أنا سهمها وهي قوسي 🏹....

بسم الله اللهم صلِ على محمد 🤍. للبارت (22)

في الديره
تحديداً الصاله كانو جالسين البنات وتقريباً كانو قليل بحكم شيخه و فلاح الى سافرو و رند و لمار و روز الى سافرو كذالك
تالا ناظرتهم : والله لهم وحشه
غرام : اي والله
اسيل : الا انتي غريبه ما رحتي معهم ؟
غرام : يالييييت بس عندي فاينل
اسيل : بالتوفي.....
صارخو بفرحه من عذاري و فوز الى دخلو : هااااااااااي
ركضو البنات يضمونهم وجلسو
دانه : يا وصخات طولتو
عذاري ضحكت بفرحه : اهخ يا بنات والله مكه تشرح القلب ودعيت لكم كلكم
اسيل : اهم شي دعيتي لي
فوز : ايه ودعيت أنك تتزوجين سعود ونفتك
اسيل بذهول : يا حيوانه يا وصخه وشدخل سعود بعدين من قال أني انا ابي سعود وهو يبيني ؟
تالا ضحكت : ياروحي ياخوي كل ما شافك عيونه تطلع قلوب
اسيل ابتسمت من داخلها وقالت بخجل : اسكتو اسكتو كملو وش صار
عذاري وهي تفصخ عبايتها : قبل اكمل وين الباقي؟
نوت و قوس دخلو : هاااايييي
ركضو يضمونهم وجلسو
قوس ابتسمت : شخباركم كيف مكه
عذاري : والله أستأنسنا
نوت : اهم شي دعيتو لنا ؟
فوز : بالنسبه لي دعيت انكم تجيبون بزران و شيخه معكم بعد
قوس بذهول : يالوصخه نوت هاوشيها انا تعبانه اليوم
اسيل غمرت لها: شكل اخوي سواها
قوس بذهول ناظرتها وخذت النعال ورمتها عليها : مالت عليس متى تتزوجين ونفتك من لسانك شكل بخلي اخوي يعجل شوي
اسيل ضحكت
نوت وقفت : انا بروح اقوم نواف
غرام ضحكت : اخاف تروحين ومعاد ترجعين
نوت بذهول : ذول شفيهم علينا اليوم
قوس : مدري عنهم بروح اتقهوى مع العجايز ابرك
وقفت ووقفو معها البنات كلهم

شقة نواف
نست تقومه والحين الساعه 3:30 تقربباً دخلت الغرفه وشافته ناااايم
تقدمت وتكلمت بصوت خفيف : نواف نواف قوم
فتح عيونه يشوفها قدامها : كم الساعه ؟
نوت عضت شفايفها: ثلاثه ونص والله نسيت اقومك
نواف هز راسه نوت ناظرته : نواااااف قوم !
فز من نومه ناظرها : قمت قمت طيرتي عقلي
نوت : شاطر
ناظرها نواف بنص عين وضحكت وطلعت تروح نتقهوى معهم وقف باخذ شور و يبدل لثوب اسود و مشط شعره تعطر بدهن عود طلع من الغرفه وشاف نايف وسهم جالسين
نواف ناظرهم وجلس : شخباركم مع الدراسه ؟
سهم : زينه
نواف ناظر نايف : وانت ؟
نايف ناظره وكمل يناظر التلفزيون  : it's good
نواف رفع حواجبه : كم مرا اقول لك تكلم عربي ؟
نايف : كويسه
نواف هز راسه : تبون تروحون العاب ؟
صرخ نايف : yesssss
نواف ابتسم: بس بكرا مو اليوم ، اليوم بنروح انا وماما وبكرا انتم
سهم ابتسم: اوكي
نواف وقف : يلا امشو نروح المجلس وقبلها نسلم على جده
وقف نواف ووقفو معه

في الشركه
دخل حمد ممسكه حارس الامن : لو سمحت ممنوع تدخل ؟
حمد رفع حواجبه: وخر يدك
وخر يده : عندنا اوامر من شهرين بعدم دخولك لشركه
حمد بحده: وخر بدخل
الرجال : اعتذر منك ماقدر ادخلك لازم اتصل على الاستاذ سهم
حمد : يلا دق على استاذك
ناظره الرجال واتصل على سهم الى تنهد وقال له يدخله هو نسى يمر عنده المكتب
دخل حمد مكتبه يشوفه لابس نظرات الطبيه وواضح كان يشتغل ومو فاضي ابداً : تمنع دخولي لشركه ؟!
سهم رفع راسه و فصخ نظراته : انت تدري اخر مرا وش مسوي صح
حمد ضحك بسخريه: قلت لك مرني ليه ما مريت !
سهم تنهد : كنت مشغول مرا بعدين وش صاير فيك انت ! ليش صاير تتكلم بهطريقه احس أن الى قدامي مو خويي الى قبل ؟
حمد مد له اوراق : هاذا الى خلاني اتغير عليك
ناظره سهم وناظر الاوراق مد يده ياخذ الاوراق فتحها وبدا يقراءها ويقرا محتواها ناظر حمد بصدمه تكلم بحده : انت تدري أن الى مكتوب كلام كبير ! تدري ولا لا
حمد بحده: ادري ادري يا سهم
سهم وقف مسك راسه بصدمه ناظر حمد بجنون : كيف ؟! كييييف؟ انت انت اخوي كيف ! وش السالفه فهمني ؟
حمد ناظره : اجلس وبفهمك
جلس سهم ما كان قادر يستوعب : قول اكلم
حمد ناظره : قبل كم سنه تحديداً قبل ما تدخل السجن بسنه كنت جالس مع ابوي و قال لي كلام كلام أن انت تكون اخوي من امي يعني امي كانت متزوجه ابوك وجدك الى هو محمد كان يكره امي وخلا ولده الى هو ابوك سعود يطلق امي وفعلاً ابوك طلق امي وجدك سحبك من امي وخذاك عنده ورباك وحرمك من امي الى هي امك يا سهم طول هالسنين كانو مخبين عننا