جنون الهيام (الموسم الاول ) باللهجة الجزائرية

البارت الثالث

الجزء 7 🍷🥀

الاورنجية 🔥 ... sima jarisse A.Y

♣️ ....  كان إحساسا جميلا عند أول لقاء لنا يا ذات الشعر الاحمر  ...  🥀🍷🔥

♣️ تلك النظرات أرعبتني .... 

حسيت الدم.جمد فيا وانا نخزر فيه وحتى هو كان يخزر فيا حاط يديه على شوميزو باه يحلو مي حبس وقت شافني كان راجل طويل وشباب شعرو كحل مدايرو على جيهة ملامحو ما تعرفي منهم والو في الفوطو ومشي كيما هكا تحسيه واحد عايش بزاف في الدنيا كسر هو الصمت قالي علاه تشوفي فيا هكا مراحش تخرجي ؟؟ تلفتلي الهدرة من بحتو العالية عندو صوتو خشين ومبحاح من التوتر ما قدرت لا نمشي ولا نهدر الرجفة حكمتني قرب مني قالي منيش نحكي معاك ولا وشنو اخرجي هزيتلو براسي قتلو انا .. انا ديزولي كنت راقدة هنا مفقتش .. حتى. لض.ك حللي الطريق قالي صاي تقدري تخرجي ضك كي هدر هكا خرجت نجري حاكمة قلبي يخاه وشنو هذا الراجل تكيت على الحيط ننهج شفت وداد طالعة طارت لعندي قالتي متقوليليش جهاد جا مشفتوووش كشما قالك كشما هدر معاك ؟؟ قتلها لا جيست قالي اخرجي تنهدت قالتي متزعفيش منو حتى انا مرتو يتعامل معايا هكا  قتلها ايه مي خوفني قالتي متخافيش مقبيل كي حكيت معاه في تلفون هدرتلو عليك المهم  هيا مدام نضتي تتعرفي على لبنات راهم جاو مقببيل وقت كنتي راقدة وحكيتلهم عليك قتلها وداد حبيت منك حاجة قالتي لي هي قتلها نطمن على صبرينة وعلى خالتي قالتي متعمريش راسك تهناي امشي نتعشاو  منبعد ساهل قتلها اوكي يعيشك مي نحشم قالتي ما تحشمي ما والو رانا عايلة وحدة وهوما مقبيل دخلو لبنات شافوك وعجبهم شعرك ههه قاعدين يتلمسو فيك ومكيش فايقة قتلها اوو بلاك من التعب قالتي هيا حكمتني من يدي وهبطنا لتحت دخلنا في الكولوار الكبير ديركت للصالو لقيتهم كامل ثما لعجوز وزوج بنات وفارس لي شفتو مقبيل وولاد وداد كي شافوني نطقت وحدة قالتي اهلا اهلا بمولات الشعر الاورونج حسيت روحي سخونة من الحشمة قربت مني سلمت عليا زادت ناضت الطفلة لوخرا سلمت عليا وحضنتني شغل تعرفني عندها سنين هزت يدها تمس في شعري قالتي يعمري شحال تهبلي وكيوت 🥺 بقيت غايسة فيها قالتي انا رفيدة وهذي إبتسام ختي نطقت لعجوز قالتهم خلو الطفلة تجي تاكل بلاك راهي جيعانة حكمتني رفيدة من يدي وقعدتني توالها قالتي من اليوم بلاصتك هنا خلينا نتعشاو منبعد نحكيو سكت من الشوك مقدرتش نهدر بسك ناس كيما هذو وناس خير جامي شفتهم في حياتي زادت جات وداد قعدت توالي وانا في الوسط بينهم خزرت في فارس حاشمة منو قالتي لعجوز كولي كولي ما تحشمي منهم ما والو ولادي هوما هكا جابت وداد الطبسي حطتلي وزادت الخبز قالتي كولي بنتي هزيتلها راسي وبديت ناكل وهوما يهدرو معايا حتى فارس وقاعد يسقسي فيا بديت نندمج معاهم في الهدرة وبديت نلقى راحتي بلخف خلاوني ندخل في جوهم العائلي وحسيت بهذيك الحنانة تاع العايلة لي جامي لا كانت عندي ...قصص إدمان سيما .. وحد الشوي وهدر زينو قال papa راح يجري ليه درت ورايا كان لي يسموه جهاد لابس سروال سيرفات مع تركيو  هذا وين شفت وجهو في الصح بيا بسك مقبيل الضلمة وغير ضواوي الشمبرة لفوق في السقف  شاعلين ويتبدلو في كل دقيقة عينيه كحولا بزاف ومام شعرو عندو لحية خفيفة واسمر الكور تاعو شوي مزير وكتافو عراض قعد مترأس الطابلة وهز زينو لعندو باسو قالتو يماه على سلامتك ولدي قالها يسلمك يما زادت نطقت وداد قالتو مشفتكش كي جيت شاف فيها هزلها راسو برك ناضت قالتو اصبر نجيبلك عشاك هي راحت وانا توترت بسك الكرسي تاع وداد كان يفصل بيني وبينو هبطت راسي نطقت رفيدة قالتي وشبيييك علااه حاااشمة خويااا جهاد نديرو حفلة كي ولات عندنا ختنا جديدة قالها نوضي تشوكيت حسبتلي حاوزها ناضت راحت ليه هبطت زينو  وقعدت في حجرو وهو حط يدو على كتافها قالها واش تحوسي ضك قالتو نقولك حاجة تعيش قالها واش قالتو حبيت تمدلي نسوق الطومبيل كيما مرتك وكيما إبتسام قالها واش حكينا واخر مرة خبطتي في الحيط مكانش نوضي رجعي لبلاصتك حضناتو قالتو تعييش خويا تعيش ولله تعلمت وما نزيد نعاود قالتها لعجوز تهزي خوك تاعب خليه يريح غمز هو ليماه قالها نوضي رفيدة يالله ناضت تمسح في دموعها وقعدت فوق الكرسي راخفة شنايفها وبدات تاكل قالها فارس ولله لي يزعف مياكلش قالتو مراكش تصرف عليا نتا فهمت بداو يضحكو عليها فارس وإبتسام ولعجوز تقول ربي يهدي المهابل كثرو قالتو إبتسام خويا تهاني راح تولي تسكن معانا بقيت نشوف فيه حتى دور وجهو ليا عندو وحد الخزرة تخوف حط يديه على الطابلة وشبكهم نطق " تهاني " ..قصص إدمان سيما .. انا خلاص كي نطق اسمي قلبي راح وجا  زيرت على صباعي تحت الطابلة وهبطت عينيا مزاد حتى كلمة من غير هذي جات وداد جابتلو عشاه وقعدت نغزتني قالتي وشبيك مكيش تاكلي قتلها ااا ضك ناكل شفت فيه حطتلو بطاطا وطماطم وسكالوب برك مفهمتش لاه مكلاش كيفنا هزيت المغرف ناكل في لاسوب مزدت حتى كلمة وهوما يهدرو بزااف خاصة رفيدة متسكتش بالعة راديو في فمها وحد الشوي وجهاد قال لزينو جيبلي تلفون باه نعيط لهذاك كون منعيطلوش ميدخلش قالتو لبارح ولله ما دخل حتى ل 1 جيت نقولك منبعد محبيتش المشاكل .. راح زينو جابلو وجا عيط لخوه على حساب ما فهمت قالو اروااح وينك حتى نعيطلك اذن المغرب تدخل للدار ..  ... قصص إدمان سيما ..
الجزء 8 🍷🥀