جنون الهيام (الموسم الاول ) باللهجة الجزائرية

البارت الرابع

الجزء 12🍷🥀

الاورنجية 🔥 ... sima jarisse A.Y

♣️ ....  كان إحساسا جميلا عند أول لقاء لنا يا ذات الشعر الاحمر  ...  🥀🍷🔥

♣️ تلك النظرات أرعبتني ....   

  قتلها هو قال هكا ؟ قالتي ولله غير سمعنا كي جاو للدار لقاوه في الشمبرة بسك الباب كيما تعرفي الحطب تاعو خشين وقال بلي ضربتيه وقت دخل للشمبرة وكان داير بجنب وسرقتي الذهب وروحتي وكامل من يماه الشبار قتلها ولله يا هاجر ما انا قالتي اشش علاه تبكي علابلي بلي يكذب هذاك رضا بو نساوي قتلها بصح نسقسيك مدام هو يكذب الذهب وينو انا ولله ما ديتو وهو كيفاه خرجو ؟؟ قالتي مام انا خممت هكا يادرا الكلب كيفاه دار المقلب ارواحي دخلي وفهميني وين كنتي قتلها تعرفي زين الدين وجهاد ؟ قالتي شكون هذو قتلها لي قتلك تلاقيت بيه وقت روحت لدار إسحاق شرعت عينيها فيا قالتي متزدينيييييينش قتلها ايه ولله ومرتو هي داتني حكمتني من يدي قعدنا توال الباب قالتي احكي مع الاول بديت نحكيلها وهي مخلوعة مي مقتلهاش على زين الدين وكيفاه هدر معايا قالتي يخااه صح ولله مراني مامنة علابلك قتلها وضك وينهم دار خالتي قالتي صبرينة ما جات تولد قريب ماتت وجابت طفل وضك قالو بلي ناقصو لوكسجين جات تكمل خرجت يماها قالتي نتي ؟ واش ديري هنا قالتها هاجر ماما ياك قتلك حكيتلك تهاني خاطيها قالتها  ادخلي تشوفي هيا زربي خفي روحك شفت هاجر هبطت راسها ودخلت خلاتني ويماها خزرت فيا قالتي طيري منا منزديش نشوفك خبطت الباب في وجهي وانا الدمعة لي كانت محصورة طاحت زيريت على شواربي وجيت ماشية مهبطة راسي وكارهة حياتي زاد تهمني هذاك الرخيس بلي انا سرقت ويمات هاجر عاملتني على اساس سراقة وين يروحو عند ربي هذو العباد وهوما ضالمين اليتم ميخافوش ربي ؟؟ ياك كاين اخرة وكاين يوم يتحاسبو عليه علاه مسلمين مالا ولا بلاسم  برك ربي قال فأما اليتيم فلا تقهر وهوما جايتهم عادي بصح معليش كاين رب العباد لي يحاسب الله يمهل ولا يهمل ..قصص إدمان سيما .. كملت طريقي وخرجت لاري علابلي ضك نقعد من بيس لبيس باه نوصل وزيد جيت باطل كنت حابة نلقى خالتي وصبرينة ايا راني ملقيتش كي ركبت في البيس توال وحد الجان زاد تكسل مليح وفخضو قاس فخضي تكمشت على روحي زاد قرب رجلو قتلو .خو.خوياا .معل.يش تبعد رجلك شاف فيا وقالي راني مبعد واش نديرلك ختي دنيت للطرف الكرسي مي هو كل دقيقة ملسق رجلو فيا حتى حبست البيس على غفلة طحت والناس ثما ناضو منهم زوج نسا وعجوزة هزوني يقولولي صفا نطقت لعجوز قالتو يا العداسي من صباح وانا نشوف فيك راح تدخل في الطفلة احشم على روحك زاد نطق وحد الجان قالو ديجا نوض اهبط بداو يتهاوشو ووصلت للدبزة والركلة وهذاك الكلب قالهم هومااا يلبسو المزير على @#@ منبعد يقولك حنا السبة خزر في الطفلة قالهم ها هي ساترة روحها كاش واحد.دنى ليها طاح عليه لوخر بضرب وهبطو والناس هبطت تسلك وهذيك العجوز تقول خليه يتربى ولد الحرام ..انا دموعي طاحو من هدرتو وكيفاه ولا المجمتع ميرحمش وفي حاجة السترة عندو الحق بسك وحدة ساترة روحها واحد ما يقرب منها عكسي انا لي كنت لابسة هذيك الصالوبات مزيرة بزااااف بسيف باه كملت المهاوشة وهذاك لي ضربوه مخلاوش يزيد يركب انا هكاك حالتي حالة حتى صونا تلفوني جبدتو من جيبي بلخف لقيتو زين الدين هزيت عليه قالي الو برتقالة وينك رجعت نشهق قالي الوووو تهاااني وينك قتلو انا ...انا في البيس قالي وين البلاصة اهدري قتلو في @@@  نص الطريق قالي واش صرا قتلو واحد تبلاني ناض يكفر بلمقلوب قالي الطحاااااااان ولله نقتلوووو وينك نتي وييينك حبسي في لاري ياك مهيش بعيدة من ثما قتلو اوكي كوبا عليا وانا قعدت نمسح في دموعي جات لعجوز قالتي صاي خليك منو العداسي الموسخ .. قصص إدمان سيما .. يا ربي فاتو خمسة دقايق ووصلنا لاري ثما هبطت وقعدت نستنى في زين الدين شوي ودخل كي المهبول يسوق لدرجة الناس خزرو كامل فيه شكون هذا مول الطومبيل لي حارق الطريق  حبس توالي وهبط يجري قالي تهاااني حكمني من كتافي وشبيك واش صرا وينو هذا الكلب قتلو هو معرف ضربوه مقبيل بديت نمسح في دموعي لي تجاراو قالي اشش صاي هيا نروحو طلعني في طومبيل وزاد ركب هو مدلي قرعة ما قالي شربي متعرفيش هذا السيد ليوم نقتلو ولله قتلو منعرفوش وخلاص خليك منو ضرب الفولو قالي كييي قتللك انا صباااح ستري روحك محبيتش افهمي الناس ولات ضك تخزر في بلايص ملازمش الحشمة تاع بكري رااااحت فهمتي ولا نوووو تهاااني لازم تتعلمي تستري روووحك زاد خبط الفولو وديمارا طريق كومبلي وهو ساكت وانا لي معلابليش اصلا بدنيا وين صادة وراني راكبة مع واحد عرفتو في اقل من نهار 🍷 قصص إدمان سيما ...
الجزء 13🍷🥀