جنون الهيام (الموسم الاول ) باللهجة الجزائرية

البارت السابع

الجزء 45🍷🥀

♣️جنون الهيام ♣️ ... عندما يهيم الشيطان بملاكه 🔥🍷

Sima jarisse A.Y 🍷🥀

الاورنجية 🔥🥀

تقريب ساعة باه وصلنا كانت طريق خالية خارجة على المدينة عرفت بلي دار زينو هذي حرت فيهم هذو الناس كل واحد عندو دراو وحدو كي وصلنا دخل جهاد لgارج وهبطت قابلتني وداد تجري هي ولبنات يحضنو فيا قالي عمري وشبيك واش صرا مي لي صدمتني وقت شفت فيفي جات هي ورفيق ولدها تمس فيا وتقولي واش حالك خزرت فيها قتلها حمد لله دخلنا للدار وهوما يعاونو فيا قعدوني في الصالو مزالت فيا الرجفة قالتي خلاص بنتي شوفي يديك قتلها هو خطفني وربطني اماماااا حكموني ليناغ نضت من بلاصتي نخبط في لي جات هو لي غدرني هو لي مقاليش الصح هو لي طلقني وضك خطفني هو لي عيشني اسوء ليلة في حياتي اليووووم هو حوس يهبلني هو خلاني في الضلمة وربطني غلقلي فمي هذووووو الصوالح نشوفهم في الافلااااااام اناااا برك 😭 طحت في لرض نبكي ونهزز في راسي حسيت مخي تخلخل لداخل رجع عليا كلش ... حطيت يدي على فمي وقت كنت راح نتقيا روحت نجري للدوش قابلني جهاد داخل وهوما ورايا خرجت قلبي كرشي كانت فارغة نتقيا غير في المرار جات وداد تغسلي بعدتها قتلها لالا ماما صاي حبيت نرقد برك قالتي اوكي اعمري هيا خرجتني ورفيدة وابتسام يشوفو معايا مساكن خايفين خزرت للباب الصالو قتلهم اسمحولي كي درتلو هكا قالتي رفيدة يودي غير روحي برك ريحي شفت في جهاد وطلعت مع وداد ..... فاتت عليا هذيك الليلة غير احلام وكوابيس مشي مليحة مالغري رقدت في حضن وداد بصح هكاك وخفت كل دقيقة نوض ونعاود نرقد ما جا يخلاص الليل بلجهد وراها غمضت عيني ..قصص إدمان سيما .. للصباح نضت كي حسيت راح نرجع طرت من بلاصتي خرجت للدوش نجري وكرشي بدات توجع فيا عرفتها العادة عاودت تقييت هي اصلا ديريلي هكا كي خلصت شللت فمي وخرجت الدوخة تدي فيا وتجيب خزرت للساعة في الكولوار كانت 10 دخلت لشمبرتي بدلت قشي وريقلت صوالحي وروحت هبطت كشما نشرب حاجة سخونة نلقى وداد في الهول مع رفيدة حاطة يدها على فمها قالتها يسما صاي مروح قالتها ايه خلص دراهم وشرا البيي حرت علامن يهدرو دارت ليا وداد لقاتني نشوف فيها قالتي اماما نضتي ارواحي قربت منها حضنتها قالتي مزلتي تاعبة قتلها امم شوي برك مي شكون لي قلتو عليه راح قالتي هذا زينو راح يهبط لفرنسا قتلها واااش قالتي ايه اعمري لبارح جهاد كان راح يقتلو ارواحي فهميني الحكاية قتلها نروح نوجد حاجة سخونة .... كي رجعت حكيتلها كلش قالتي رفيدة ولله تقول ما خويا حطت يدها على وجها تبكي وينك اماما ارواحي تشوفي واش راه صاري ... فاتت سمانة على هذاك الحال وكل يوم انا نخمم في زينو بلي راح يروح صاي سمح فيا مالغري انا زعفانة منو مي قلبي مذلول مهما يدير نقول نكرهو منبعد نلقى روحي نخمم فيه ونلقى روحي مزلت نحبو صاي سكن قلبي وعقلي ...قصص إدمان سيما  ... مقدرتش نتقبل انو صاي راح يروح ويخليني هذاك نهار كنت قاعدة في الشمبرة حتى صونا تلفوني لقيتو نميرو منعرفوش هزيت الو .. جاني صوت مش غريب ومتقطع منبعد ستوعبت بلي رمزي قتلو اااه استاذ هذا نتا قالي ايه .. واش .. واش حوالك معدتيش . تقر.اي قتلو صراو معايا مشاكل .. قالي انا توال باب دراكم .  معل.يش تخرجي قتلو وااش قالي حبيت نطمن عليك برك قتلو دقيقة ارمزي بعد شوي برك مش حابة يفهموني غالط روحت نطل من التاقة نشوف فيه قاعد توال الباب يستنى قتلو اقعد ثما ضك نجي قالي اوكي .. حرت منين جاب نميرو تاعي وزيد جا هنا للدار  حليت الخزانة لبست عليا فاست تاع صوف خفيفة بسك بدا البرد . ولبست البنتوفة تاعي هزيت تلفوني وهبطت نجري نريقل في شعري خايفة لا يشوفو جهاد ولا فارس يفهمو حاجة خلاف  ما لقيت حتى واحد في دار يادرا وين راحو ... خرجت من الباب لقيت فيفي جاية لينا قالتي بنتي وشبيك كشما صرا قتلها اا والو قالتي وين خارجة هكا قتلها اطاطا الاستاذ تاعي جا يطمن عليا مشيت وخليتها حليت البورطاي قابلني ساند روحو على حيط الدار لي توالنا روحت نجري ليه قتلو استاذ واش دير هنا تعيش قالي جيت . نسقسي قتلو ولله كنت مريضة ومش بيا صرالي مشكل ثاني قالي نقدر نعاونك الصراحة قلقني خفت كشما واحد يشوفنا سمعت صوتها ورايا قالتي تهاني ارواحي بنتي دخلي للدار تمرضي درت ليها كانت فيفي اووف مزيا سلكتني قتلو المهم استاذ ها هو الفيس تاعي منبعد ونحكيو وزيد يومين ولا ونجي نقرا قالي اوكي   مش .مش.كل مديتلو الفيس وراح انا دخلت للدار خزرت في فيفي قتلها يعيشك اطاطا سلكتيني قالتي مشي مشكل بصح لاه جاي ليك هنا ردي بالك قتلها لالا غير استاذي وناس ملاح قالتي معليش راكي مليحة شوي قتلها ايه بصح وينهم لخرين ملقيتهمش قالتي الله اعلم علمي علمك قتلها صحا انا لازم ندخل سلمي على رفيق قالتي يبلغ روحت دخلت للدار ..قصص إدمان سيما .. وجدت الفطور وقعدت نفطر وحايرة في رمزي لي جا ليا حتى للدار هنا زعما واش نيتو من هذا الشي ؟
الجزء 46🍷🥀