من الصاله
قوس ابتسمت : ابشري
دخل سطام و فلاح
سطام : خلصتو ؟
ام نواف : اي خلصنا
فلاح جلس : الله الله من مسوي البشمل ؟
تالا : انا مسويته ذوقه
فلاح اخذ الملعقه واكل : يوه مب حلو؟
تالا شهقت : احلف ؟!
فلاح ضحك : امزح لذيذ
فهد : خلصتو ؟
الجده الجوهره: اي يلا يلا مشينا
طلعو كلهم وراحو على السفره
دخلت ام سهم بعد ما اتصلت على سهم وحاولت فيه يجي بس ما يقدر
التفت الجده الجازي: وش قال سهم ؟
ام سهم : قلت له بس قال ما يقدر يجي بكرا مشغول مرا
الجد محمد بعصبيه: وش مشغول فيه يا السلوقي
قوس بحده : اول شي سهم مهو سلوقي ثاني شي رايح شغل رايح يبني مستقبله الى انت هدمته
الجد محمد سكت بخوف وهو اخته الجازي ما تدري بالي هو سواه بسهم
الجده الجازي التفت لاخوها محمد : وش تقصد البنت ؟
قوس ضحكت بسخريه : اوه اوه عمتنا الحلوه ما تدري اخوها وش مسوي بحفيده ؟!!
الجد محمد بحده: عبدالعزيز امسك بنتك
قوس رفعت حاجبها : محد يقدر يمسكني الى ابي اسويه
الجده الجازي بحده : تكلمي وش فيه سهم ؟
اسيل ضحكت بسخريه : من وين ابدا ؟ ابدا انه سجن سهم اربع سنوات؟ ولا انه فصله من القطاع العسكري ؟ ولا انه حرق قلبه بحبيبته ؟ ولا يوم كان بالسجن منع امه و خواته يزورونه ؟ ولا ولا
الجده الجازي: دقيقه من ساجن سهم ! محمد !
قوس وقفت بحده : اسمعي يا عمه جدي المصون سجن سهم بتهمة انه قاتل ابوه لاكن الصدق اسجنه بس عشانه دافع عني و رفع صوته على جدي خلاه بالسجن اربع سنواتتت بس عشان رفع صوته عليه حرمه من امه و من خواته ومن اخوه حتى و يوم طلع سهم من السجن كان بيطرده من البيت لو مو ابوي و عمي وقفو بوجهه تكلم يابو سعود تكلم ! قول لها انك حرمته من وظيفته الى كان يعشها حرمته اربع سنين من عمره و الحين جالس تسبه وتقول وينه ما يجي يسلم على اختي تبي اقول لك هو وين ؟ هو الحين جالس يبني مستقبله الى انت هدمته
وقفت بعصبيه وطلعت غرفتها
لفت الجازي على اخوها تناظره بصدمه و بذهول و حسره وقفت الجازي : محمد تعال معي انت و عيال
وقف الجد محمد مع اخته ووقفو ابو فهد و ابو نواف دخلو الغرفه
الجد الجازي بحده : صدق انك سويت بولد المرحوم سعود كذا !؟
كذا انا ربيتك ياخوي ؟! كذا ! امي وابوي ماتو وانا الى ربيتك ! بس ما اتذكر ربيتك تكون قاسي لدرجه محد يحبك ؟! " بكت بقهر " تسجن اليتيم ! تسجن ولد سعود سعود الى كان يحبك وكل ما قلت له شي قال لك حاضر و ابشر و سم و لبيه تسوي لولده كذا ؟! ربي سبحانه وتعالى قال فأما اليتيم فلا تقهر ! حرام عليك " التفت لأبو فهد و ابو نواف " وانتو ! وينكم عنه ! تشوفونه يسوي بولد اخوكم سعود كذا و ساكتيننن !
ابو فهد تكلم والدمعه بعيونه : ياعمه ما كان يسمع لنا
صرخت الجده الجازي: اوص ولا كلمه ليه ما قلتو لي ليه !
الجد محمد: الجازي سهم كان متمرد علي
الجده الجازي : سهم ما يتمرد على اي شي اكيد انت مسوي فيه شي ووش هو ؟تكلمو
ابو نواف نزل راسه : كان ابوي يقهره بقوس
الجده الجازي التفت بذهول للجد محمد : تقهره بحبيبته يا محمد ! ما اتذكر كان احد يقهرك يالجوهره
الجد محمد: الجازي !
الجده الجازي: اطلع برا انت وهو
طلعو ابو فهد وابو نواف
الجده الجازي بكت بقهر : ما توقعت تسوي شي زي كذا !؟ تقهره بقوس ؟ ماتذكر وش كان يقول ولدك سعود كان يقول قوس لولدي سهم ان كبرو وانا ميت زوجوهم وان ربي كتب لي عمر انا بزوجهم تذكر يا محمد ؟
الجد محمد: وش تبيني اسوي الحين ؟
الجده الجازي تكلمت بهدوء : تغير نظرت الجميع فيك
الجد محمد: هم اصلاً خلاص ما يحبوني
الجده الجازي: انت جدهم بس خلك حنين عليهم و صدقني بيرجعون يحبونك
الجد محمد هز راسه و طلع
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب 🤍.
