جنون الهيام (الموسم الاول ) باللهجة الجزائرية

البارت الخامس عشر

الجزء 121🍷 .....  جنون الهيام ( عشق أبدي 🔥)

Sima jarisse .. A.Y 🍷🔥

الاورنجية 🔥 ......

قتلها ما درت والو هو تبدل وحدو قالتي اواه ليلة البارح كشما سحرتيه ضربتها لكتفها قتلها احشمي ضحكت قالتي ولله ما نحشم احكيلي تعيشي كيفاه صرا ياك تكرهيه ولا كاين حاجة مخبية بلعت ريقي معرف علاه توترت ياك انا منحبوش صح كيفاه قدر ياثر عليا ويخليني نعيش معاه ليلة العمرة لي تحلم بيه اي طفلة .... للعشية خليت لولاد يلعبو لفوق وانا هبطت قعدت في الجنينة مع لبنات نقصرو نطقت رفيدة قالتي تهاني مزال ما حكيتي مع جهاد على السوجي تاعي قتلها ولله يا رفيدة غير ننسى قالتي اطلعي ضك قوليلو بلاك تلقايه نايض قتلها اصبري .. طلعت نمشي بشوي مزال فيا الوجع فت تفقدت لولاد وكملت طريقي وقفت توال باب الشمبرة معرف علاه حكمني الستراس طبطبت زوج مرات مكانش رد قلت خلي ندخل وخلاص حليتو قابلني جهاد متكي فوق السرير ويلعب بتلفون باين العاب الحرب وهذوك صوالح بسك الصوت خزر فيا ورجع لتلفون قالي علاه طبطبي ؟؟ قتلو احمم قالي سقسيت قتلو هكا برك قالي هذي شمبرتك ياك قتلو امم معليش حبيت نحكي معاك في سوجي قالي هيا عندي روحت لعندو وطلعت فوق السرير حط تلفون وتقعد جبدني لحجرو حشمت حسيت بسخانة طلعت معايا قالي ايه احكي وباس خدي بعدت شوي قتلو السوجي تاع رفيدة قالي وشبيه خزرت فيه عيني في عينو قتلو كيفاه وشبيه جهاد ختك حابة ترجع ليه ونتا مفزد بينهم هز حاجبو تاع منيتك بلعت ريقي خايفة شي كف على غفلة قتلو بصح .. بصح هي حاباتو تعيش حطيت يدي على خدو تعيش جهاد ختك معندهاش غيرك ونتا الكبير في الدار حكم يدي باسها قالي نتي واش حابة قتلو مشي انا هي لي واش حابة قالي معليش ضك ايامات ونحل كلش ويديرو العرس يخطوني برك ضحكت من قلبي معلابليش كيفاه حضنتو قتلو مرسيييييي بزاااف دور يديه على ظهري وزيرني لعندو كثر بلا حتى كلمة .... بعدت عليه قتلو انا نروح نخبر رفيدة قالي روحي جيت نوض رجعني ليه باسني بسيف باه  طلقني قالي هيا وضك تقدري تروحي حشمت بزاااف نضت زاربة مالغري نتوجع قالي بشوي عليك ..خرجت فرحانة وهبطت لشمبرتي ديت لولاد معايا وهبطنا مع حليت بابا قابلتني طومبيل تاع زينو الضحكة لي كانت مرسومة على فمي راحت بلعت ريقي وزيرت على على سجود بين يديا هبط هو وجولي مرتو ومعاهم مرا خلاف وجها ملفوف كامل معرفتهاش بقيت ندقق معاها شكون هذي كي شافني هو قرب من مرتو وحط يدو على مسلانها وضحك قالها هيا حبي راح ليه زينو هو ورسيم يسلمو عليه ويقولولو عمو .. بصح لي حيرني شكون لي معاهم للحظة تفكرت كلام رفيدة نهار قالتي دخل وجه بشرى في الما السخون .. حسيت بسطل  ما تكب عليا حالتها كارثة تشوهت غير عينيها لي يبانو طلع زينو هو ومرتو فاتو عليا بلا حتى كلمة وزادت هذيك لحقت ليا قالتي ههه بصحتك تزوجتي ياك مي ديري في بالك مراحش تتهناي بيه فصعونة قدك.جات مشاتو كيما تحب مقدرتش نرد عليها دخلت حتى هي خزرت في لولاد قتلهم هيا ماما نروحو عند عماتكم .. وروحت نخمم علاما شافتني رفيدة طارت عندي قالتي تهاني واش صرا احكيلي قتلها مقبلش دمعو عينيها قالتي صححح علاااه بصح قتلها خسارة منبعد ضحكت قتلها قبلللل ولات تحضن فيا وانا نضحك قتلها سجوووود خنقتيها رجعت تبوس في لولاد وفي ابتسام وتشطح وحدها وانا مييتن بضحك قتلهم ها هو جا زينو وبشرى معاه ومرتو كون تشوفو بشرى خلعتني قالتي اخاه قتلها ولله كيما نحكيلك راحو يجرو وانا حكمت بلاصة نخزر لولادي كيفاه يلعبو ونخمم في بزاف صوالح لي راح نمرض منهم ..قصص إدمان سيما .. لحق المغرب وانا مزال برا معاهم كي حسيت بشوي برد بدا يضرب فيا نضت وروحت هزيت سجود من الحشيش قتلهم هيا  ندخلو قرب مني زينو قالي ماما انا جعت قتلو ايه ضك ناكلو قالي وحبيت حاجة ثاني بصح خفت من بابا قتلو وشنو هيا هبطت لعندو نمسح في وجهو قرب حضني وباسني قالي حبيت نخرج معاك ونشرو حوايج قتلو ياك روحت مع عماتك هذاك نهار قالي لالا نتي خير تشريلي واش نحب هي ديما تحب تخير لي عجبها ضحكت من قلبي قتلو اوو قالي ايه قتلو خلاص غدوة نسقسو باباك ونروحو ياك قالي اوكي عاود باسني ومشينا دخلو هوما الاولين بقيت نستنى شوي تشجعت صاي تهاني متخافيش راكي مرت راجل ضك ومتخميش فيه دزيت الباب وقدمت نسمع في صوتهم وهوما يهدرو نطق زينو قالي هيا ماما قربت للصالة خزرو فيا كامل ثما وين قلبي حبس تخنزر فيا جهاد قالي ارواحي هنا روحت توالو وقعدت هز سجود من عندي ولولاد توالي شفت في زينو لقيتو مركز معايا حطيت يدي على رقبتي خفت يشوف ليطراس .. قالتي جولي واش تهاني صفا خزرت فيها قتلها صفا قالتي مبروك قتلها يبارك فيك .. سمعت صوتو قالي مبروك شفت فيه هزيتلو براسي برك وبشرى منطقت حتى كلمة اني حايرة في جهاد كيفاه خلاها تزيد تقعد مقابلاتو وهي لي قريب قتلت بنتو .. بقيت غير ساكتة وحابة نوض ضاق خاطري توالهم سلكتني وسام كي قالتي ماما الماء قتلها هيا ماما حكمتها من يدها روحنا للكوزينة لقيت خالتي صليحة وسميحة يطييبو قالتي كشما تحتاجي بنتي قتلها كاس ما لوسام جبدتلي ومدتلي كي جينا نخرجو قابلني جهاد داخل للكوزينة
الجزء 122 🍷 .....  جنون الهيام ( عشق أبدي 🔥)