အပိုင်း(၁၀)
ရေခဲမုန့်ဆိုင်ရှေ့တွင် ဦးလင်းမြတ်တစ်ယောက် ဘေးဘီကြည့်ရင်း ဆိုင်ထဲဝင်သွားကာ
"အုန်းနို့စိမ်း ice-cream တစ်ခွက်"
ထိုအချိန်မှာပဲ ဘေးမှသူ့လိုပင် မှာသူရောက်လာလေသည်။
"အုန်းနို့စိမ်းice-creamတစ်ခွက်"
တဖက်က သူ့အားလှည့်ကြည့်လာချိန်မှာတော့
"အော် မင်း.."
"အန်ကယ်...ဘလိုလဲကြိုက်သွားပြီမလား..အဟက်..မစားလောက်ဘူးထင်ထားတာ"
ဦးလင်းမြတ် ထိုမိန်းကလေးစကားကို မသိဟန်ပြုကာ မျက်နှာလွှဲလိုက်သည်။ ထိုစဉ် အရောင်းဝန်ထမ်းရောက်လာပြီး
"အုန်းနို့စိမ်းက တစ်ခွက်စာပဲကျန်ပါတော့တယ်ရှင့်"
ပြောရင်း အဖုံးပိတ်ကာ ဗူးကိုကောင်တာပေါ်တင်ပေးလေသည်။ ဦးလင်းမြတ်လည်းခေါင်းငြိမ့်ရင်း ဗူးကိုလှမ်းယူတော့ တဖက်ကမိန်းကလေးကလည်းထိုဗူးအားလှမ်းယူတာနှင့်ဆုံကာ လက်ချင်းထပ်နေတော့သည်။
"ဟေ့...ငါအရင်မှာတာလေ"
"လူကြီးဖြစ်ပြီးလူငယ်ဦးစားပေးလေ"
"ရေခဲမုန့်လေးတခွက်နဲ့တိုင်းပြည်ပြောင်းလဲမသွားဘူး...ငါအရင်မှာတာ ငါပဲယူမယ်"
"ကျမညွှန်းပေးလို့အန်ကယ် ဒီဟာကိုသိတာလေ..အဲ့တော့ကျမကိုပေး..."
ဦးလင်းမြတ်မကျေမနပ်ကြည့်ကာ ဗူးအား ကိုင်ထားလျက် သူ့ဘက်ဆွဲလေသည်။ တဖက်ကလည်းအလျှော့မပေးနှင့် ရေခဲမုန့်တစ်ခွက်အတွက် အခြေနေတင်းမာနေတော့သည်။
ထိုစဉ်မှာပဲ
"အုန်းနို့စိမ်းice-creamတစ်ခွက်ပေးပါ"
ထိုအသံသေးသေးလေးကြားသည်နှင့် ဝန်ထမ်းမလေးက သူ့ရှေ့က အကြည့်စစ်ထိုးနေသည့်မကြီးမငယ်နှစ်ယောက်အား
"ဟို...ဒီကဧည့်သည်နှစ်ယောက်အဝေမသင့်ရင် ဒီကလေးလေးကိုပေးလိုက်ပါလားရှင့် ကလေးဆိုတော့လေ.."ထိုအခါမှ နှစ်ယောက်သား ဝန်ထမ်းမလေးကိုကြည့်လိုက် ဘေးက ကလေးအားကြည့်လိုက်နှင့် ဗူးကို လက်လွှတ်လိုက်ကြတော့သည်။
YOU ARE READING
...Suu ...(Therapy Of Love)
Romanceမင်းဘဝမှာ အရာအားလုံးဆုံးရှုံးသွားတယ်ဆိုတဲ့ခံစားချက်မျိုး ရှိခဲ့ဖူးလား.... ရှင်သန်နေရတာ ဘာအတွက်လဲဆိုတာကောတွေးမိဖူးလား.... အဓိပ္ပာယ်မရှိတဲ့ဘဝကြီးကိုရှေ့ဆက်ဖို့အတွက် အကြောင်းပြချက်သေးသေးလေးတစ်ခုထဲနဲ့တင်လုံလောက်တယ်ဆိုယုံနိုင်လောက်လား... 🤙🤙
