زواج
سهم بن سعود ال ساير & قوس بنت عبدالعزيز ال ساير
اليوم الثاني العصر
عند قوس كانت جالسه بروببها وهي خلصت شعرها الى رفعت نصه والباقي سوته ويڤي وطلعت خصلتين من شعرها البُني الحرير والحين بدت تخلص الميكب التفت لنوت الى دخلت عليها
قوس ابتسمت بفرحه : ياحظ اخوووووووي
نوت ابتسمت بغرور : شرايك بس
قوس : خيال خيال خيال
نوت : ترا كتبو الكتاب
قوس ضحكت : حبيبي المفروض انا الى اتوتر مو انتي ! ادري انهم كتبو جاء قبل شوي سعود ووقعت
نوت زغرطت : مبرررروك
قوس ابتسمت: الله يبارك فيك عاد قبل شوي كانو كلهم عندي خالاتي وعماتي و نسوان عماني يزغرطون و يرقصون بدون اغنيه
نوت ضحكت : قهر طاقتي
قوس: وين كنتي ؟
نوت : البس سهم و نايف
قوس هزت راسها
نوت : يلا وش باقي لك ؟
قوس حطت روجها: خلاص خلصت بس بلبس
تالا دخلت : قووووس يلا ! الزفه بتبدا
قوس : على ما يزفون الرجال قد خلصت بس بلبس الفستان واتعطر
تالا : يلا يلا
قوس تأففت : اطلعوووو زين !
تالا بعصبيه : وش ذا العروس المعصبه
نوت ضحكت : متوتره الحلوه معليك اقول لأخوي يهديها
قوس شهقت ورمت الفاين على نوت : يويلي يا المخنزه!
تالا صرخت : يلاااااااااااا
قوس : وجع انتي الثاني
دخلت قوس تلبس ودخلو البنات يساعدونها وخلصو وابتسمو لصوت الزفه حقت الرجال الى اشتغلت
قبله بوقت في الأسفل
كانو واقفين نواف ببشته معه سعود واعمام العروسه وكذالك خوالها وابو سهم والجد محمد والجد سالم ( جد قوس ابو امها ) والاكيد سهم الى اختار انه يلبس بشت ابيض عكس الكل الى كانو اغلبهم اسود
سهم التفت : يلا ؟
ابو سهم : يقولون ينتظرو المصوره
سهم : طيب
كان ابداً ما يكلم ابوه فقط يسلم عليه ويكلمه قدام الرجال فقط
دخلت المصوره : مرحبا
هزو راسهم
المصوره ابتسمت : اول شي العريس دخلت وبجنبه ابوه وابو العروس وبعدها عادي بكيفكم بعدين ............
وبدت تتكلم عن وش المفروض يسون وبعد ما خلصت : الله يوفقكم يارب
هز سهم راسه وسمعو صوت الزفه الى سهم منع أي احد يسمعها لأنه هو الى كاتبها دخل سهم جنبه ابوه وابو نواف وقفو كلهم على الكوشه التفت سهم يشوف امه جالسه بعيد شوي ومعها البنات والحريم وابتسم لها التفت بسرعه لزفه الى اشتغلت هو جداً متوتر ومتحمس اخيراً اخيراً صارت حلاله ما شافها الا مرا مُدته كم ثانيه فقط التفت للباب الى انفتح ودخلت قوس :
كان ياماكان ليله
من ليالي الف ليله
قصة عن قلب عاشق
ذاب في عين كحيله
حبها واهداء لها رمز
الغلا وحبه و شوقه
وابتدت يا السامعين قصة الحب الجميله
قصة العاشق سهم الى تولع بالقمر حب قلبه قوس واهدا لها العمر كله
رفع طرف شماغه يمسح دمعته الى نزلت على خده اخيراً شاف حبيبته قدامه وحليلته اخيراً كم لبثنا على هاذي الحصه سنين كان يتمنها التفت يشوف اخوانه و ابوها الى يمسحون دموعهم ما قدر يمسك نفسه نزلت دموعه بفرحه التفت يشوف عمه عبدالعزيز يتقدم يمسك يدها ابتسم بخفه وتقدم حضنها ببشته قدامهم كلهم ما همه احد يسمع صراخ البنات وزغاريط الحريم ضمها بقوه : احبك يا قوس احبك
قوس ابتسمت بتوتر من الصراخ تبادله : حبيبي انت
سهم ابتسم ورفع نفسه باس راسها : مبروك ياقلب السهم
قوس : يبارك فيك ، يلا ؟
سهم هز راسه وكمل الزفه مع قوس يشوف الكل تقدم يبوسها و يسلم عليها
سعود : يلا شغلو لنا شي نلعب
الجد محمد بحده : أن ما طلعت شفت ذا العصا بتجي في راسك
ابو سهم : خله يبا يستانس شغل شغل يا السمي
سعود ابتسم وراح يشغل اغنيه لمحمد عبده وبدا يرقص مع اخته و سهم الى كان يرقص على الخفيف معهم
وبعد ما سلمو عليها طلعو كلهم حتى البنات والامهات عشان يبدون يتصورون
طلعت نوت بعد ما اتصل عليها نواف أن نايف تهاوش مع ولد ووصخ ثيابه دخلت المطبخ حق الضيافه وشافت المضيفات لاكن طلعو يكملون شغلهم : نايف ؟
نواف دخل بعصبيه ومعه نايف : هاذا هو
نوت ناظرته بذهول : طيب اهدء ما صار شي ! عادي تهاوش وخلاص
نواف رفع عينه وناظرها كانت تتزين بفستان بنفسجي وبتسريحه خياليه ومكياج ماشاءالله وما ينكر انه اعجبه شكلها : ماشاءالله طالعه حلوه
نوت ابتسمت بتوتر : شكراً
نواف مسك خصله من شعرها : لو اني داري انك بالهجمال كان تزوجتك من زمان
نوت ابعدته عنها بتوتر و خجل : بس مو قدام الولد !
نواف مسك ضحكته على شكلها الخجول
نوت انحنت لنايف : ليش تهاوشت مع الولد ؟
نايف بعصبيه : هو قال ليه عيونك خضراء قُلت انا كذا من ربي قال هوا لا كذب عدسات
نوت بهدوء : وانت ضربته ؟
نواف بعصبيه : لأنه ما يستحي يضرب عيال الناس
نايف بعصبيه: هو ضربني قبل !
نواف بحده : وتضربه ! كان قلت لي
نوت بذهول : نواف ! خلاص ! نايف حبيبي روح فوق غرفت عمتو قوس
نايف هز راسه وطلع
نواف ناظرها : محد مخربه الا انتي !
نوت بهدوء : قصدك انت ! بس تعصب وتهاوش ليش ما تحاول تفهم بهدوء ؟ حاول تفهمهم بدون صراخ وعصبيه
نواف : مو هاذا موضوعنا ، حطي اغراضهم بشنطه بيروحون مع تالا الديره بكرا
نوت : ليش ؟
نواف : خلاص كلهم بيرجعون الديره سهم وقوس بيجلسون كم يوم وبيرجعون وانتي وانا بنجلس هنا اسبوع في فندق
نوت : ليش فندق ؟
نواف : ياكثر أسألتس امي أصرت اخذ فندق
نوت هز راسها : في مواضيع بتكلم معك فيها
نواف رفع طرف شماغه : خير انشاءالله الساعه ١٠ خليك جاهزه
نوت : لا مو عشر ! خلها ١١
نواف هز راسه : طيب
طلع نواف وطلعت نوت لقسم قوس وهو قسم العروسه ابتسمت لنايف و بدلت له
نايف : بابا يقول احنا بنروح مع عمتو تالا
نوت : صح حبيبي وانا وبابا بنجلس هنا كم يوم بعدين نجي
نايف : بس تطولون ؟
نوت ابتسمت: لا مراح نطول وش تبي اجيب لك هديه ؟
نايف ابتسم بفرحه : سسسسيكل
نوت : تمام
نزل نايف ونزلت نوت تحت وشافت رند و غرام و شيخه و لمار و روز و فوز و عذاري و تالا و دانه و اسيل واقفين يتصورون : خير صوره بدوني !
اسيل : تعالي ياروحي انتي
وقفت جنبهم وخذو صوره تذكاريه والتفت لضيوف الى دخلو والى هم كانو ال جابر ( اهل ابطال روايتنا الاولى ) وقفو البنات بسرعه جنب اهلهم وكانو مذهولين من عددهم الكبير لاكن ما كان شي غريب لأن تقريباً نفس عددهم
دخلت الجده حصه و ابتسمت وكانو وراها ام فزاع وام جبر و ام جابر و ام وريف و ام محمد و وريف و حور و حصه و روان و ساره و غيداء : السلام عليكم
الجده الجوهره: يامرحبا يامرحبا
الجده حصه: البقى لبى قلبس
الجده الجازي: يامرحبا يا حصه وين الدنيا فيس
الجده حصه: الجازي ؟
الجده الجازي: اقل تنسيني ؟
الجده حصه ابتسمت: احد ينسى رفيقه
الجده الجازي: ماشاءالله هاذول حفيداتك ؟
الجده حصه: اي بالله حفيداتي ونسوان عيالي
الجده الجوهره: يا مرحبا يا جيران السعد
دخلو وبدو يسلمون على بعض البنات
جات هناي تركض : ماما ماما
نوت ناظرتها : هلا حبيبتي ؟
هناي : عمتو قوس تبيك
نوت هزت راسها وطلعت فوق لقسم قوس وشافت نواف واقف ببشته : وش فيك ؟
نواف : مدري قوس قالت تعال
قوس وقفت تطلع : يلا صورو صور زواجكم
نوت بذهول : قوس منجدك !
قوس هزت راسها : حجزت المصوره لكم عشان تصوركم
نواف ابتسم: يعطيك العافيه
قوس ارسلت بوسه وطلعت ناظرت نوت نواف وبدت المصوره تعطيهم وضعيات وصورو وبعد انتهو طلع نواف لرجال وتوت للحريم
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب بنت عبدالله 🤍.
