السلام عليكم ورحمة الله وبركاته.
وكما علمنا لكي تصل لما تريد لا بد أن هناك تعثرات ستقابلك في الطريق ، فإما أن تتقبل وتكمل متحملا الألم وإما أن تنهزم وتعزف عنه وتنسي حلم حلمته يوما ما .
طبعا يا جماعه الكل استغرب الفتره دي أنا لي مش بنزل فصول ، واكيد كان في حد زعلان بسبب ده وأنا هقولكم حقكم عليا أنا ، لانه أنا إنسان معرفش يتماسك في بداية الطريق فوقع لمجرد قليل من الإحباط تسرب إليه وده بصراحه طبيعي وكمان غصب عني لاني لوحدي في الطريق ده وزي ما تقولوا كده انا الداعم الوحيد لنفسي فمجرد ما نفسي أحبطت أنا توهت وعيشت فترة صعبه بين اني ارجع اجازف حتي لو لوحدي من تاني وميهمنيش عواقب الطريق بس للأسف يأسي كان أكبر واستسلمت ، بس الحمد لله على كل حاجه حصلت يمكن يكون الفتره دي جت علشان أرجع من تاني واقوي واتعلم اذاى ما اسيبش نفسي لإحباطى ويأسي ، وده إلى أنا مؤمنه بيه أكيد كل الى حصل ده خير ليا وعلشان كده أنا رجعت اهو بعد فترة ظلام عشتها لوحدى واقول بكل قلب متوكل على الله انى هقف من تاني وهحارب من تاني رغم انف عقبات الطريق .
في النهايه علشان مطولش عليكم إن شاء الله المواعيد اتغيرت بسبب ضغط الكليه عليا وخصوصا انها كليه عمليه والأيام مكدسه بالسكاشن والمحاضرات ، فبعد تظبيطات وتخطيطات موعيدنا هتكون سبت وأربع بإذن الله وإن حصل واتأخرت في يوم اعذروني فأكيد اختكم عندها كويز وانا حياتي كلها كويزات 🙂
في الخاتمه حابه اطلب طلب صغير يمكن هيفرق معايا جدا والله ، أنا عارفه انه في ناس بتقرأ في صمت مش هطلب طبعا تصويت لانه دي حجات ظاهريه ومش معلقه جودة عملي عليها أنا بس بكل صدق محتاجه دعم لو هتقدر تدعم بكلمه حلو خير مش هتقدر ومتعود انك تقرأ في صمت خير وأنا متقبله وكمان سعيده انك بتقرألي.
لأي شخص عابر هنا مر على كلماتي وابتسم ، أحبك في الله عزيزي القارئ❤
أدام الله سلامتكم وخيره عليكم أجمعين .
سلام عليكم ورحمة الله وبركاته.
أنت تقرأ
تعافي النفوس
Lãng mạnنفوسهم متعبه ، تتوق الي السلام والطمأنينة بعد أن باتت لأوجاع الزمن أسيرة. ظلت في ظلامها بعد أن هدأت عواصف آلامها ؛ حتي مُدت لهم يد السعادة لتربت علي أكتافهم بعد أيام الشقاء ، وتسير بهم في دروب الحب نحو العافيه والهناء .
