جنون الهيام (الموسم الاول ) باللهجة الجزائرية

البارت السادس

مقدمة الجزء 2 ♣️ جنون الهيام ♣️

عندما يهيم الشيطان بملاكه 🔥🍷 .... sima jarisse 🔥🥀

... إقتربو قليلا سأخبركم بسر : انا هو الذي سيغير مجرى الاحداث ويقلب الموزاين ... إفعلي ما تشائين وليفعل الجميع ما يشاء ولكن ... إحذرو فأنا لا ارحم 🍷

انا جهاد الابن الاكبر في عايلتي والاب الروحي لخاوتي من صغرنا مات بابا الله يرحمو وخلالي 5 يتاما في رقبتي خدمت وتعبت وحرثت على جالهم وقت كانو نتاجي يقراو في  الجامعة انا جبت الباك وحبست مزدتش ... من وقت مات بابا خلانا قفة بلا يدين وزادو عمومي ضلموني ودخلت للحبس بسبة اني كنت راح نقتل واحد فيهم بصح مشي غير هكاك دفاعا على اختي لي تضربت والعدالة حكمت عليا بعام حبس هكاك وليت انسان قاسي وليت انسان منتعاشرش في الحبس ديما قاعد وحدي حاكم روحي نخمم بلي راني مخلي عايلة ورايا يادار كلاو ولا نو يما واش دير .. فات هذاك العام بسيف بصح خرجت قبل شهر من موعد تسريحي وكي ستفسرت شكون هذا لي خرجني لقيت بلي المرا الحقانية لي ولدتني وجابتني للدنيا ومعاها شريكها لي لمني من الشارع وداني لدار القايد باه يربيني هو بحكم يما من فامليتو ومكانوش عندهم لولاد مع الاول ثما حكمني برود القلب وانا نكتشف انو منيش ولد شرعي من مرا موسخة جابتني نتيجة علاقة غير شرعية ورماتني كي الحيوان في الشارع وهي عايشة لابال v حتى انو تبان اقل من عمرها ووقت شفتها تبان صغيرة مستحيل تبان يما ومن ثما كي شافتني خزرت فيا خزرة مهيش نورمال ما نطقت حتى كلمة من هذاك العام ما زدت شفتها ولا لمحتها ... كي خرجت من الحبس لقيت خاوتي حالتهم حالة ويما اكثر عيطت عليها قتلها علااااه مخبرتنيش اني منيش ولدك بدات تبررلي وتبكيلي تقولي مش ولد كرشي بصح نتا ولدي العزيز وهذو خاوتك جاتني الصدمة على ضربة ولا مرة شكيت اني نكون مش من عايلتهم حتى خاوتي ونتشابه معاهم شوي كيفاه هذا الله اعلم ..  فاتو عليا يامات عذاب دخلت في دومان عيان لي هو 💊 يا ما ضيعت شباب وضيعت روحي في عامين كاملين ولي كان علابلو بهذا الشي هو فاميلة يما ( السينور  🍷) وجامي لا قالي اخطيك اصلا هو تاع سهرات ونسا وملاهي مراحش نستغرب منو ولكن بفضل دعوة لميمة عاودت رجعت لوعيي قبل ما نزيد نغرق ودراهم الحرام راحو في الحرام وسقطت سقوط حر وعاودت بنيت روحي بروحي بشوي بشوي لحقت 24 كنت مالك لاكبر المحلات والديار دخلت لعالم البزنس وقدرت نبصم اسمي فيه ... وكبرت خاوتي على طاعة ربي والوالدين كبرتهم قريتهم وحتى انا زدت قريت وكتسبت خبرات بزاف ومبازي على خاوتي اما تأسيس العايلة اخر همي مالغري يما كانت تضل تقولي تزوج ودير عايلة كي الناس ... كي كبرت وليت انسان بارد منهدرش منقصرش منسمحش في حقي منرحمش اهم حاجة من غير خاوتي ويما واحد ما نرحمو لي يغلط يخلص ولو ندير حاجة حرام صح ديني متعلق بيه وصلاتي نفس الشي ولكن القلب تاعي مقدرش انو يتخطى كمية الاذى والصدمات لي تعرضت ليهم وعلى هذا كان لي يغلط يخلص وبدوبل وخاصة عمومي لي شريت كلش من عندهم ورجعو هوما تحتي رجلي عفستهم كيما حبيت ... وجا نهار وين تلاقيت ببنت  بقات في راسي من وقت لمحتها عيني روحت سقسيت عليها وعرفت قصتها تشبه لقصتي وهي والديها ميتين متربية مع ختها نكذب اذا نقول معجبتنش قررت اني ندير خطوة وصح تزوجت بيها وحبيتها ومن الحب للعشق كانت انسان حساسة ونقية قلبها صافي ونية لدرجة كبيرة جبت منها 3 ولاد وها هو الرابع في الطريق .... بصح دخلت هذيك البنت لحياتي مولات الشعر الاورونج كل ما تغمض عيني نشوفها عرفت بلي هي بنت فاطمة الزهرا مرت خو القايد ... شعرها ونظراتها .. عفويتها ... بنت قدرت تأثر عليا بشكل كبير منيش تاع هذو صوالح بصح ..... شكون هي وعلاه نخمم فيها جيست كانت راح تكون مرت خويا وعاودو طلقو ... علاش قلبي تحرك وقت شفت في عينيها لاول مرة وعلاش هي راح تكون بطلة القصة ... علاش تهاني بذات ؟؟؟؟؟؟؟
الجزء 38 🍷🥀