ظلمات امرأة منسية

تعالوا .. تعالوا

اول شي السلام عليكم حبيباتي
شلونكم عائلتي الصغيرة 💕
احب اشكركم لدعمكم لقصتي
و اريد اعرفكم عليه شويه
و انتم هم عرفوني عليكم
💕
اسمي هاله
موظفة و حالياً مجازة
احب الشعر و الكتابة شگد ما تتصورون
و بديت أكتب و اني بعمر 12 سنة
بوقتها نشروا الي قصيدة بجريدة الصباح و نطوني ساعة هدية تكريم
هههه هالحجي قبل 2003

💕
ضليت اكتب بس بعمري مكتبت بالعامية
و حلمي جان يكون الي كتيب شعر بأسمي
عمري 21 سنة جان عندي بيج انزل بي كتاباتي
جان بوكتها مشهور جداً ، بس مسحته لظروف خارج عن ارادتي

💕
بسنة 2021 كتبت اول رواية اليه ( الاعصار الذي بداخلي)
و مجانت مشهوره بالفيس ، بس انشهرت على تويتر
و بما انه عندي اصدقاء من كل البلدان شجعوني و صار الها محبين ..
لكن حذفتها حفاظاً على حقوق النشر و ردت اعدل عليها بلكي تكون كتابي الاول و طبعاً الرواية مكتملة و قيد التعديل للهجة العامية ..
لانها باللغة العربية الفصحى .

💕
كتبت ثاني رواية (رُد قلبي)
( خيالية من نسج اخباري)
ما زالت قيد التعديل و هذهِ من اجل صديقة رحمها الله جان هذا طلبها مني قبل ان يتوفاها الله

💕

نجي لروايتنا (ظُلمات امرأة منسية )
الرواية قريبة جداً على قلبي و بعدها قيد التنزيل
بس بلشت بيها ( لان شفت بيها هواي من واقعنا )
الرواية بالاصل دفتر مذكرات مليان احداث و مليان مواقف و عبر .
لذلك صارت قريبة من قلبي و ان شاء الله ما اقصر بالسرد .

💕

ان شاء الله انشر القصص تباعاً (بعد ما اخلص رواية ظلمات امرأة منسية )
💕

نجي لاسئلتكم ..
هل حقيقة ام خيال ؟
الرواية اغلبها حقيقه مع الخيال بتصرف
الغرض منه زيادة التشويق ، و اخفاء هوية اصحاب القصة

💕

نجي لطلباتكم ..
انا بطبعي اعشق التفاصيل و حتى الصغيرة منها
لذلك افرط بالسرد و الغوص بالاعماق و الهدف و الغاية
حتى اوصللكم الاحساس و يتجلى على شكل شخصيات كدامكم
تكدرون من خلالها تحسون بيهم و تتخيلون ملامحهم
تحبون هذا الشي لو تحبون الاقتضاب و الاختصار ..
احب اسمع رأيكم ..

💕
امر آخر ، احب اشكركم ، اشكر دعمكم و كلامكم
و احاول اكون گد الثقة و نستمر سوه ،
الكتابة ما هي الا مشاعر نذرفها على الورق
و القراءة هي رحلة طويلة للبحث عن الذات
الامران مكملان لبعضهما البعض ..
بالنسبة لبعض المشاهد ، احاول اختزل جرأتها قدر الامكان
بحيث ما تأثر على طريقة السرد و عمق الموقف
اكو كلمات بذيئة اختصرلها الكم حفاظاً ع الذوق العام
اذا عدكم انتقاد ، انا هُنا اسمعكم برحابة صدر شرط ان يكون انتقاد بناء
و بدون تجاوز او مقارنه ..
انتم خواتي و بناتي و حلو الاحترام بيناتنا 🤝🤍

💕
و اخيراً و ليس آخراً
التنزيل حيكون بين يوم و يوم
واذا گدرت و ماعندي التزام يكون يومي
محبتي 💕