السلام عليكم ورحمة الله وبركاته .
♡♡♡♡♡♡♡♡♡
ضحك الآخر بخفه علي كلماته الاخيره ثم تفوه مبتسما بهدوء ليفسر له :
_ تقدر تقول مجرد إعجاب بردة فعلها ، يعني بصتها في الأرض أول ما شافتك علشان تغض بصرها عنك فده عجبك لأنك محتاج الصفات دي في شريكتك زي ما قولتلي قبل كده ، لكن حب فده مستحيل يا "يحيى " ؛ لانه الحب عاوز سنين علشان يُنبت بين اي اتنين عايشين مع بعض ، الحب مش من نظره او ابتسامه أو موقف عابر زي ده ، الحب حاجه كبيره يا "يحيى "حاجه كده زي السلم محتاج يتبني درجه درجه علشان توصله وعلي كل درجه بيتحفر عليها زكريات لكل حاجه عيشتها مع الطرف التاني ، مواقف حسست كل واحد فيكم بالأمان والاحترام والتقدير وأنكم لبعض الحضن الحصين الي مش هيخاف حد منكم في يوم يترمي فيه بعد ما الدنيا تدوس عليه ، ذكريات لكل موقف حسست التاني قد اي هو مهم عند التاني بعد ما يقف جنبه في شدته وحزنه قبل هنائه وفرحته ، سنين عشره شهدت علي مواقف الموده والرحمه بين الطرفين ، كل ده بيوصلك للحب يا "يحيى" ، يعني مش موقف عابر زي ده والسلام !!.
تنهد الآخر تلك المره بارتياح قد شعر بتخلله لنفسه بعد حديث صديقه والذي في كل مره يكن هو المحطه التي يحل عندها معضلاته فنعم تلك الصحبة ، ثم تفوه بصوته الرخيم :
_ ريحتني الله يريحك ، أنا كنت خلاص هموت من صراع القلب والعقل ده!.
رد الآخر بحكمه مبتسما ليطمئنه :
_ ارتاح يا "يحيى " كون انك كنت حاسس بالذنب للدرجه دي يبقي إيمانك قوي وشديد الحرص علي حفظك لله ، وأكبر دليل انه الشيطان أخرة ما غلب حب يدخلك في صورة الواعظ ، استعيذ بالله منه وصلي ركعتين قيام واشغل نفسك بذكر ربك كثيرا وكل حاجه هتكون كويسه بإذن الله .
ابتسم الآخر بهدوء ثم أغلق معه المكالمه بعد أن وافقه علي فعل ما طلبه منه في نهاية حديثه وتوجه للمرحاض ليتوضأ ثم صلي ويخلد لنومه بعد ذلك حتي يستطيع الاستيقاظ مبكرا كي لا يتأخر علي عمله ، بينما 《بلال 》 مكث في مكانه بضع دقائق يفكر في أمر ما قد شغله ثم توجه بعدها لمبتغاه .
♡♡♡♡♡♡♡♡♡♡
السلام عليكم ورحمة الله وبركاته.
أنت تقرأ
تعافي النفوس
Romanceنفوسهم متعبه ، تتوق الي السلام والطمأنينة بعد أن باتت لأوجاع الزمن أسيرة. ظلت في ظلامها بعد أن هدأت عواصف آلامها ؛ حتي مُدت لهم يد السعادة لتربت علي أكتافهم بعد أيام الشقاء ، وتسير بهم في دروب الحب نحو العافيه والهناء .
