ဒီဂရီမိုင်းနပ်ရဲ့ ခြေလှမ်းတွေဟာ အနုပညာအခန်းဆီသို့သာ လက်ထဲမှာ ကိုင်ထားတဲ့ အဖြူရောင်ဓာတ်ပုံက မဟူရာတုနှိုင်းဟာတဲ့။ဘယ်လိုကြောင့်များ အတင့်ရဲပြီး အခုလို ပြုမူတာလဲ။ဘေးခုံ အတန်းဖော်ဆီကနေ ရလာတဲ့ ဓာတ်ပုံဟာ မဟူရာတုနှိုင်းရိုက်ထားတဲ့ သူ ချစ်ရတဲ့သူ ချစ်သောစည်းရဲ့ ဓာတ်ပုံပင်။
မိုးပြာရောင် 'formal suit' နှင့် သိပ်ကို ကြည့်ကောင်းသည့် စည်းရဲ့ အမျိုးမျိုးသော ဓာတ်ပုံတွေကို သိမ်းဆည်းထားသည့် မဟူရာတုနှိုင်းဟာ သိပ်ကို စိတ်ပျက်ဖို့ကောင်းသည်မဟုတ်လား။ဒီလို ခိုးကြောင်ခိုးဝှက်အရာတွေကို လက်မခံနိုင်တာကြောင့် မဟူရာတုနှိုင်းနဲ့ စာရင်းရှင်းရမည်။
ဘာလို့ စည်းရဲ့ သူမမြင်ဖူးတဲ့ ပုံတွေက မဟူရာတုနှိုင်းဆီမှာ ရှိနေရတာလဲ သူသိပ်သိချင်သည်။မဟူရာတုနှိုင်းနဲ့ ချစ်သောစည်းရဲ့ ပက်သတ်မှုကလည်း ဘယ်လိုမျိုးလဲ။သူ သိချင်လွန်းလို့ ရူးတော့မည်။မနက်ခင်း စာမေးပွဲ မတိုင်ခင် ညစ်ညူးသွားသော စိတ်အစဉ်ဟာ ဘယ်လိုမှ ပြန်ကောင်း လာမည်မထင်။
“စာမေးပွဲ နောက်ဆုံးနေ့ကျရင် ငါ အစ်ကိုချစ်သော ကို ဖွင့်ပြောမယ် မဟာရပ်ဝန်း”
ဒီဂရီမိုင်းနပ်ရဲ့ စိတ်အစုံဟာ အပြင်ကို လွှင့်ထွက်သွားပုံရသည်။ဖွင့်ထားဆဲ တံခါးကို လက်လှမ်းနေရင်း ကြားလိုက်ရတဲ့ မဟူရာတုနှိုင်းဟာ မဟာရပ်ဝန်းကို ဘာမှ မဖြစ်သလို ပြောနေသည်။မဟာရပ်ဝန်းက သိပ်ကို သိပ်ကို...။သူ ပြောစရာစကားတွေတောင် မေ့သွားပြီ ဖြစ်သည်။
“နင့်စိတ်တိုင်းကျ လုပ်လေ- ငါက ဘာပြောနိုင်မှာလဲ တုနှိုင်းရာ”
“ငါ အစ်ကိုချစ်သောကို ကြိုက်တာ နင်တစ်ယောက်ပဲ သိတာလေ။နင့်ကို သိထားစေချင်လို့”
မဟူရာတုနှိုင်းက ချစ်သောစည်းကို ကြိုက်နေတာ မဟာရပ်ဝန်းတစ်ယောက်တည်း သိတာတဲ့။ဒီဂရီမိုင်းနပ်ရဲ့ ဒေါသအရိုင်းစိတ်တွေဟာ တဟုန်တိုး ရုပ်လုံး ပေါ်လာရသည်။သူငယ်ချင်းအချင်းချင်းကို ပြောမထွက်တာများ အံ့ဩတယ်။
“အခုတော့ ငါပါ သိသွားပြီထင်တယ် မဟူရာတုနှိုင်း”
“ဒီဂရီမိုင်းနပ်ပါလား-နင်လည်း သိတော့ ကောင်းတာပေါ့။ငါက အစ်ကို ချစ်သောကို -”
