جنون الهيام (الموسم الاول ) باللهجة الجزائرية

البارت الثالث عشر

الجزء 101 🍷🥀

♣️جنون الهيام ♣️ ... عندما يهيم الشيطان بملاكه 🔥🍷

Sima jarisse A.Y 🍷🥀

الاورنجية 🔥🥀 ..... بعدك كان حطاما لقلبي 💔  فيا ليت الزمان يعود يوما 🥀 ...

جمدت في بلاصتي من هدرتو بلعت ريقي يسما هذا صاحب جهاد انا هربت منو وهو راح يرجعني ليه قتلو انت.. انت راح ترجعني ليه انا مش حابة بديت نهز في راسي مش حابة  نرجع ليه تعيش قرب عندي قالي اشش ختي تهدني حكمت يدي قتلو تعيش قالي اتهدننيييي كي عيط سكت ضربة وحدة نشوف فيه وحاكمة الشهقة قالي مراحش نرجعك فهمتني جهاد مهوش بيا في مخو اذا رجعتك ليه راح يقتلك .. قتلو نكرهو مش حابة نشوفو قالي ايه هذي مدة وحنا نحوسو عليك ملقينا عليك حتى حاجة ومام الاثر تاعك ميسعاش وهذو لي خباوك عندهم بزاف اذكياء ومقدرناش نلقاوك احكيلي نتي هربتي ؟ قتلو ايه هربت منهم عاونتني يمات جهاد قالي وهي تخدم معاهم !!! وليت نتفكر باينة مدام جات هنا تخدم معاهم قتلو لا هي عاونتني قالي كيفاه عاوناتك يسما تعرفهم قتلو تعيييش يا خويا تعيش اذا حكموها سلكها متخليهاش ثما قالي احم ساهل المهم ابداي احكيلي واش صرا قتلو علاه قالي انا بوليسي وحاب نعرف بصح قبل هذا الشي كامل تروحي تدوشي وتبدلي من حالتك منبعد نهدرو قتلو وزينو راه بيا ؟ قالي وي خبرني جهاد راه مليح تنهدت ونضت نمشي بشوي فشلانة لقيتو يخزر فيا شار بيدو على الباب قالي منا في اخر الكولوار قتلو صحا روحت نمشي شغل بانتلي مراناش في دار عادية تبان باطيمات !! دخلت للدوش نلقى  روبة محطوطة ثما بلاك تاع يماه غلقت الباب وبديت ندوش خفيف خلصت ومسحت الكور تاعي لبست الروبة جاتني شوي مزيرة لميت شعري وركزت يديا على لافابو نشوف في المراية ااه ياه تهاني واش راه صاري فيك ااه يا تهاني اهلك لي جابوك طمعو يبيعوك وخوك يتحرش بيك وحاب يديرلك صوالح العقل يتبلوكا منهم .. علاه معنديش الزهر !!! علاه حياتي ماشية وتتعقد !! علاه هربت من جهاد طحت في هذوك الكلاب ومنهم طحت في صاحب جهاد !!! طاحو دموعي علاه تحرمت من ولادي يا ربي علاه شعلت العين غسلت وجهي ومسحتو نظفت الدوش وخرجت نشوف حكاية يوسف هذا نشاله يعاوني برك راني في مرحلة قريب نتحطم كاملة ..قصص إدمان سيما ... لقيتو في وجهي قالي ارواحي للكوزينة وجدتلك العشا مقلتش لالا وروحت وراه قعد هو ثاني كان موجد خير ربي راجل ويطيب هكا قتلو هذو نتا درتهم تبسم قالي ايه نشوف معاه راجل زين ومسرار واللبسة تاع البوليس خارجة عليه بدا يسربيلي قالي كولي وجهك صفر وفي نفس الوقت احكيلي قتلو اوكي بديت نحكي ونحكي وهو يسقسي كل مرة حتى وصلت لهذا الوقت كي سكت دموعي طاحو صعيب تتفكر الباصي وواش فات عليك قالي حكاية انور حكالي عليها نورمالمو جهاد قتلو كيفاه ؟؟ قالي ايه بديت نهدد بزرب قتلو وكيفاه قالي شوي معقد الدوسي تاعو بصح رانا نسيو كامل قتلو وكاين امل يخرج قالي نشاله خلينا في سوجي تاعنا قتلو ايه احكي قالي انا ضك جبتك وي راح تقعدي عندي نهار نهارين ولا شهر ولا كثر بصح الحل اذا جهاد عرف راكي عندي نخسرو وانا نخسر صحابي كامل الا جهاد ضك كيفاه قتلو تعيش مش حابة نرجع ليه هذاك همجي هذاك مهوش انسان شيطان دار فيا واش ميندارش قالي والحل قتلو حابة نخرج خارج الولاية كامل قالي كيفااه قتلو تعيش عاوني بقى يخمم قالي ولولاد محتاجينك علابلك يضلو يبكو عليك ولا نو حطيت يدي على فمي نشهق قتلو مام انا ولله بصح .. بصح منقدرش تعبت قالي ولله ما خليتي ما نقولك يا ختي انا ديتك منا جيست خفت جهاد كشما يدير فيك السيد مهوش في عقلو ويضل يتحلفلي بصح لافار هذي كون يعرفها جهاد متفوتش على خير قتلو اذا مهدرتش نتا مراحش يعرف قالي وبلاك هو متوحشك وحاب يصلح كلش !! خض قلبي من هذي الكلمة تفكرت نفس كلام نبيلة كي قالتي يحبك قتلو وانا مش راح ننسى ومش حابة يتصلح قالي راحتك مالا نقولك انا عندي ختي الكبيرة متزوجة وراجلها ميت وهي عايشة خارج الولاية مع دار شيخها بصح ايطاج وحدها هذا زمان راح نبعثك ليها مالغري مش حاب مزلتي صغيرة قتلو منيش صغيرة خرجني منا وصاي قالي اوكي مشي مشكل اني نعيطلها ونخبرها راح نوضك صباح ونوصلك .. تبسمت قتلو مننساش خيرك ونضت نهز الماعين قالي خليهم ختي ولله لا جاو في يدك قتلو ربي يحفضك ..قالي روحي ترقدي ضك قتلو اوكي روحت لشمبرتي وانا نخمم بلي نخرج من هذي البلاصة  غدوة مالغري حاسة كلام يوسف مش مقنع كيفاه في دقيقة قبل وزيد يبعثني لختو شكون هذي لي تقبل تسكن عندها وحدة ولا دار شيخها يقبل مشي معناها لقيت وداد يكونو ناس خلاف يشبهو ليها  وبلاك مزال  ناس خير كيما وداد   تكيت في السرير نخمم في زينو وحالتو والحكاية تاع انور ويوسف واش حكالي على لولاد غاضوني بزاااف ..قصص إدمان سيما .. داتني عيني وانا نخمم والدمعة حاصلة على شطها ... للصباح فقت على صوت يوسف يقولي ختي تهاني نوضي  ...عندو صوتو خشين ينوض الموتى حليت عينيا وهوما يتلاسقو منيش شابعة نوم قتلو امم خويا قالي مش تفاهمنا نروحو
الجزء 102🍷🥀