الصباح في بيت سهم
كان الوضع شبه متكهرب لأن قبل لحضات اشتد النقاش بين قوس و سهم طلعت الشغاله ب اغراض سهم و اغراض نواف تركبهم السياره
نواف قفل جواله : ابوي يقول جدي عرف ان احنا عندك و ان انت بتجي معنا
سهم هز راسه : خله يعرف أن ما رجعت و قلبت الدنيا على راسه ماكون سهم
اسيل : سهم خلاص اتركه لا يسوي فيك شي ثاني بعد
سهم : ما يقدر
قوس بسخريه : قدر و سجنك وانت ما قدرت تسوي شي
سعود بحده : قوس !
سهم بحده : اتركها اتركها
نواف : يلا يلا مشينا الساعه صارت 12
سعود : انا برجع بكرا بروح ل محمصة و بشوف عروضهم
سهم : اجل خلك في البيت هنا لا تروح فندق البيت بيتك
سعود : يعطيك العافية
سهم : الله يعافيك
نواف : يلا
مشو و ركبو سياره نواف ركب نواف يسوق و سهم جنبه وورا اسيل و قوس متجهين لديره
في الديره
قامو الكل و نفس الروتين سوو الفطور و افطرو و طبعاً الفطور ما يخلى من مشاكل الجد محمد خلصو فطور و جلسو ب الصاله يتقهوون مع الجده الجوهره
ام سهم : ابو نواف ما قالو لك متى بيجون ؟
ابو نواف : الا ب الطريق
دخلت نوت : هايييي سويت لكم حلى يحبه قلبكممم
ابو فهد ابتسم : يعطيس العافيه
نوت : الله يعافيك
ام نواف : اعترفي لنا ولا لسهم
نوت ضحكت : لا تفهميني صح
ضحكو كلهم
دخل الجد محمد بحده : وخير انشاءالله وين جالسين وش ذا الضحك
تالا : وش فيها يا جد ؟
الجد محمد جلس : انتي اسكتي
ابو فهد : سم يبا شفيك ؟
الجد محمد بحده : شايفني مجنون قدامك
ابو نواف : لا حشى
الجد محمد: قم انت صب لي قهوه
فلاح أشر على نفسه : انا ؟
الجد محمد : اجل انا !
فلاح : ابشر
الجد محمد : وين خريج السجون و الى معه ؟
ام سهم بزعل : عمي لا تقول ذا الكلمه تضيق خاطر سهم وهو توه راجع
الجد محمد: ما قلت الا الصدق ،وينهم
ابو نواف : يبا طالبك ما تقول شي يضيق خاطر سهم و هم الحين ما بقى لهم شي و يدخلون الديره
الجده الجوهره: يا دانه
دانه وقفت : سمي
الجده الجوهره: يا حبيبتي شبي بخور
دانه : من عيوني
الجده الجوهره: يا نوت
نوت : لبيه
الجده الجوهره: نظفتي غرفت سهم ؟
نوت : اي انا و تالا نظفناها
الجده الجوهره: يعطيكم العافيه
نوت : الله يعافيك
ابو فهد ابتسم : ايه خلاص بدت تتغير علينا ام سعود جاء مدلل البيت
الجده الجوهره ضحكت : اول احفادي اكيد انه مدلل لبى روحه والله اني مشتاقه له
ام نواف : اهم شي اذا جاء لاحد يبكي ولا يبين انه شافق عليه ولا شي
ام سهم : اي والله تعرفون سهم ما يحتاج اقول
الجد محمد بسخريه : نعرفه نعرفه ، وين فهيدان ؟
ابو فهد : مو هنا
الجد محمد: دق عليه و قله يجي ما عندي عيال ينامون برا البيت
ابو فهد : بس ي......
قاطعه الجد محمد: فواز
ابو فهد : ابشر
في السياره
قوس ناظرت نواف : شغل شي وش ذا الكئآبه نبي نرقص و نضحك قبل نروح للبيت الكئيب
سهم : مكسوره و تبرد
قوس شهقت : وجع، انشاءالله تطيح و ينكسر راسك و يدك و رجلك يا سهم قول امين
سهم بذهول : حشى حشى
اسيل : بس انت وهي طول الطريق تتهاوشون صدعت
قوس و سهم مع بعض : قولي لها ، قولي له
قوس : وجع ليه تقلدني
سهم : لاحول ذا البزر تراس مو محور الكون
قوس بغرور : طبعاً انا محور الكون
نواف : خلاص اسكتو دخلنا الديره
رفع نظره سهم بشوق لديره يشوف عيال الديره جالسين ب القهوه و يسوق زحمة السوق و مربط الخيول الى شبه بعيد عن الديره و الى هو ملك لسهم و كان مهجور و الخيول كلها اخذها فهد ب عزبته رفع نظره للبيت الى قدام بيت جده محمد جده الى سجنه يشوف اعمامه واقفين عمه فواز و عمه عبدالعزيز و عيال عمه فلاح و فهد واخوه سطام وولده عمره هادي فتح الديره يسمع ترحيبهم
العيال : ارحبوووووووووو
نزلو من السياره رفع صوته سهم : البقى
ركض يحضن عمه ابو فهد و يبوس راسه و كذالك عمه ابو نواف يشوف دموعهم نزلت صد يسلم على اخوه ضمه بشوق عضيده و سنده سطام باس راس اخو الكبير : شحالك ياخوي
سهم ابتسم بحنيه : الحمدالله الحمدالله
فلاح ابتسم : ارحب ابو سعود
سهم ابتسم يضم عيال اعمامه و هادي
بعد مُده سلم عليهم رفع نظره يشوف البيت الحوش الكبير البيت المزرعه الصغيره الجلسه لف سياره يشوف الأرض الى بناها جده مجالس للرجال و في باب يدخل للبيت
ابو نواف : يلا يلا مشينا ندخل
لفو ل صوت فهد الى صرخ : سهممممم
ضحك سهم يضم فهد الى جاه يركض : يامرحبا الحمدالله على السلامه
سهم ابتسم: الله يسلمكم
هادي: يلا يلا عماتي و امك بيموتون يبون يشوفونك
سهم : يلا
نواف همس ل سطام : وين جدي ؟
سطام تنهد : الله يصلحه ب المجلس ما يبي يشوف سهم
سهم سمعهم بسخريه : ماله وجه يشوفني
دخلو العيال بعد ماقالو يا ولد
تنحنح سهم يرفع صوته : يا ولددددد
دخل يسمع زغاريط البنات و الأمهاتت
الجده الجوهره وقفت تمسح دموعها : يا مرحبا يا مرحبا بسهم سعود يامرحبا
ركض سهم يبوس راس جدته يضمها لف يشوف امه الى كانت تبكي ركض يضم جنته و امه يبوس يدها نزل يبوس رجلها بعد مقاومتها
و بعدما سلم سهم على عماته و اخته نوت الى تبكي و بنات عمه و بعد وقت جلس الكل
الجده الجوهره بكت : ياجعلني مافقد ذا الجمعه
سهم تنهد : ليه البكي يا جده
الجده الجوهره: جعلني مافقد حسك يا سهم
سهم : ولا حسك يارب
ام سهم جلست جنبه تضمه : شخبارك يأمي
سهم : الحمدلله اخبارس انتي
ام سهم : بخير الحمدالله
وقفت نوت : ابيك تذوق الحلو انا مسويته
سهم : اوه صرتي تسوين حلى بعد
نوت ضحكت : يوه بتشوف اشياء بالبيت غريبه عجيبه
سهم ضحك و التفت ل امه الى قالت : سهم حبيبي جوعان صح ؟ بقوم احط الغداء
سهم مسكها بسرعه قبل تقوم: وين يما ! اجلسي البنات موجودات يحطون الغداء " التفت للبنات و قال بحده " وحده فيكم تقوم احط الغداء
دانه : يوه جاء سهم الحين مراح يخلينا نرتاح لو شوي
ام نواف : والله محد عارف لكم الا سهم
سهم : اخلصو !
قوس : غثيث من يومك
ناظرها سهم و صد وقف : انا بروح اشوف ابو سعود
سطام بذهول : وش تبي فيه تروح له
سهم بسخريه : ابد جدي و مشتاق له
ابو فهد : سهم
سهم ناظره يفهم قصد عنه بأن ب الهداواء هز راسه و طلع
صرخ نواف: وحده من بنات عمي سعود تروح تاخذ اغراض سهم من سيارتي ب الكراج
نوت صرخت من المطبخ : قم انت جيبها
نواف : اكيد ذي نوت ام لسان
نوت : اي شعندك
نواف : اقول بس أن قمت يويلك
ابو نواف ناظره بسخريه و بحده : وش بتسوي يعني ؟
نواف تنحنح : اشيل الشنطه من السياره طال عمرك
ضحكو الأمهات يوم سمعو تصفيق نوت : عاششش عمي
أنت تقرأ
أنا سهمها وهي قوسي 🏹....
Actionثاني روايه لي اتمنى تعجبكم ( انا سهمها وهي قوسي ) اذا كان في اخطاء فاعذروني كله من الكيبورد الكاتبه : عُذوب بنت عبدالله 🤍.
