بنت السفير

الفصل التاسع عشر

الفصل التاسع عشر

صعدت زهرة خلفها لتجدها تجلس على الفراش و تبكى بقوة لا تعلم السبب الذى جعلها تصل لهذه الحالة اقتربت منها لترفع وجهها و تقوم بمسح دموعها
ـ مش هقدر يا ماما أرجوكي الموت أرحم ليا من لقائي بيهم مرة تانية
تحدثت زهرة بهدوء و هي تضمها :
ـ اهدي مش هسمح لأي شخص يقرب منك أنا معاكي
في الأسفل تنهد فارس بهدوء لأنه يعلم أن ما يخطط له مغامرة كبيرة لكن ليس لديه حلًا آخر
ـ يا ريس دى مخاطرة كبيرة بصراحة مش واثق في جوزيف ممكن يستغل نور لو قدرت تنقذ هيلين
هتف آدم بهذا الحديث و هو ينظر ل فارس ليجيبه بجدية شديدة :
ـ كلامك صحيح لكن إحنا مراقبين كل الخطوات محتاج أتكلم مع نور عارف إنها تعبت لكن وصلنا للنهاية
صعد آدم لرؤية نور و التحدث معها ليهتف فارس بجدية :
ـ أتمنى تكون هديت دلوقتي علشان محتاج تركيزك الفترة الجاية .. أنتم فريق واحد من أول يوم مش عاوز حد يستغل ده و يشتتكم
تحدث سفيان بهدوء :
ـ آسف يا ريس على انفعالي امبارح و أكيد الموقف مش هيتكرر تاني
أجابه بجدية و ابتسامه هادئة :
ـ أنا واثق فيك يا سفيان و عندي فيكم طموحات كتيرة
طرق آدم باب الغرفة و سمحت له زهرة بالدخول دلف ليقف أمامهما و أردف بتنهيدة عميقة و هو ينظر ل نور الصامتة :
ـ زي ما قدرت أنقذك و احميكي في لندن أوعدك مش هسمح لأى شخص يتعرض ليكي هنا
هتفت زهرة بجدية و هي تبتسم لحديثه :
ـ آدم وعدك يا نور و أنا واثقه إنه هينفذ وعده و إلا مستحيل أسامحه
ـ إيه المطلوب مني طيب دلوقتي
تحدثت نور بهذا الحديث و هي تقف أمام آدم :
ـ خلينا ننزل نتكلم مع اللواء فارس و نشوف هنعمل إيه سوا
أومأت بموافقة لتهبط برفقة آدم للأسفل دلفا لغرفة المكتب أردف فارس و هو ينظر ل آدم و سفيان
ـ نور أنا متفهم خوفك و ده حقك لكن زي ما قولتلك هو حالياً محتاج ليكي
تحدثت بحزن شديد و هي تجلس أمامه :
ـ إزاي عاوزين أساعد اللي كانوا السبب في موت بابا و ماما و حولوا حياتي لجحـ.ـيم بعد كده
لأول مرة ينتبه سفيان لنظرة الحزن في عينيها ليهتف بجدية :
ـ أنا عارف إنهم أذوكي كتير لكن بلاش تنسي إنكم بتقسموا على إنقاذ حياة المريض و المحاولة معاه لآخر لحظة مهما كان كرهنا ليهم لكن إنتي مجبره تساعديه
هيلين أذتك كلنا عارفين لكن ياترى لو رفضتى تعالجيها هتعيشي مرتاحة
لا تنكر أن حديثه ذكرها بالقسم الذي أقسمته عقب تخرجها من الجامعة لتجيبهم بهدوء شديد :
ـ أنا لسه موصلتش لنتيجة مؤكده في البحث اللي شغاله عليه علشان كده مش هقدر أجازف بنتيجة مش مضمونة بعدين حتى لو العملية نجحت هي مش هتعيش حياة طبيعية بعد كده أيوه أنا أقسمت قسم لكن مش هقدر
استمعت زهرة لحديثهم و هي تقف في الخارج لتدخل إليهم :
ـ أنا شايفه إن الكلام ده تقوليه للشخص اللي عاوز يشوفك
ـ هيرفض يصدق كلامي أو يقتنع هو دلوقتي عاوز أنقذها بأى طريقة
تحدث آدم بجدية و هو ينظر ل نور :
ـ لو رفض يمضي على إقرار إنك مش مسؤولة لو العملية فشلت وقتها يتحمل هو النتيجة لوحده
تنهدت نور بضيق لتهتف زهرة بهدوء :
ـ كلام آدم صحيح لو رفض يتحمل النتائج
أردف فارس و هو يقف كي يغادر :
ـ نور معاكي يوم فكري فيه بهدوء و لو رفضتي هيتم القبض على جوزيف
غادر و تركهم لتجلس صامتة رهبة تملكتها بعد علمها أنها ستلتقي جوزيف و هيلين مرة أخرى