جنون الهيام (الموسم الاول ) باللهجة الجزائرية

البارت العاشر

الجزء 74 🍷🥀

♣️جنون الهيام ♣️ ... عندما يهيم الشيطان بملاكه 🔥🍷

Sima jarisse A.Y 🍷🥀

الاورنجية 🔥🥀 

عندما تبدأ رحلة العذاب ... دائما ما كنت أظن ان العودة الى الحياة بعد الموت خيال ولكن ..... 🥀🍷  

حطيت راسي في لافابو نتقيا في المرار حاسة عمري خرجت سمعت صوت زينو ورايا حكم رجلي يقولي ماما وشبيك شللت فمي وخزرت فيه قتلو والو عمري راني مريضة برك قالي راح تموتي صح جاتو الدمعة قتلو لاه نموت عمري قالي كيما ماما ماتت كي كانت تتقيا حضنتو قتلو يا عمري واش هذي الهدرة قالي هيا راحت ومتزديش تولي توحشتها حاب ماما قتلو زينو هاني انا ماماك بديت نسكت فيه وخرجتو قعدنا لي دروج بعيد على الصالو مش حابة يشوفو واحد قتلو اسكت صاي قالي نحبك وحضني قتلو انا نموت عليك وضك نتعشاو ونكملو نراجعو الدروس منبعد نتفرجو شوي حراس الطاقة ونرقدو ياك باسني من رقبتي قالي ايه حطيت يدي عليها وقت تفكرت كيفاه باسني جهاد هزيتو ماشية قتلو وليت ثقيل ضحك قالي  كيف بابا نولي راجل قتلو ايوا هذيك هيا دخلنا للصالو هز جهاد عينو فيا وبقى يشوف قالتي بشرى وشبيك ؟؟ قتلها والو جيست تاعبة وتقييت قالتي امم جابت سميحة العشا روحت نسربي لولاد باه ياكلو وهزيت سجود من عند بشرى جيت نقعد نطق جهاد قالي هنا خزرت فيه يقصد توالو تنهدت وروحت قعدت قريبة ليه وجابتلي سميحة البيبيرو بقيت نرضع فيها ونخزر في الماكلة لي لعبتلي على قلبي قالتي بشرى اذا تعباتك سجود هاتيها تخنزرت فيها قتلها لا اني مليحة انا نطلع لفوق وقلت لولاد يلحقوني جيت نايضة قالي جهاد اترصي تعشاي وطلعي قتلو منيش قادرة يا جهاد قلبي راه داير شاف فيا وهزلي براسو طلعت وخليتهم رضعت سجود وحطيتها مزال وقت النوم باه متضلش نايضة زادو طلعو لولاد ديتهم غسلو سنانهم وفرشتلهم في لرض وانا معاهم جبت من الشمبرة الكبيرة قداه من ماطلة وفرشت عليها درا وجبت الكوات وهوما ينقزو ويلعبو فرحانة بيهم كي فرحانين هوما ... فات الوقت لعبنا وتفرجنا منبعد  رقدتهم وزدت تكيت انا بجنب مداير سجود توالي لي مزالها نايضة بديت نبوس فيها ونغنيلها ونبربر حتى غمضت عينيها وانا طار النعاس مني نفكر غير في بشرى وعلى واش صرا صباح كيفاه جهاد.دارلي هذيك الجاست فيقني من سهوتي صوت الباب كي تحل درت نشوف نلقاه جهاد ميعرفش يطبطب كي الناس قالي رقدتو هزيتلو براسي جا باسهم كامل وقرب جيهتي تقريب لسق بيني وبين السرير يشوف مع سجود فلخر باسها وشم ريحتها وخزر فيا هبطت عيني حاشمة من القرب لي بينا حكم يدي بعدتها بلخف مخلوعة تنهد وناض رقد فوق السرير قالي جيبيلي غطا قتلو ترقد هنا ؟ غمض عينيه بلا كلام نضت على سعدي جبتلو غطا مفهمتش لاه يرقد هنا وعندو شمبرتو جبدت من الخزانة مديتلو نطق قالي غطيني زدت غطيتو كي جيت نروح جبدني عندو طحت فوقو شهقت هزيت روحي قتلو واش دير هز يدي حطها على شعرو يهدر وهو مغمض عينيه حرت وشبيه قتلو جهاد صفا قالي لا قتلو كشما بيك قالي والو متبقايش تهدري كسرتيلي راسي خليتو على راحتو ودرت كيما صباح بقيت نخرب في شعرو علابلي بلي عجباتو ويريح وهنا كتشفت اول نقطة ضعف تاعو يحوس على الحنانة هز يدو حطها على مسلاني ولسقني فيه وحط جبهتو على جبهتي تفكرت وقت دار هذي الجاست وتخيلني وداد خليتو على راحتو نفسو لي كان يضرب فيا وشفارو الطوال لي مركزة معاهم عندو وحد السمورية حلوة وداد كان عندها الزهر بيه مالغري هو انسان متسلط وانسان قاسي بصح يحبها ونفس الشي بنسبة للمرا لي راح تجي ليه باين مراحش يقعد حياتو كاملة عازب وهو عاد صغير في الثلاثينات ..قصص إدمان سيما .. هذي الفكرة خلات قلبي يضيق شويا زعما راح يتزوج ووشكونها؟ زعما يخير بشرى بسك حاطة عينيها عليه حاستها هكا والله اعلم ستغفرت دخلاني وبقيت نشوف فيه حتى تنظم نفسو نضت من توالو شفت سجود غطيتها وروحت للبالكو حليتو وعاودت غلقتو بقيت نطل لبرا ونخمم النسمة الباردة تضرب فيا حسيت بروحي راح نرد وانا ما كالية والو دخلت نجري وروحت للدوش نرجع بصح كرشي فارغة عينيا خرجو رجعت ننهج حكمتني الدوخة تكيت على الحيط حاكمة صدري كي هديت غسلت فمي ومسحت وجهي وخرجت لقيت جهاد تقعد من بلاصتو قالي وشبيك واش هذا الشي علاه تتقياي قتلو معرف وقعدت فوق الفوتاي رديت راسي اللور قالي كيفاه معرف حطيت يدي على كرشي لي بدات توجع قتلو معلابليش قرب مني وقعد على ركبتو  فرغ كاس ما ومدلي قالي شدي حكمتو من عندو شربت وحطيتو قالي اذا مشفتيش روحك مليحة نديك للطبيب قتلو راني مليحة هزلي براسو وناض خرج ... وحد الشوي وجاني النعاس روحت تكيت مع جيت نرقد صونا تلفوني مديت يدي لفوق السرير هزيتو خرجلي نميرو جديد هزيت الو .. نطق قالي وي تهاني عمري واش حوالك ااه هذا زينو قتلو شوف متزديش تعيطلي فهمت ولا نو كوبيت عليه عاودلي كوبيت وزاد عاود بقى يعيط وانا نكوبي شي 10 مرات قلقت هزيت قتلو متفهمش نتا وديجا منين جبت نميرو تاعي قالي اسمعيني برك تعيشي
الجزء 75 🍷🥀