جنون الهيام (الموسم الاول ) باللهجة الجزائرية

البارت الثاني

الجزء 2 🍷🥀

الاورنجية 🔥 ... sima jarisse A.Y

♣️ ....  كان إحساسا جميلا عند أول لقاء لنا يا ذات الشعر الاحمر  ...  🥀🍷🔥

بقات ريحتو في نيفي لدرجة غست وانا نشوف في الباب وفي بلاصتو وخالتي صليحة خرجت وراه تعيط فقت على روحي وخرجت انا ثاني لقيتو ركب في طومبيل بيضة وهي تحكي معاه من الكارو حتى طاحت عيني في عينو  دور وجهو عليا وقالها انا لازم نروح  ديمارا وهي قعدت تشوف فيه وانا نفس الشي كمية الرجولة هذي جامي شفتها في شي واحد صح بلاك هو مهوش من صحاب الكور هذاك الضخم ومهوش سبروتيف جاي إنسان عادي مي شباب بزاف في وجهو اسمر وعينيه كحولا نيفو مقدود وحواجبو كثاف ومام شعرو مش بزاف يعني مش كيما صحاب الكيراتين ... جات ليا خالتي صليحة تخبط في روحها وتقول ليوم يشربو دم بعض قتلها واش صرا دخلت وانا وراها قتلها شكون هذا اخالتي غلقت الباب وقعدت في الهول فوق الكرسي فهمت روحي مشيت جبت كاس ما مديتلها شربت مسكينة ريقها شاح قالتي هذا زين الدين صاحب اسحاق مولا هذي الدار ملي كانو صغار وهوما صحاب وجهاد خو زين الدين هو الكبير يخدمو مع بعض عندهم حوانت تاع قش عندهم ليسوبيرات عندهم كل خير و رفيدة ختو وقالي راهي تحكي مع اسحاق انا حرت الطفلة صح خفيفة وكون يفيق بيها خوها جهاد ولله ينحرها ميرحمهاش قتلها وهي صح زعما تحكي معاه قالتي نتوقع منها مي من اسحاق اني خايفة بسك من بكري متربي معاهم نشاله ميكونش صح ويغدر صحابو وتتفك علاقتهم لي مبنية من الصغر تنهدت قتلها نشاله قالتي تعيشي تهاني جيبلي تلفوني روحت دخلت للكوزينة جبتو وهي هزاتو معرف لمين تعيط مبغاوش يهزو عليها قالتي يادرا وينو قتلها شكون قالتي إسحاق سكت وقعدت معاها هي تقول يماهم صح لدرجة ولات متقدرش توقف وتهدر وتعاود تقولي ضك يتفارقو لصحاب .. قصص إدمان سيما .. فات الوقت وحنا قاعدين العشا سماطلها حتى طبطب الباب روحت نجري نحل وهي ورايا كان راجل يبان في الثلاثينات هكاك ميفوتش 32 لابس اونصموبل سيرفات زرق طلعني من الفوق لتحت قالي شكون نتي جيت ننطق طارت عندي خالتي تحضن قالتو يا وليدي واش صرا تلاقيت مع زين الدين وصح واش يقول بعدها قالها خالتي واش تحكي ؟؟ قالتو ارواح دخلاتو وغلقت الباب قالتو صارحني ضك كنت تحكي مع رفيدة ؟؟ بقى يشوف فيها قالتو اهدر خزر فيا قالتو اهدر قالي شكون نتي بلعت لساني لي تعقد ومقدرتش نهدر وقت جاني الكلام على غلفة قالتو هذي تهاني وراح تخدم معايا زايدة على لبنات ارواح نهدرو حكماتو من يدو ودخلو للشمبرة انا قعدت في الكوزينة نخمم في زين الدين نكذب اذا نقول محتلش تفكيري بين دقيقة وختها وريحتو لي خلاتني نغرق فيه مالغري اول مرة نشوفو وبلاك اخر مرة من بكري يعجبوني هذاك الجور لي يكون عادي جدا يعني مش هذوك صحاب السروال المقطعين وصحاب الكيراتين السيشوار وزين الدين كان هو الشخص لي نحلم بيه من بكري مي زعما نعاود نتلاقاه ؟؟؟ ... تنهدت ونضت لبست صباطي وهزيت صاكي جيت خارجة تلاقيت بيهم حتى هوما خارجين من الشمبرة قالتي تهاني بنتي وين مروحة ؟ قتلها لازم نروح صبرينة وخالتي يتقلقو عليا قالتي روحي بنتي ليوم مكان والو خزرت في إسحاق لي مركزة مع تلفونو ومعرف واش يكتب هز راسو لعندي جات عيني في عينو قالي ختيتي من اليوم تولي تخدمي هنا ياك قتلو ايه نشاله وعلى قداه قالي ها هي خالتي تفهمك .. هزيتلو براسي هو خرج قالها خالتي مام نتي روحي ضك نبعث اشرف يوصلك قالتو  روح وليدي ربي يسهل وكيما وصيتك قالها ايه عاود خزر فيا وخرج قالتي بنتي صبري يوصلنا اشرف قتلها شكونو قالتي خوه قتلها لا نروح وحدي خالتي قالتي عندك.دراهم قتلها ايه شوي صرف يكفي خرجت روحت لاري حكمت الكار وقعدت نطل من الكاور قيسما ديمارات فاتت طومبيل نفسها تاع زين الدين تهزيت من بلاصتي مركزة قلت بلاك هو مفهمتش الشعور لي جاني مفهمتش لا سحرني ولا واش كيفاه خلاني نخمم فيه هكا فاتت الكار متبعتها بعينيا حتى غابت ... عاودت ركحت شوي ووصلنا لاري لوخرا هبطت خلصتو وروحت للدار .... نلقى زوج طومبيلات ثما سور لافامي تاعهم كي طبطبت حلتلي يمات صبرينة شافت فيا وشنفت قالتي نتي واش ديري هنا في دار بنتي مزلتي برك دوري بيهم ها هو جيتي دخل راجلها للحبس وجهك وجه شر طيري منا نطقت وراها خالتي قالتها وشبيك امخلوقة علاه تحاوزي فيها ارواحي تهاني جات جبدتني توالها قالتها هذي بنتي ومعتزها بمعزة صبرينة ووقت دخلت لداري درتها بنتي ومام انور مدايرها ختو ويحبها قالتها مي كي دخلت هي لحياتهم تخربت قالتها مكتووووب وانا علابلي ولدي مش تاع هذا الشي وربي ميحبش الضلم مالا اذا حبيتنا نبقاو كيما منقبل تهاني خط احمر هي راهي في دار ولدي وهو لي جابها كركرتني معاها للشمبرة والناس قاعدين في الصالو معرفتهمش فتنا للشمبرة غلقت الباب قالتي وشبيك هبلتي وين كنتي واش حكاية الخدمة هذي ااه قتلها نعاون خويا انور نديرلو محامي اوموا يخرجو قالتي ونتيي تقدري زعما بين ليلة ونهار ديري محامي وكلش بركا تهااني احكمي بلاصة قتلها لا تعيشي خالتي مديريش هكا انور دار فيا خير كبير قالتي انا نبيع ذهبي ومرتو تبيع ذهبها ونديرو كلش نتي ابقاي راكي امانة هنا ووصاني عليك تنهدت ... قصص إدمان سيما ..
الجزء 3🍷🥀