يا جوهرة متعب كفيني ضياع

Part 9

قامت من النوم تشوفه نايم جنبها و محتضنها ابتسمت من تذكرت مشوارهم اللي عرفو فيه اشياء مهمة و اشياء بسيطة و عميقة عن بعض و كيف واساها و هو ما يعرف اساساً وش محزنها ، ناظرته بحب و هي تتوعد في هناء اللي جرحتها بالكلام وزرعت فيها شك ان مهاب ما يحبها و رح يتركها بيوم من الأيام ، تقدمت تبي تقبله لكنها سمعت صوته اللي أفزعها

مهاب : حرقتيني بعيونك

شهقت تبتعد إلا انه ضمها يقول : كملي اللي كنتي ناوية تسوينه

نطقت باستغباء : اند وش من ناوية عليه

رفع حاجبه : اممممم يعني ما تعرفين

هزت بالنفي و هي تضحك وسرعان ما شهقت من صارت تحته تسمعه : بس أنا أعرف

طبع قبلة خفيفة على شفايفها يشوف أحراجها و ارتباكها منه اللي خلاه يضحك ينطق بإ بتسامة لعوبك

مهاب : بعدس تخجلين

ضربته على صدره تحاول تفك نفسها : ليش تحسب اني مثلك وجهي مغسول بمرق

مهاب و هو يبعد خصلات شعرها المتمردة : و ليش اخجل و انتي حلالي

قرصته في بطنه و قامت بسرعة قبل لا يمسكها و هي تقلده تعيب عليه : و ليش اخجل حلالي اتقي ربك و قم صل

لفت و ركضت ادورة المياه من شافته واقف يمثل العصبية تخليه يضحك عليها , ظهرت بعد مدة قليلة يدخل هو يتوضى و هي جهزت ملابسه و جهزت البخور و دهن العود له ، لفت من سمعت صوت الباب تبتسم له بخفة و هو يبتسم لها برضى غير لبسه و قرب منها بعد ما نسف غترته و هي ما كان منها الا انها تشتت نظرها للبعيد تمد ايدها لطرف غترته تنزله و تبخره لقمان و تنزل الطرف الثاني تبخره بعدها تبتعد تترك البخور على التسريحة و ترد له بدهن لعود تدهن طرف عنقه و معصمه خجلانة من عيونه

الجوهرة و هي تبتعد : شل عيونك

مهاب : امم وش راح تسوين اذا ما شلتها

الجوهرة وهي تفكر : اممم وش راح اسوي

ابتعدت بعد ما نغزته في بطنه تقول وهي تهد جلالها عليها : رح اشرد

ظهرت قبل لا يجيها و هو يضحك عليها يمشي وراها يسلم يصبح عليهم وهو يمشي المسجد و يتوعد فيها بتمثيل ، ضحكت بخفة تمشي للمطبخ تساعد بتجهيز سفرة الفطور مع البنات و تجلس بعدها بالصالة معهم تفطر و تجلس تسمع البنات و جود العروسة بعالم ثاني بعيد عنهم و إذا ازعجوها ضربتهم لان ما عاد ينفع معهم إلا الضرب

حكت رهف أيدها بوجع : وجع أنا شخصني هذيه قدامتس اضربيها

ابتسمت سلمى بشماته و الضربة كانت لها : الظاهر لي و الجهر لتس هههههههه

ضحكن البنات و هي شاتت سلمى و قامت تنطق : أنا بمشي ارقد و الله لو أشوف زول وحدة فيكم أوريها شغلها