جنون الهيام (الموسم الاول ) باللهجة الجزائرية

البارت الثاني عشر

الجزء 92 🍷🥀

♣️جنون الهيام ♣️ ... عندما يهيم الشيطان بملاكه 🔥🍷

Sima jarisse A.Y 🍷🥀

الاورنجية 🔥🥀 ......🍷 مشاعر القاسي 🍷 

قالتي فيفي بنتي واش صرالك هذا تخنزرت فيها قتلها معليش نروحو منا قالتو ديماري ومشى بطومبيل طريق كومبلي وانا نشوف في البلاصة لي عشت فيها ولي تعذبت راح من طريق خلاف وفات على البراج هنا بانلي مليح قتلو حبس قالي وشنو قتلو قتلك حبس صف على جنب الطريق وانا هبطت روحت قربت من الماء ... مسيتو بيدي قتلو كنت نخافك ونهابك بصح هو خلى قلبي يبرد ونكره كل حاجة حاجة كنت نحبها ونحب كل حاجة كنت نكرها نتمنى اني ضك نطيح فيك غلطة ونموت ونروح لعند ربي منقدرش نقتل روحي راح نغضب لي خلقني كثر غسلت وجهي شوي كان عرقان وطرافي سمعت صوت ورايا كانت هي قالتي بنتي درت ليها قتلها شوفيني هبلت وليت نحكي مع الما عجبتكم حالتي !! قربت مني رجعت لور قريب طحت في الما قتلها غير بعدي عليا قالتي صاي هيا مشيت وخليها عاودت ركبت وهذاك ساكت حتى خرجنا للمدينة بديت نخمم كيفاه راح تكون ردة فعل جهاد وقت يوصل وميلقانيش اصلا واش دخلني فيه هو لي حرمني من ولادي 💔 كيفاه راهم سجود سور راهي تبكي عليا ولا وسام لي لازم ندوشلها ونبدلها تحب هذو صوالح ورسيم وزينو حطيت يدي على قلبي لي تحرق عليهم عمري حاستها تخرج وهوما بعاد الام هي لي تربي مش لي تولد تعلقت بيهم في ظرف قصير وحبيتهم كيما ولادي تحرمت من حنان الام بصح حبيت نعوضهم وكيفاه منحبهمش وهوما امانة الغالية وكيفاه منحبهمش وهوما لي يعيطولي ماما وميتيين عليا قليل وين نلقاو ذراري صغار يتعلقو هكا وينساو لي جابتهم بلخف ويحبو لي تربيهم راح نتوحشهم بزاف مت الف موتة في هذيك دقيقة من تخمام .. قصص إدمان سيما .. وحد الشوي ووصلنا لدار كانت كبيرة نطقت لهذيك قتلها اسمعي نتاعمن الدار قالتي تاعنا قتلها ونتي ولادك وينهم مفهمتش قالتي قصدك خاوتك وقت قالت هذي الكلمة رجعت عقلي لراسي وانو عندي خاوتي ومنهم رفيق الصغير لي شفتو معاها اخر مرة قتلها شحال ؟ قالتي رفيق واياد وزوج بنات صغار قتلها وقتاه جبتيهم هذو ااه نطق لوخر قالي تهاني اهبطي بنتي مرحبا بيك في داركم قتلو مؤقتا برك وخبطت الباب نشوف في الدار كيفاه ساكنين وانا مرمية في الشارع مشتاقة الخبز تبسمت على حالتي لي تشفي وروحت نطبطب ولا نقول نخبط حتى تحل الباب وكانت الصدمة معاه بلعت ريقي وانا نشوف في زينو قتلو انت انت واش دير هنا حسيتو تصدم قالي وشنو هذا واش صرالك شكون دار فيك هكا  ؟ حكمني من ذراعي وحضني مدخلني فيه قالي توحشتك يا عمري شكون لي دارلك هكا قتلو متدخلش وحتى هو  وجهو كان مشوه كلش فيه مش عادي من ضرب جهاد فزدلو خلقيتو بديت نبعد فيه مي والو حتى جا السينيور قالو بعد على بنتي وجبدني نطرت يدي منو قتلو متزديش تمسني فهمت قالي بنتي تهدني قتلو انييي نقولك متزديش تمسني قالي راني صابر عليك ودخل حكمني زينو من يدي قالي ارواحي نهدرو حرت كيفاه راه قاعد هنا وعادي يسما هو متفاهم معاهم ولا كيفاه وجهاد ميحبهمش راه يخدع في خوه قتلو اطلقني خليني نفهم برك نتا كيفاه تقدر دير في خوك هكا قالي تهاني قتلو متنطقش اسمي كرهت منو من كثرة ما نطقتوه درت لفيفي قتلها حبيت نرتاح قالي جهاد دار فيك هكا قتلو ايه بصح راجل عليك علابلك ومشيت مخلايتو وفيفي ورايا قالتي اطلعي بنتي هنا دارهم عبارة عن صالة كبيرة وقت تدخل من باب برا وجاية فيها ثرية منبعد دروج ويبانولك البيبان تاع الشومبرات ملتحت قالتي ها هي شمبرتك وراني وجدتلك كلش تسحقيه قتلها صاي روحي جات ماشية قتلها اسمعي دارت ليا قالتي وي بنتي قتلها هذاك وينو قالتي شكون قتلها التوأم قصدي قالتي لليل يجي قتلها مكلاه نشوفو هنا قالتي خوك دخلت وخبطت الباب جيت وراه نرجع في النفس مهما نتظاهر بلقوة نعاود نضعف انا ضعيفة وقلبي ضعيف وكيفاه راح يكون قوي وفات عليا كلش ؟؟ شفت في الشمبرة كانت تهبل وكبيرة جاية صبيغتها كروفات مع خزانة وسرير كبيرة يعني شمبرة كوشي روحت نشوف في الكوافاز المكياج ليكرام اي حاجة تسحقها البنت زدت حليت الخزانة لي كانت كبيرة فيها اشكال وانواع تاع القش حتى انو قدي وعلى ذوقي حرت كيفاه عرفو واش نحب وواش حتى الدوش وكاين  ..قصص إدمان سيما .....حطيت كابتي وجبدت الفوطو تاع رفيق وتاع وداد حطيتهم بين يديا نشوف فيهم ستغفرت وحطيتهم فوق الطابل دونوي توال بعض وتكيت في السرير ضامة رجليا لصدري ومكورة على روحي جسمي مزال يسطر نخمم في كلش حاجة بصح التخمام الاكبر هو جهاد تبسمت بلا وعي وقت تفكرت كيفاه رقد في حضني ورتاح ولا وقت قالي منخليكش تروحي بصح هو ضربني وضرني وحرمني من ولادي كبدتي راني رحت وتحررت منو بصح كيفاه راح نكمل حياتي ووين نكملها مستحيل نبقى عند هذي العايلة عوام فاتو عشت للشر وللفقر محوسوش وهوما عايشين في الخير والخمير وضك بنتلهم انا خلي نبقى قيسما نهز روحي ونخرج من الولاية كامل بصح ولادي كيفاه طاحت دمعة ومن دمعة ولادو دمعات كيفاه راح ندير خبطت السرير بيدي يا ربي وريلي الطريق راح نهبل بسيف باه قدرت نغفى شوي ونريح من الوجع لي حاكمني  ...قصص إدمان سيما
الجزء 93🍷🥀