#بسم_الله_الرحمن_الرحيم
#لاإله_إلا_الله_وحده_لاشريك_له_يحي_ويميت_له_الملك_وله_الحمد_وهو_علي_كل_شئ #قدير
#البارت_الرابع_والعشرون
#بغرامها_متيم
#الجزء_الثاني
#من_نبض_الوجع_عشت_غرامي
حبايبي اعذروني ما قدرتش اكتب اكتر من 5000 كلمه وبعد كده هثبت مواعيد النشر هتبقى الاثنين والخميس في المدارس والدروس وحوارات الاولاد مخلياني مشغولة على طول فكفايه يومين في الاسبوع ويبقى البارت دسم واسيبكم بقى تقرا البارت وتتفاعلوا عليه واهم حاجه التفاعل قراءه ممتعه حبيباتي 🥰 🥰
لنا في الواقع حكايات وفي عقلنا الباطن خيالات ولكنهم غير متشابهات نريد أن نحطم حكايات الواقع وننساها ونعيش الخيال بأسراره كي نخوض معه تجربة الأمر الواقع وحينما ننغمر فيها لم نجد إلا أنه أمرُّ من الحقيقة ولذالك دوماً اختيارات الله لنا هي الأفضل .
#بقلمي_فاطيما_يوسف✍️✍️
#بغرامها_متيم
#الجزء_الثاني
#من_نبض_الوجع_عشت_غرامي
بعد خروج "فارس" آمناً من فيلا أبيه وجد أن فريدة هاتفته كثيراً وما إن وجدته استلم المكالمات حتى ضغطت زر الاتصال على الفيديو كول فقام بالرد عليها سريعاً فعلم أن القلق ينهشها الآن وما إن رأته حتى شهقت من منظر وجهه المنتفخ والعلامات الزرقاء ظاهرة بشدة :
ــ حوصل ايه يا فارس طمني وشك هيحكي حكاوي مش حلوة واصل ؟
ابتسم لها كي يجعلها تهدأ ووجهها القلِق يستنير وتعود إلى مرحها معه كي تملأ دنياه العتمة نوراً :
ــ متقلقيش يا فيري أنا النهاردة أسعد إنسان في الدنيا بحالها ما تتصوريش مواجهتي مع عماد فرقت معايا قد ايه كنت واقف قدامه من غير ما اكون مرعوب زي كل مرة كنت بكلمه وانا ربنا مديني ايه قوة في قلبي ما اعرفش كلمته ازاي ،
ولا الحوار بينا كان نار يا فريده نار،
ثم تبدلت معالم وجهه الفرحة إلى حزينة ليسترسل حديثه بنبرة يملؤها الحزن:
ــ ومش بس كده ده انا كمان هاخد منه جثة ماما بكرة وهدفنها .
تهدج صدرها برهبة من الموقف وأنه سيكون وحيداً في ذاك الموقف فواسته بملامح حزينة :
ــ تعيش وتفتكر ربنا يرحمها ويغفر لها ويطيب مثواها يارب ،
واسترسلت حديثها وهي تعرض عليه:
ــ طب ايه رأيك تاجي تدفنها اهنه بعيد عن عماد خالص حتى تكون مطمن عليها اكتر وكمان تزورها على طول وما يبقاش صعب علينا .
قوس فمه بأسى وقد راق له فكرتها ولكن كيف تتم وهو لم يمتلك مدفناً هناك :
ــ هي الفكرة حلوة جداً لكن ازاي هدفنها في مدافن مش تبعنا ولا لي الحق فيها أصلاً ؟
