يا جوهرة متعب كفيني ضياع

Part 7

رجعت و أكلت السندويشة و شربت العصير تتحسس عنقها اللي اثر ايده عليه وش اللي خلاه يخنقها و هو حتى ما كان يعرف من وراه ، تنهدت تتذكر قربهم بالكرفان و نظراتهم و سرعان ما ضحكت من تذكرت انها ضربته و دفته بقوة ما قد عهدتها من نفسها انسدحت و هي متعجبة من نفسها كيف لوت ايده و دفته وهو بهذا الطول و العرض و الضخامة و سرعان وهي تفكر كيف قدرت تدفه لقت نفسها تفكر بوسامته هي معتادة تشوفه و لا بعد هي تشوفه كل يوم لكن لاول مرة يستوي موقف يجمعهم و يكونون بهذا القرب فكرت به سماره و حدت ملامحه اللي يكسرها تعبيره البشوش غير عن اخوها اللي ملامحة حادة و تعبيره باردة ، رفعت ايديها تشوف اظافرها ما تفهم ليش تفكر فيه و تحس بشعور حلو بس غير مريح و هي معتادة عليه و ما قد فكرت فيه هل هو بسبب الموقف و لا شيء ثاني

الصباح

قامت على نور الشمس اللي تسلل بين خيوط الخيمة تفتح عيونها تشوف انها بحضنه مثبتها بايديه و نايم و الواضح منزعج يبي ينام اكثر تذكرت امس كيف كان جن جنونه من غيرته عليها و هذا ما كان إلا من فستانها الأحمر و اللي ازعجه اكثر انه كان يبي وصلها و لكنه متنع لكونهم مب في البيت و كتفى البسيه لي ليا رجعنا ، ابتسمت تخلل ايدها بين خصلات شعره و تبوس خده اكثر من مرة تبي تصحيه تشوفه يفتح عيونه يشوفها تبتسم له وهي مرتخيه عليه وشعرها يحاوطها و يحاوطه مد ايده يبعد خصل شعرها المغطية ملامحه يقرّبها يبوس راسها

مهاب : يا زين صباحي ليا ابتداء بك

ابتسمت بخجل من غزله اللي لمس مشعرها ترتفع تبوسه على طرف شفته و تقوم بسرعة قبل يمسكها تنطق

الجوهرة : قم يلاه صلاة

تنهد يعتدل بجلسته و يمسح على ملامحه يتوضأ و يظهر يصلي على يمينه مشاري و يساره شريف ورا ابوه وعمه يصلي بهم جده ، صلو يجلسون ببيت الشعر يفطرون و يرجعون برا من اشرقت الشمس و نورت السماء يجتمعون الرجال و الحريم بينتهم السوالف الحلوة و النقاش الحاد اللطيف على منو بيزف جود و انتهى بنبرة حادة من الجد اللي انصرع

الجد : بيزفتس ابوتس و كل خوانتس

نطقت الجدة و هي ما تحب الناس تشوف احفادها مع بعض تخاف من العين لان كل افرد ال جامح يتميزون بالطول و البنية الضخمة الرياضية و الوسامة

الجدة : لا ما يدخلون يدخل مهاب وشريف بس

نطق الجد بقلة حيلة : اللي تقوله ام العيال يصير

ضحكو على الجد لكنه التفت عليهم بعصبية

الجد : وش مقعدك انت وياه قمو حلبو الناقة

كملو ضحك و هم يمشون للنياق ، التفتت ام مشاري على على عمتها تقول بهمس

ام مشاري : ودي يا عمتي ازوج مشاري

الجدة : ايه يبا له حرمة ليل متى بيتم بلا بزواج

نطقت هيام اللي سمعتهم : ايه نو انتي صادقة و الله يا عمتي انا بعد ابي ازوج شريف