جنون الهيام (الموسم الاول ) باللهجة الجزائرية

البارت الحادي عشر

الجزء 85 🍷🥀

♣️جنون الهيام ♣️ ... عندما يهيم الشيطان بملاكه 🔥🍷

Sima jarisse A.Y 🍷🥀

الاورنجية 🔥🥀 ......  🍷 مشاعر القاسي 🍷

. خفت لا الناس يشوفونا بصح الحالة مغطية قتلو بعد واش دير قالي اشش حط يديه على شورابي يمسح عليهم قالي علاه داير هذي الحالة في وجهك قتلو واش بيه قالي هذا الغوز قتلو كامل لبنات يديرو هكا ما جيت نكمل حكمني من شعري لور هجم على فمي عصرو بين شواربو حتى بديت نطبع فيه باه بعد ينهج قالي منزديش نشوف هذا الشي عليك بقيت نرمش ومشوكية قتلو جهاد نتا .. نتا واش درت ؟ قالي لي لازم فهمتي ولا نو جاني البكا نضت ديركت من توالو الفوبيا تاع البحر ونسيتها نشوف في اسحاق يلعب مع لولاد ولخرين يعومو فرحانين غير انا لي غابنتني الدنيا الضحكة ممحية من وجهي وكل ما نفرح يرجع هذا الفرح قرح .. حطيت يدي على شواربي هو باسني علاه يدير هكا علااه قربت من البحر معلابليش واش نخمم حاجة تقولي قربي لحمي شوك دخلت وسط الما هكاك بصندالتي ومع الما كان غامق شوي مالغري الشط داتني الموجة تحتها كنت نقيس في الرمل ونتخبط حتى جبدني يد خرجت ننهج ونرد في الما قالي تهاني عمري وشبيك حليت عيني نشوف فيه زينو بلا مقدمات حضنتو معلابلي لا بناس لا بأي واحد اصلا هوما لبنات ثما مع صحابهم ويعومو بقش كارثة زير عليا همست في وذنو خرجني منا تعيش عندي فوبيا قالي اششش خرجني ولبنات ورايا يقولولي صفا كي حطني فوق الرمل لميت يديا على كتافي قالي وشبيك عمري قتلو زينو حبيت نروح منا قالي اوكي ضك نروحو اصبري نطق ورانا قالو معندها وين تروح سمعت صوتو وغمضت عيني مزدت حتى كلمة وزينو يقولي صفا نوضني جهاد.من وسطهم داني للكرسي قالي وشنو هذي الحالة دخلتي تعومي مشي على اساس تخافي البحر مردتيش عليه .. فاتو السوايع تغدينا ولا نقول هوما تغداو انا غير نمد يدي ناكل حاجة قليلة ونحبس ولولاد لاسقين فيا باه نوكلهم تعبوني صح ومحبوش يروحو لعماتهم يكولوهم قالولي نتي كي لحقت 3 جاو شربو الحليب وتجمعنا توال بعض زينو ملي قعد منحاش عينو عليا وجهاد يتحرك من ومن مقلق من حاجة معرفتش واش هي نطق اسحاق قالو جهاد كيما تفاهنا الجمعة الجاية نجي نخطب نشوف في رفيدة ولات حمرة بصح مشي كان رافض وقتاه لحقو تفاهمو هذو ولا الشهور لي فاتو !!! بارلكولهم كامل وانا نطقت لاسحاق قتلو مبروك قالي لعقوبة ليك خزرت في جهاد ودورت وجهي حاكمة الغصة في قلبي .... شوي وقالي جهاد هيا نروحو قالتو بشرى نروح معاك قالها مكلاه منبعد يوصلك زين الدين قصفها ديركت قالتو امم خزر فيا بمعنى نوضي لبست للولاد ولبست صندالتي وروحنا ركبتهم في طومبيل وركبت انا زاد هو جا ركب وديمارا ..... كي وصلنا للدار هبطت انا الاولى وهبطت لولاد جا جهاد حللي الباب طلعنا لفوق وجدتلهم الدوش قتلو زينو ضك نجي حبي ياك قالي اوكي ماما عاودت روحت لتحت نحوس عليه لقيتو في الصالو هاز الدخان ويتكيف مرجع راسو لور على الفوتاي قتلو اسمع نتا هنا هز عينيه فيا وعدل قعدتو قالي مسمعتش قتلو مرانيش لعبة عندك انا تبوسني كيما تحب اصلا كيفاه قدرت دير هكا نسيت نتا شكون وحنا شكون واصلا حرام بقى غير يخزر ويتكيف يدخل الدخان ويعاود ينفخو قتلو كنت متزوج نتا وانا كنت ساكنة عندك ومرتك هي لي نعيطلها ماما ناض من بلاصتو رجفو رجليا قالي بصح كون مسك هو يكون عندك Une autre réaction ( ردة فعل أخرى ) ...قصص إدمان سيما .. قتلو نتا ولا هو نفس الشي منيش عاهرة والصباح قلت كلمتك ياك انا منسواش على حساب واش مدايرني صاي متزديش تقرب مني .. جبدني من مسلاني لسقني فيه شهقت قالي واذا قربت قتلو بعدد قالي هو علاه محضناتو مقبيل علااااااااااااه عيط في وجهي خلاني نتهز ونتنفض قتلو كنت .. كنت خايفة بعد عليا قالي علاه جامي حضنتني انا علاه هو ايه وانا لالا قتلو بعد واش تحكي قالي اسحاق علاه تضحكيلو وانا جامي ضحكتي في وجهي حبيت نبعدو والو بقى لاسق فيا قالي اخر مرة يا تهاااني اخر مرة نشوف واحد مقرب ليك فهمتيييي قتلو مفهمتش بعددد عليا اختك محافظ عليها وانا شوووف واش دير فيا اصلا واااش دخلك يقربو ولا يقعدو حكمني من شعري لسق وجهو في وجهي قالي نقولك علاه بسك نتي تاعي ديريها في بالك صدري ولا طالع السخانة طلعت معايا نتنفس بلجهد بلعت ريقي من كلامو قتلو واش حط نيفو على خدي يفوت فيه قالي منعاودش نهدر ستعقلي مش حاب ناذيك كثر قتلو صاي بعد قالي عجبني الحال هكا قتلو بعد قالي حضنيني كيما هو قتلو لا خليني نروح ولادك ضك يسمعو عياطنا يرجعو يبكو قالي وهوما علاااااااه مدايرتهم اكثر مني في كلش حليت عيني فيه قتلو جهاد ولادك طبعني قالي تهزي تهزي وحكم راسو طرت من بلاصتي وقت بدا يكسر في الحالة ويخبط ويقول علااااااه حالتو خلعتني خزرت لفوق غلقت باب الصالو مش حابة لولاد يسمعو روحت ليه قاس يدو رجعت تقطر بدم مالغري خفت بصح غاضني الله غالب قلبي رهيف قتلو جهاد عيط علياا اخرجييييي حكمتو من يدو وحضنتو ولا يرجف قلبو يخبط لدرجة نحس بيه في جسمي
الجزء 86 🥀🍷