جنون الهيام (الموسم الاول ) باللهجة الجزائرية

البارت السادس عشر

الجزء 130🍷 .....  جنون الهيام ( عشق أبدي 🔥)

Sima jarisse .. A.Y 🍷🔥

صمتك الدائم أصبح يقتلني 💔 لما تفعل هذا بي 🥀🍷

الاورنجية 🔥 ...... 

وزدت كرهتني في وداااااد جهاااااااد وليت نغير من وحدة ميتة تفهم بسبة التجاااهل تاعك لي عيشتني فيه وليت نغير منهاااااا تمنيت كون جامي عرفتها .خزر فيا عاقد حواجبو قتلو هذا ما تعرف نتا تتخنزر برك باه تخوفني ياك تمنيت كون جامي عرفتك ولا عرفتها ناض قرب مني رجعت لور قالي واش تحوسي ضك  في هذي الليلة المقودة قتلو ندمت على زواجي منك وقبلت بواحد.كيما نتا قبل ما نكمل عطاني كف ومن كف ولاو كفوف ولا يعيط ندمتيييي ..  .... حسيت بدوخة طحت مع الحيط وهو خزر فيا قالي وانا ندمت لي تزوجتك ايه احسبيها كيما حبيتي حنيت لوداد ونحب وداد ونتي فرخة صغيرة دخلت لحياتي بدلتي فيها مي وداد جامي ننساها فهمتييييي ... كون ذبحني ومقالش هذا الكلام كون ربي داني من هذي الحياة ومسمعتش  هذا الشي ه راح قعد فوق السرير روحت ليه قتلو ندمت لي تزوجتني ياك !!!! وتحب وداد .. ههه عندك الحق شكون انا خزر فيا وعينيه معمرين دموع قالي راني مروح قتلو ايه روح وين حبيت وجيت ماشية حكمني من يدي قالي عندي خدمة مهدرتش معاه بسك صاي ملقيت ما نحكي قتلو طلقني وروح زير على يدي حتى عيطت رجعني ليه وقرب لسق فيا قالي عاودي مسمعتش الطلاق وشنو الطلاق هذا نتي تاعي وكي تطلقي تروحي لقبرك فهمتي قتلو بعد صاي كنت نهدر بكل هدوء طبعني حسيت راح نرد من ريحتو القاسحة طرت نجري للدوش فرغت قلبي وتكيت في الدوش نبكي بلا صوت ..... راح جهاد وخلاني مع ولادو .. كيفاه قدر يدير هكا !! كيفاه عطاه قلبو الله اعلم كل ليلة نتعذب ونتوحم عليه نقول هو يحبني هو لي يقولي نتي ملكي وتاعي راح يرجع بصح مرجعش ... ايامات فوتها عذاب ما بين القراية والتربية والوحم والدار ديما نعيطلو في نميرو تاعو باه يجي نلقاه مغلوق سقسيت صاحبو يوسف عليه قالي طلع لفرنسا وعندو خدمة ثما لي ولين منعقلش سور تلاقى بشرى وتصالح معاها مدام دخلها لدارو اخر مرة وولادو رجعو يسقسو عليه يقولي زينو راح كيما ماما ومعادش يرجع  ... وزيد سمر ورمزي لي كل مرة يديرولي مشكل اخر مرة راحت لادارة شتكات بيا بلي زعما نهدر في تلفون مع راجل والمعهد فيه ممنوع هذا الشي وزيد قالتهم راني اونسانت وممنوع ثاني بسيف دخل يوسف خلاوني نكمل نقرا مي وليت نحشم كي كرشي خرجت قبل وقتها ... الوحيد لي وقف معايا ومخلانيش  في هذي المحنة هو يوسف مام طاطا نبيلة مسكينة ولبنات وقفو معايا يصبروني يقولولي رانا هنا سوايع نحس بلي عندي عايلة مي نقول يعاودو يخلوني كيما  جهاد لي حبيتو وكسر قلبي والانثى اذا راجل جرحها بلكلام صاي تكرهو وصعيب تحبو ومتنساش واش نطق فمو ....قصص إدمان سيما ..اليوم الجمعة نضت تاعبة وكرشي مثقلتني حطيت يدي عليها غدوة نشوف واش عندي شفت في لولاد راقدين بستهم خاصة سجود لي كبرت بزااف هزيت روحي باه نوض نوجد لفطور خالتي صليحة مش هنا ومام سميحة دخلت للدوش دوشت وخرجت نمشي بشوي حليت جيهة خزانتي جاتني ريحة جهاد لي مزالت نتوحم عليها حليت جيهتو  بقيت نخرب فيها وقشو كيما خلاه ممسيتوش مع هزيت تريكوات تاعو مطبقين بانلي شغل باب صغير عقدت حواجبي .. حطيتهم فوق السرير ورجعت جبت كرسي طلعت باه نشوف مليح كان لاسق في الخزانة ويتحل بلمفتاح سييت نحلو مي مقدرتش هبطت لتحت للكوزينة جبت ترونوفيس ورجعت ما جيت نحلو بلجهد وخفت ينوضو لولاد من الحس بسيف تحل كانو فيها وراقي وبريات وصوالح بزاف ومن بينهم  زوج تلفونات لي تبعث هذاك نهار مكسر كامل ولوخر كحل جبدتو حليتو مفيهمش الكود هبطت من الكرسي قعدت فيه نخرب ودخلت لميساج نلقى وحد ليفوكال حليت الاول ... صوت مرا ورقيق معرفتوش بضبط قالتو باه تتهنى في حياتك وتنسى وداد ولله ما تتهنى .. وحبس الفوكال .. حليت الدوزيام " روحت تزوجت هذيك الفصعونة وحرمتني من ولاد ختي بسك من زمان قتلك نحبك ياو كنت صغيرة مي دير في بالك نبقى نفكرك فيها كل ما تسيي تفرح ودير واش تحب وصاحبك البوليسي مراحش يلقاني ويموت نخربلك حياتك كي نتا كي هذيك اللفعة لي نساتك في ختي وعيني عليك في اي حاجة تديرها يا جهاد " .... صراحة تصدمت من واش نسمع هذي خت وداد !!!! لي كانت متجيش لختها ولا تحوس عليها وضك زعما تقولو حرمتني من ولاد ختي بسك من زمان قتلك نحبك !! يسما كانت تحبو بلعت ريقي هذا جهاد لي طاحو فيه كامل سمر بشرى وزيد خت وداد حسيت قلبي يوجع هي لي كانت تبعث في تلفون والكادر والاجوندا ... تخلط عليا كلش وكل واحد يحارب فيا من جيه مالغري ما نعرفهم ما يعرفوني علاه يكرهوني الله اعلم ...
الجزء 130🍷 .....  جنون الهيام ( عشق أبدي 🔥)