طليقى الصعيدى ** مكتمله **

بداية جديده

بالقاهرة

داخل السكن الجامعى لكلية الطب

ونتعمق أكثر لداخل احد الغرف التى كان يتغلب عليها الهدوء عكس اى غرفة أخرى

... / عين يا عين يلا احنا متأخرين اوى

عين وهى ترتدى ردائها الشتوى الثقيل لتظهر تلك الشابه التى كانت ذات جمال خاص فى كل شئ بعينها ذات اللمعه الرائعه و اللون الفريد فعينيها كانت كأنها خلقت من احجار القمر بلونها الرمادي الخلاب و بشرتها المشربه بحمره طبيعيه جميله و ملابسها المحتشمه و الادناء الطويل الذى يكاد يسير خلفها من طوله و خمارها الذى كما كان حشمتها كان يضيف رونقا اخر على جمالها فهى ذات جمال من نوع آخر و اسم غريب ولكنه بالفعل يعجبها

عين / حاضر يا رورو خلصت

مريم / ايه يا بنتى خلينا نجيب الحاجه دى بسرعه قبل الشتا علشان شكل الدنيا هتمطر

عين / ما انا قولتك نأجلها لبعدين بس انتى الى مصممه ننزل دلوقتى

مريم / ما هو انا لو قعدت هكسل و لو كسلت مش نازله تانى فيلا بسرعه

لتهبط الفتاتان للاسفل و تتصعدا أعلى الرصيف وتتوقفان و هم ينتظرون السياره الاجره لتستمع لصوت أتى من خلفهم 
عين / حضرتك مين
... / انتى مش عرفانى يا عين
عين / لا مش واخده بالى
... / انا فادى معاكى فى الدفعه
مريم / يعنى انت عاوز ايه يعنى
لتقاطع عين الحوار الذى كان سيبداه فادى مع مريم
عين / نعم .. محتاج حاجه
فادى / لا ابدا .. شوفتكم واقفين فقلت ممكن محتاجين حاجه
عين / لا متشكره لزوقك
لتتحرك عين و خلفها مريم التى كادت تموت غيظا من ذلك البغيض

عين / فى ايه يا بنتى اهدى هيطقلك عرق
مريم / لا بجد سمج جدا انا مش عارفه عاجبك على ايه
لتكمل بتريقه.. متشكره لزوقك .. دلع ماسخ
عين وهى تضحك عليها / اولا انا مدلعتش .. ثانيا هو جه اتكلم بكل احترام و متجاوزش حدوده ف ليه اكون بارده
و بعدين ده مجرد إعجاب و هو اصلا ميعرفش بس كويس طلع شهم اوى

مريم / بلا خيبه .. لو امك كانت هنا كانت نفختك
عين / الاه هو انا عملت حاجه
مريم و هى تشير لإحدى سيارات الاجره / طب يلا ياختى علشان نخلص

و ورانا سفر بعد بكره يادوب نجهز شنطتنا
ليصعدا للسياره بينما عينا فادى المشتعلتان بالاعجاب تراقبها

ليدخل الى مبناهم الذى كان مقابل للسكن الجامعى فيصادف صديقه و ابن خاله ظافر
ظافر / ايه يا ابنى مالك سرحان فى ايه
فادى / مافيش يا ظافر ... انت رايح فين
ظافر / هروح لحد الشركه و راجع اصل انت عارف البشمهندس مقوم الدنيا و مقعدها علشان الملف إلى ضاع من يومين
فادى بعدم تركيز / ماشى ماشى .. اشوفك بعدين
ليصعد فادى الى شقتهم بينما اتجه ظافر للشركه التى يعمل بها